رحلة خطافية
 

صباح الخير مساء الخير
ماحب المقدمات بدخل لكم سريع سريع
بداية الانطلاق من سلا

السيارة هوانداي 2016 بنزين ايجارها باليوم 200 درهم الوجهة مراكش طبعا انا ماحب الصخب والازعاج والقروشة وصلت لمراكش نمت ليلة بفندق اندلسية لاني وصلت متاخر اصلا يوم اطلع من سلا كانت وقت مطر وقت ماغرقت الدنيا فيها واخذ لي غرفة مع الفطور
نمت ذيك الليلة الصبح وانا افز مثل الحصان
واداهم البوفية وفطور سريع سريع

وامسك الطريق الوجهة اسني مولاي ابراهيم ولالة تكركوست طبعا الطريق شوي قروشة المهم وصلت لاسني ورحت السد حقها منظر في قمة الرواقة
واسال عن سكن وصف لي واحد شايب راعي غنم قالي اسكن في فندق يسمونه شي مومو اعتقد كذا اسمه سكنت فيه طبعا الغرفة رايقة فيها مشب وحمام الله يكرمكم وجلسة برا الفندق فيه مسبح ومطعم وبار طبعا اخذت وجبتين
انا جيتهم يوم جمعة قلت مابدهاش ياولد
كسكس رايق بالزبيب مع الدجاج شغل رواق
واضرب بالنعمة بعدها احلى براد اتاي طبعا قيمة الفندق مع الوجبتين ب 1100 درهم

حمدالله علي السلامه ومنتظرين باقي الاحداث

الحمدلله على سلامتك ياسعود .....

سريع سريع تعجبني .

هههههههه ماعندك وقت .

تراني متورط ماعرف انزل صور مع اني ماحب التصوير
واتكي بالغرفة مع شبة النار والهدوء كلام كبير ونومة
بعدها قمت افطرت عندهم بالوفيه فطورهم حلو صراحة
خليت الفطور فوق بسطح الفندق مع منظر يحبه قلبكم
وفيروز تردح وتصدح وشوفة السد شي كبير
المهم روقت وصحصحت واطلع للاستقبال قلت لهم بخلي الوجبة
الثانية عشاء قالو لاتتاخر لانهم يقفلون بدري
واطلع الوجهة مولاي ابراهيم طبعا قريبة موب ذاك البعد
عن اسني واجلس في مقهى واطلب اتاي بعد ماخلصت
قلت خلني اطلق رجولي شوي وخذ لك تمتير بمولاي ابراهيم
لفحني الهواء الطبيعي لين انتفخ راسي قلت اجل بشد الطريق
الوجهة لالة تكركوست وصلت لها قبل غروب الشمس صراحة منظر رايق
واتكي على جال الغدير وهاتك تخيلات وجلسة اذا قالو لك جلسة محاسبة
المهم كحلت عويناتي بالطبيعة وارجع للفندق
واتعشى طاجن لحم يحبه قلبك واخذ لك ترويشة سريع سريع
واتكي عند المشب واحلى انسجام وهدوء طبعا نصيحة طبية قبل
لاتنام طف النار عشان ماتختنق

اما شبه هناك اكيد عالميه ودك المعاميل معك وتصلح دلتك علي جال هالمشب ههههه

مايحتاج صور .... الله يسعدك .

اصبحنا الصبح واحلى مداهمة للبوفيه وافطر الا جنبي شايب اوروبي يناظر فيني نظرات
شكيت بعمري صراحة قلت ياولد ذا وش قصته ماتهنيت بلقمتي حسبي الله على عدوه
شوي الا الشايب شكله معبي الطاسة ومسكت علي جاء لطاولتي قام يخثرق علي
مافهمت وش يبي شوي الا شايب قريح تكى معي وتطقه العبرة وهاتك صياح لاحول قلت بنفسي يلعن ام جوك البيض ويبربر فوق راسي انا مافهمت شي شوي الا قام يبي يحضن ويبوس هنا عاد قمت ماش الوضع مايطمن ولا يخارج واقوم وانصى ولد شغال بالمطعم قلت ياخي شف ذا الشايب وش قصته راح الولد معي وقامو يخثرفون مع بعض
شوي الولد ميت ضحك قلت سلامات وش فيك قال ان هالشايب يقول ان ولده ضايع ومشبه عليك انك تشبه لولده قلت بنفسي الحين لاشقار فيني ولاعيون خضراء من وين لي هالجمال الاوربي ماعلينا المهم ان الشايب الله يكرمكم بدأ يستفرغ
وحاس ام الجو قلت يا والله النشبة جوه بيض وميرندا لا عاد يشرب ياهوه يفقدون
وحنا نبلش فيهم

ماعلينا الشايب فكك الله يصلحه طبعا نسيت اقولكم ان اسني عبارة عن قرية صغيرة تنفع للاستجمام والاسترخاء طبعا وانا راجع من للالة تكركوست لقيت فندق شدني منظره قلت بنفس خلني اضف عفشي واجي هالفندق ماعلينا وانا طالع الا جاء عندي الولد يستسمح وجاء معه راعي الفندق قالو اسمح لنا قلت عادي واسالهم عن الفندق اللي شفته قالي الولد ان ابوه شغال فيه قلت حلو قام يمدح لي الفندق بيني وبينكم عورني بطني لقافة قلت لازم اروح الفندق هذا واشوف وش وضعه طبعا الفندق اللي سكنت فيه في قرية وريكان طبعا وهي قريبة من اسني

انت بنسميك المستكشف سعود
تحياتي لك