اقتباس:
المشاركة الأصلية كتبت بواسطة liluo
السلام عليكم
تحياتي للجميع وأرجو ان اجد المشورة المناسبة لديكم
بما انكم تتحدثون عن الرحلة العائلية
احنا ناوين نسافر هالسنه انا وزوجي ولدي صغير ( سنتين )
حطيت مخططي لسفره : الرباط و طنجة وتطوان وشفشاون ( بما انها قريبة من طنجة )ومراكش وفاس ومكناس
لكن مو عارفة كيف ارتب هالمدن او كيف التنقل في مابينها
مشكلة زوجي مايحب يسوق سياره في سفر ابد
يعني ياليت يكون في قطار بينها او تاكسي كويس
كمان كان بودّي ازور اكادير لكن للأسف بعيده كثير عن جميع المدن الي ذكرتها
للعلم احنا راح نحجز على مطار الرباط تقريبا على اول شهر 5 وماعندي مشكلة مع الفنادق لاني بحجز من بوكينق
ياليت اجد عندكم الافاده كمان اذا احد حاب يقترح علي أماكن لزياره في هذه المدن او غيرها ودمتم سالمين
اختي بما انكم جالسين مدة مناسبة ونزولكم في الرباط اقترح تاخذون السيارة من المطار وتجلسون يومين في الرباط ومنها لمكناس ليلة وافران تطلعون لها في النهار وفي الليل تنزلون فاس تاخذون ليلتين ومنها لطنجة اللي تستحق ثلاث ايام
وجنبها تطوان وشاطي مارتيل ومنها لشفشاون تاخذون يومين يوم للمدينة ويوم لزيارة شلالات اوزود
وترجعون تريحون يوم في طنجة او تطوان حسب ماتشوفون
وتنزلون منها لكازا محطة ليوم واحد حتى ماتقطعون مسافة طويلة لمراكش مرة وحدة
مراكش جميلة وممكن ثلاث ايام خاصة اذا طلعتوا لاوريكا
اذا ناسبك الاقتراح او تبغي تغيري عليه او اي معلومات اسالي وابشري باساعدكم بكل اللي اعرفه