مزاعيط المغرب - السفر الى المغرب - كيف تتعامل مع حب قديم

- صاله عشاق المغرب العامة (https://www.mza3et.com/morocco2/)

- - كيف تتعامل مع حب قديم (https://www.mza3et.com/morocco3279.html)

كيف تتعامل مع حب قديم

والله انى كنت ألوم اللى يضيق أن غاب خله

لين جربت المحبه والفراق وقلت توبه

لعنبو جد المفارق فيه هم وفيه ذله
أثر كل الحب لذه والفراق أكبر عيوبه

امس فارقت الغلا ومفارق الخلان عله

والعلاج الوصل لا تبلش طبيب ولا حبوبه

الزعل هو سبة الفرقا يهز الحب كله

ليتنى طولت بالى قبل لا يعلن غروبه

وآهني اللى وسيع الصدر.. صدره وسع فله

غلطة الصاحب تجي وتروح ماهي بمحسوبه

عارفٍ قدره.. وقدر اللى يحبه فى محله

ذاك نفسه لا حشا ماهي على الحب مغصوبه

ليش تحسب غلطة الصاحب على الصاحب مذله

ليش ماتحسب ميانه لو تجي عشرين نوبه

لا وربي.. كنت أحبه حيل مادورت زله

لا تشكك فى غلاه ولا تساعد في هروبه

لايمى قبلك تعبت ألوم شعار المجله

وكنت مؤمن فى مقولة اعذب الشعر الكذوبه

وأثر كلٍ فى حياته له تجارب مستقله

وانت لا تشره على مثلي وتبلا لك بحوبه

كان جابتك.. الحميه روح له تكفى وقله

لا يخليني واذا وده يخفف من ذنوبه

يستخير وله غلا قلب صدوق مايمله

فدوة له كل قلبي من شماله لى جنوبه

يوم قفى والخفوق يفوح عقبه فوح دله

وسط وقدة واحد عز الشتاء والسهر دوبه

لا تقهوى بارده من برد فنجاله وزله

ثم قربها على جال الجمر وأرهى شبوبه

وين يدله هالخفوق وكل مايدله يتله

طاري اللى ياكثر ماأتعبت رجلي فى دروبه

لا طرى جريت ونه من بلاده مستحله

مثل ماراحت بلادي مع شعارات العروبه

كل هاجوس يجيبه جعل شعري فدوة له

وأعذابي كل ماجابت لى القبله هبوبه

مشغلن قلبي يحبه دون خلق الله من الله

هيه ياللى ممتلكني حسن وأسلوب وعذوبه

ماسمعت ان الخوي له بالخوي تسعين زله

وانت طوف زلتي ياعل تفداك اللعوبه

صاحبي سيف الهجر لا صرت تقدر لا تسله

ماتظن ان العفو عند المقدره اكبر عقوبه

ايه انا اللي كنت ألوم اللي يضيق ان غاب خله

لين جربت المحبه والفراق وقلت توبه

تخيل وانت ماشي في احد الاماكن وماتدري : (452):الا طير قديم عزيز على قلبك بعد سنين قابلته صدفه يعني وش السوات تطنش وتسوي نفسك ماشفته ولا تسوي نفسك ماتعرفه ولا تخور وتروح فيها وتروح له وتعيد شريط الذكريات ودي برايكم يا مزاعيط في هالنقطه
نبي نسمع تجاربكم يمكن تفيدنا وتفيد الاخوان