نقل الزيت بالطيارة

صباح الخير للجميع
بالنسبة لنقل الزيت بالطيارة من المغرب، سواء زيت الزيتون أو زيت الأرجان أو غيره
هل هناك نسبة محددة؟
هل هو ممنوع أو مسموح؟
من له تجربة؟
هل ناخذه معنا داخل الطيارة أم مع العفش؟
ماهي الطريقة الآمانة اللي تخلي الزيت مايتضرر أثناء الشحن؟
شكراً للجميع..

وسؤال سريع
إيش الهدايا اللي يحبونها المغاربة من السعودية!؟
لي أصدقاء هناك بسيطين وحابب أجيب لهم هدية
فكرت أجيب لهم تمر وبخور
فيه شي ثاني تقترحونه؟

اذا كميتك كبيره جيب لك كرتون ووحط جوته فلين عشان لا تتكسر
وقفله تغليف امن وحط استكر زجاج



داخل الطياره نظاما ممنوع السوايل بكميه كبيره

مثل ماقال لك اخونا وليد
انا كل ماجيت اجيب معي زيت زيتون وزيت ارجان واملو احطها في جالونات ام خمس لتير يسمونه بيدو واختار من النوع اللي له غطاء صغير غير الغطاء الاحمر اللي فوق اللي يلف لف وبعد ماتصك الغطاء الصغير الكبس حط وصلة بلاستيك وشد الغطاء الخارجي اللف عليها وبعدين لف الشطرطون على الغطاء من فوق لتحت لفه كاملة والجهة الاخرى زيها يعني لو ترمي الجالون من الطيار ماينفك الغطاء وتحط الاربعة جوالين في كرتون واحد وتحط حولينها فلين علشان الصدمات وعلامة قابل للكسر وترسم سهم الى اعلى علشان مايحطون الكرتون بالمقلوب واول ماتدخل المطار بيقولك الزيت ممنوع خمسين درهم ويسير مسموح واحيانا تمشي بدونها وتعتبره قطعة من القطع وسلامتك .

__________________
توقيعك ملكك متى ماوضعته على الورق اصبح ملك غيرك

اهم واجمل هدية ماء زمزم اذا كان معك عفش قليل خذ لك اربع قوارير وتعتبر لك قطعة غلفها سوا وراح يدعون لك .
التمر والبخور والسجاده والسبحه هذي اجمل الهدايا .
كذلك الرجال منهم يحبون ثياب الدفه والشياكة والحريم يحبون العبايات
والخيار لك وحسب رغبتك .

__________________
توقيعك ملكك متى ماوضعته على الورق اصبح ملك غيرك

وليد وتيلفون السعودية
شكراً لكم، صراحة فتحتوا عيوني على أمور كثير مهمة
تحياتي وتقديري لكم

اقترحات جميلة، كنت ناوي اجيب ثياب للأطفال، لكن فكرة للكبار ايضاً فكرة جميلة، والحريم مفكر أجيب لهم عبايات.

بالنسبة للزيوت حطيت لي شنطة فيها تقريبا 8 لتر زيوت مقسمة انصاص

طبعا المفتش قال ايش ذا

قلت له هدايا

قال كثير الزيت هذا

قلت له بيني وبين صاحبي

والمهم عدت على خير ما طلب شي ولا قال شي

بس نصيحه اذا اشتريت
احرص على التغليف

نظاماً يمنع حمل السوائل للطائره و لكن اشرح لهم و يتقبلون بالتدويره ذلك

داخل كابينة الطائرة (شنطة اليد - بدون شحن)
الحد المعمول به في غالب مطارات العالم هو: 100 مل من السوائل أيًا كانت.

__________________
دع اليأس وسافر واغربِ
واجتلي الحسن بأرض المغرب