كثرت علومي وزانت .. فيها من دواليب الوقت ودورات الايام وسوء الطالع.. وفي لياليها انا نجمها ا لامع في مداري ومن حولي ... ارهقت نفسي وقلبي من كثر شوقي وترحالي حب المكان ادمان فية لقاء وفية ذكرى اللقاء راحتي ذاك المكان بكل حالاتي بعود وهذا انا اعود واطلب من الله الصمود في كل لحظة واجيك واحذف شقاي وتعبي واتنفس اجواءك واطيح عطني ايام وليال رحلة الساري لجلها حزم امتعتة وجاها (ياوجودي على الراحه) ان صحى من سباتة ... بعد هذا ... ا لسلام والمواجهه والكلام ...
كنت خايف لا امسك الطريق انا وياسمين لاكن شفت نظرة قبول في عيون الناس وعجبني الوضع صراحة ,,, وكانت الرحلة ممتعه الى اليوسفية والقيادة بلى تعب او ارهاق بالعكس كان ودي انطلق معها الى اي مكان المهم قررنا نعدي على مراكش ونغير جو ...دخلنا مراكش بسلام الحمدالله توجهنا على مطعم سمك في جليز مطعم بالقرب من بريد المغرب صراحة اكلة شهي صحيح مراكش مافيها بحر ولاكن تجيها اطيب الاسماك من اسفي والوصويرة ومن بعد توجهنا وتقهوينا وتسوقنا بعض الاغراض من جليز ... معى احترامي لمراكش واجوائها فهذا وقتنا فيها مجرد ساعات هناك يكتمل جوي في نواحي( سوس ماسة ) هناك تكتمل قمة اجوائي و هناك شعرت بالراحة .
وصلنا بسلام لتغازوت وهناك في استقبالنا من من اشتقنا الية ترحب امواجة وكأنها تتكلم مرحبا بمن عادو مرحبا بمن سمعو الصوت وسمعت نداههم... قلوبنا لها في تغازوت مكانة مجرد شعور حسينا انا وصاحبتي العزيزة فية كأن هذا المكان يعرفنا ... ومن جهه في استقبالنا (خوناالحبيب) عساس المكان وفي وجهه ابتسامة وكأننا احد افراد اسرتة او اصحابة ماشافهم من مدة عالسلامة توحشناكم هذي تراحيبة في ملامحة قبل لسانة ...
الله يجازي النوم ماقدرنا عدم طاعة سلطانة .. فاستسلمنا وغفونا اعزائي ايام عدت لونقول ولامانقول تبقى في داخلنا ذكرا لها حنين
اعزائي هدا ماكان ايام جميلة لايمكن انساها ... اشتقت في لحظات الوداع ومااصعب لحظاتها استقبلت اول العام بالياسمين ايام في قلبي لاتنسا حتى بدا ء العد التنازلي للعودة ايام تحكى من قريب ....
صحيت من بدري عشان مايفوتني وقت السفر ودعت ياسمين والحزن في عيونها عنقتها وكان الوداع صعب.. انا في تغازوت ولازم اكون في مطار كازا في الوقت المحدد كانت رحلة صعبة علي من تغازوت الى كازا في السيارة ماهو عشان انا اسوق لا عشان في قلبي الشوق وغالب وانا توني ماطلعت من الديار
اعزائي المزاعيط اسف على تأخيري ماهو بختياري عجزت لكتبلي سطر وفي فيظة الجوف ينقال الكلام اعذبة الشوق يغلب كتاباتي واسج عنها واجية ذا الشوق يغلبني واسج عن كل ماراق ويزين ... اعزائي اسمحولي مرة ثانية وهذا نهاية الجزء الاول من التقرير لتبدا كتابات بنفس الحالات بما فيها وعليها برحلاتي الاخيرة المتواصلة ليكون تقرير واحد
الى اللقاء القريب فمان الله واسمحولي
__________________
الي بقالي من حناياي ضلعين