جورجيا ؟

ومن المعالم الرائعه في مدينة تبليسي بحيرة السلحفاه جميلة ومنظر جميل وبجانبها مطاعم وكافيهات
ويوجد بها الجسر الزجاجي الذي يفصل بين تبليسي
القديمه والجديده ووفي يوم آخر ذهبنا الى مدينة كوتايسي وجميلة قليلا لاكن ما اعجبتني كثيرا طبعاا الكنايس بكل محل تلقالك كنيسه .. ماعلينا .. ذهبنا بعدها الى اشهر كنيسه هناك كنيسة ( باقراتي ) من اقدم الكنائس

عندهم وبعدها ويوجد بها غابة وكهف مشهور ينزل من داخله الماء وبعدها رجعنا الى تبليسي لانها ما اعجبتنا كثير .. وريحنا وصحينا ع الصباح الى القوقاز .. جبل القوقاز تقريباا 200 كيلوو .. وتقريبا تاخد 3 او 4 ساعات ع ماتوصل لها زبطنا اغراضنا حقت الطبخ ومرورا بسوبر ماركت كبير ع طريق القوقاز واخذنا اغراض الشوي وو اللي نحتاجه ومشينا

وبعدها مرينا ع مكان حق الغنم عندهم ولقينا تركي سني واخذنا لنا خروفن طيب .. ( اللي يضحك انهم يوزنون الخروف و ع وزنه يحدد لك السعر تقريبا ب 150 ريال .. صلخناه ع وزبنا الامور عند التركي وطلعنا بعدها ومسكنا الخط يم القوقاز وصلنا ع اخر الظهر المنظر مو جميل مو رائع الا اكثر من كذا ع جبل اخضر وبحيره تحت الجبل وقدامك الجبال ومن فوق عليها ثلج الزبده والله المنظر لحاله يخليك تسجد لربك ع جمال ه الطبيعه ( سبحانه )

ضبطنا الشوي وتعشينا وبعدها ضبطنا ذاك ابريق الشاهي اللي ينسيك نفسك وبعدها ضبطنا ام حسين ( ام حسين اللي هي الشيشه ) وجالسين لين الساعه 9 وبعدها وتضربنا ذيك المطره اللي هججتنا ومشينا الى تبليسي وصلنا ع الساعه 12 تقريبا و ع الفرش وقوة نومم وبعد ماريحنا صحينا ومشينا ع باتومي .. باتومي تقريبا 6 ساعات عن تبليسي .. طبعن الطريق 3 او 6 ساعات والله ماتحس به من روعة المناظر اللي تشوفها يمينك ويسارك

. وصلنا باتومي و ع الشقق وندور ، وكل شوي داخلين ع احد بشقته ونشوفها ام تلقى عياله نايمين والا متجمعين وجالسين اذا اعجبتك الشقه يطلعون هم ويروحون يسكنون عند احد ثاني كذا نظامهم باختصار علشان الدولارات اللي تعطيهم .. اخذنا شقة وحده بجنب البحر شقة راقيه وفخمه صراحه .. والمالكه حقت الشقه مزه لاكن الايام لعبت فيها وتغيرت .. ماعلينا جلسنا يومين تمشينا فيها ورحنا يم الحدود التركيه وهناك في شلالات رائعة المنطر

.. وخلال هاليومين ذهبنا الى الحدائق والشلالات والى ابراج جميلة في باتومي الساحليه .. وكورنيش باتومي ماله حل جميل .. ورائع .. و ع امتداد الكورنيش تلاقي اللي يرقص واللي يسوي حركات واللي يغني مثل الهنود الحمر و يسوي حركات بهلوانيه وفيها ملاعب كورة طايره ..

ع طاري كورة الطايره .. في بنت تلعب هناك اطول من وليد عبدالله حارس المنتخب سابقا اذا شفتها استمتع بسس كيف تصقع اللي قدامها بس لا تقرب علشان ماتشيل حواجبك ... ماعلينا .. صح صح انتبه ثم انتبه ثم انتبه لاتروح ل اي ديسكو او مرقص في باتومي لانهم نصابين واغلبهم اتراك يحبون يدك علشان تدخل لا دخلت تحمل مايجيك .. البيره عادي تلقاها ب 5000 سعودي

انتبهووا انتبهوو .. بعدها جينا بنمشي.. ب ثالث يوم الى تبليسي الا الجو مشمس والناس كلها ع البحر .. الاجواء خياليه والظاهر مافي احد جالس بييته كلهم عند البحر وناسه ل ابعد درجه .. اضطرينا الى ان نجلس يومنا الثالث لين اخر الليل مشينا الى برجومي اخذنا يوم .. جميلة الاجواء فيها رائعه وخياليه .. وبعدها الى تبليسي وكملنا ايامنا وبعدها ع سعوديتنا الجميله

واخيرا اتمنى ان التقرير يعجبكم واعذروني اذا اخطيت او جاء مني اي تقصير في طرحي للتقرير .. علمآ باني اول مره اكتب تقرير .. كل علشان خاطر الاخوان الموجودين و خاطر .. المزعوط ( روحي تحبك )

ثلاث نصائح لا تفوتهمم. .. عن جورجيا ..!
1- العملة اصرفها من دولار الى لاري اول ماتوصل لا تتعامل بالدولار .
2- السائقين انتبه منهم من ناحية الاسعار لنهم اذا شافوك اول مره تجي الاسعار دبل .. واذا احد يبي يروح الى جورجيا ب أوصيه ع سواق عراقي امير وخلوق بمعنى الكلمه وانا استأمنه ع فلوسي صراحه رجل ب معنى الكلمه .. وفاهم كل شى
3- باتومي باتومي انتبه من الديسكوهات اللي فيها لاتروح يمها ولا تجيها الا اذا انت تبي تدفع فلوسك كلها لهمم