فـــضـــفـــضـــه

السلام عليكم

يامرحبا بالمزاعيط كلهم

والله إني احترت بعنوان الموضوع

المهم يامزاعيط أنا طرحت هالموضوع بشوف أحد مثلي والا البلا فيني

أنا من عرفت السفر حدي خمس أيام إلى أسبوع تكفيني وزياده وبالعكس أمل واحتري متى الرجعه لسعوديه

بعد ماتعرفت على المغرب وهذا من 21 سنه وانا اعرف المغرب صارت مدة السفر قليله

وعشان أوضح أكثر كنت اسافر لمدة أسبوع
وبعدها صرت اشوف السبوع مايسوي شي زودت المده لعشرة أيام
وبعدها ازود المده لسبوعين
وبعدها زادت لثلاث أسابيع

احس إن الأسبوعين مهي اجازه ولا تكفي في المغرب

مع إني ازور المغرب مرتين إلى ثلاث مرات في السنه ( مرتين كل ست شهور ثابته ) لكن السفره الثالثه ماهي ثابته على حسب الإجازه والماده إذا توفرت ماوفرتها ههههههههههه

آخر التطورات الآن زودت عدد الأيام ل 25 يوم وياخوفي إن عدد الأيام يزيد ماينقص

والله مادري وش تاليتها لكن اشوف عدد الأيام كل فتره يزيد ماينقص

قبل كان عندي رصيد اجازات والحين صار بالماينس هههههههه

هل انتم مثلي والا لا ؟

الماينس لا حقني وانا كل اجازتي بالمغرب 30 يوم
وغير الاعياد وتغطيات اخوياي

اما المده فكلنا معك اسبوعين تطير هواء
شفني شهر كامل اداوم كل سبت عشان احصل لي اسبوع بالمغرب مافي رصيد اجازات

الله يعينك ربعك واجد كلن وده الاجازه طويله وظروفه تسمح بالقعده والفلوس وافيه

7 ثم 12 والان 22 يوم

كملها ٨ ايام شهر احلي ههههه

انا محدد من ٥ الى ٨ ايام لاي سفره
الدول القريبه الاردن ومصر ٥ ايام
المغرب وشرق اسيا ٨ ايام
البحرين ودبي للزرقات هههههه

المغرب مره في الصيف فقط لو امووووت من الشوق ما اسافر غيرها

ههههههههه المشكلة مابه رصيد

بالنسبة لي حدي اسبوع الى عشر ايام وبعدها ياخذني الشوق لبلادي
واحس ان برنامجي يتكرر

__________________
قلت اسقني من ذبل مرهفاتي عسى طيور القلب تركد عن الحوم

بالنسبة لي ثمان الى عشر ايام واشوف انها كافيه ع مدينتين ومثل ماقال سريع الذوبان البرنامج يتكرر والشوق للبلاد ياخذنا

اذا الواحد من النوع اللي يتنقل من مدينه لمدينه اظن اسبوعين ما تكفيه اما اذا من النوع اللي يحب يجلس بمدينه وحده
عشر ايام كافيه جدا له لانه راح يحس بتشبع وملل