هل أبقى في طنجة أم أتنقل بالشمال
سيكون لي زيارة لطنجة وماحوليها
وكلنا نعرف أن مدن مثل تطوان الفنيدق المضيق مارتيل اصيلة وغيرها، أكثر وحدة تبعد ساعة عنها، وشخصياً أحب أزور تلك المدن، لكن سؤالي بالنسبة لأهل طنجة والشمال ولرواد طنجة وخبرائها، هل أستقر في طنجة، واتنقل إلى تلك المدن كل يوم على اعتبار أنها لاتبعد أكثر من ساعة، أم أجلس في طنجة مثلاً أربعة أيام، ثم أنتقل وأسكن في تلك المدن مثلاً يومين في تطوان ويوم في المضيق أو غيرها؟ علماً بأني من النوع اللي يقوم بدري في الصباح، وينام الساعة 10 أو 11 بالليل كحد أقصى. |
مشكله الشمال هالايام بارد اذا انت جاي بدايه شهر 5 ميلادي حتنبسط
طبيعه وجو خيال اما اذا الايام هذي عز الله البرد بيلعب فيك لعب خلي يومين طنجه ويومين بتطوان كثر التنقل مايفيد |
اقتباس:
واذكر ان لم تخني الذاكرة أنك من رواد طنجة وخبرائها، وياليت إذا أنت كذلك تتحفنا ببعض النصائح أنا زيارتي لها بنهاية شهر أربعة وبداية شهر خمسة والجميل أن السنة أمطار كثيرة ماشاء الله، يعني اتوقع بنشوف ربيع خورافي |
اقتباس:
هذي فكرة جميلة، رغم اني قريت عن مارتيل كثير، هي وشاطيها الرايق، يمكن اجلس فيها يوم من اجل الريلاكس |
والله يرايق انا متواجد الان في طنجة الجو فعلا بارد وفي امطار بس اللبس الشتوي يخليك تتمشى وتاكل اكل طيب مثل العريكة ف الصباح وشوي سمك بداية المساء مع التمر والقهوة ويمكن هذا الجو بدرجة حرارة 10 احيانا مايناسب غيري لكن انا مرتاح تحياتي لكم
|
اقتباس:
في مخربها ماشاء الله موسوعه بالشمال وفي كم واحد افضل مني الوقت الي انت رايح فيه ممتاز والمطر جاء بدري هالسنه عن نفسي طنجه ماناسبتني من الي تواجهه بالكورنيش خاصه عند ماك وكنتاكي بس خذ لك يومين وادا تبي سكن اسكن بشقق موفن حلوه وحراسه ومحد يمك نظام كمباوند وابعد عن شقق ماك لو مالك بالخمبقه ادلك علي شقق قدام البحر مابينك وبين البحر شي بس نظامها محافظ وتحتها كلهاكافيهات تطوان متعتها تطلع الصبح وتشيل معك معسلك وقدر الضغط والعزبه وتروح او تتغدى بالطريق بمنطقه قبل تطوان سبحان من سواها تتذكر الريف النمساوي وزيلامسي لا كنت فيها ومنطقه مو كثير الناس تجيها خاصه الخليجين افتكر طلبنا اكل لخمسه اشخاص وكثرنا ماكلفنا 160 درهم واحلى مافيه الذبيحه قدامك يقطع منها ويشوي اذا قعدت يومين بتطوان اسكن بمرتيل البحر قدامك بينك وبينه شارع بس الشمال للي يبي سياحه وحط ببالك الي تصرفه بمراكش بيوم يكفيك بالشمال 3 اربعه ايام بالراحه انا بالدوام الحين ان طلعت باذن الله ارسل لك اسامي الاماكن بشكل مفصل |
اقتباس:
انا ما افضل اجي بالشتاء للمغرب، لأن الشتاء في السعودية خاصة اوقات الربيع زوين لكن جيتي في الثلث الاخير من الشهر الجاي أنا من النوع اللي يحب الجو البارد أو المعتدل ولذلك راح اكون في نهاية شهر اربعة ايش افضل الاماكن اللي تنصح فيها بالنسبة للسكن او الزيارة او المطاعم؟ |
اقتباس:
وأنت ماشاء الله عليك تتكلم من تجربة ولابد أن نستفيد منها كنتاكي وماك وش اللي حواليهم؟ قصدك الشحاذين ولا ايش؟ عموما انا احتمال أساكن في حي تقريباً خلفهم قريب من كذا دوار، ويبعد عن الشاطي 600 متر تقريباً ، خلف شارع محمد الثاني بالنسبة لشقق موفن وين موقعها؟ وهل عندهم غرفة وصالة وبكم سعرها؟ انا ماعندي ضيوف كثير، لكن احياناً تعرف نكون كرماء ونكرم ضيفنا :morocco_5 (202): لكن اذا نهائي يمنعون الضيوف فبلاش بالنسبة للشقق اللي قدام البحر، رغم ان موقعها مغري صراحة اغريتني بتطوان اكثر، وانا لابد أزورها، واحتمال اجلس بمارتيل يوم او يومين، وياليت تذكر اسم المطعم واسم المنطقة اللي رحتوا لها مراكش والله افكر اقلل الايام فيها لأنها غلاء واستغلال ونظرة ربما تكون غير جيدة من قبل الاخرين. |
بعد اذنك اخوي رااايق بعض الإستفسارات كرماً , كون عندي برنامج للشمال بداية ابريل .. الحسيمة 3 ليالي اغطي فيها الناظور والسعيدية , واسبوع طنجة اغطي تطوان واللي حولها قبل العودة عن طريق شفشاون فاس بني ملال مراكش اغادير . اقتباس:
وهل جنبها كوفيهات وحركة شكل اللي جنب الكورنيش الجديد . واتمنى تحديد موقع او اسم المكان اللي على طريق تطوان مثل الريف النمساوي ,, قصدك مطاعم او كشتة ؟ اقتباس:
اعتقد اخ وائل قصدك الشقق اللي جنب " قصر الأنوار " 35°46'33"N 5°47'3"W اذا ما ني غلطان , لأني حاولت اسكن فيها رفضو الا عوائل , . |
اقتباس:
اذا انت من هواية المشي رياضة طريق الكورنيش من مطاعم ماك الي شارع محمد الخامس مقاهي واسواق وجلسات حدائق تسر الناظرين ادخل الميناء اشتر سمك طري شوي وقلي متعة طنجة حقت 3 ايام الا خمسة ايام حسب راحة الانسان تحياتي لك |
الساعة الآن 08:11 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط