((اتبع النقاط التالية وانضم لعالم المثقفين))

دابا دابا

توحشتك وكنموت عليك

المشاركات: 360

تاريخ التسجيل: Apr 2011

الدولة: الرياض Ksa

العمر: 48

2011-05-18, 08:11 PM

المشاركه #1

((اتبع النقاط التالية وانضم لعالم المثقفين))

((اتبع النقاط التالية وانضم لعالم المثقفين))
1 امحط اللحية و الشنب .
2 إذا سألك أحد من تسمع له قل لفيروز وشاديه حتى لو انك ماتسمع إلا لمزعل وسعد جمعة .
3 إذا قالوا لك من شاعرك المفضل قل محمود درويش و ادونيس حتى لو انك ما تقرأ إلا لضيدان بن قضعان وسعد بن جدلان .
4 ابتعد عن المباشرة في الكلام واعمد إلى " التفعيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل < /SPAN> فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!!!..
5 إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .. أما الحين ما عاد يوكلن عيش.
6 كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه" ؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف.
7 خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه .
8 انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء.
9 إذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من معاول هدم اللغة ولابد من إعلان الحرب عليه دون هوادة !!!
10 إذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا.. وقل الحياة والشرق الأوسط والاقتصادية حتى لو انك مابعد شفتهن على الطبيعة ..بس لزوم الثقافة.
11 إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت اضبب !! لاياحبيبي , قل له أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه ".
12 حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين.
13 لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لست مونث ، عشان يقولون واااااو لغته رااااقية خخخخ.
14 إياك وعلي الطنطاوي أو غيره من الأدباء أو الكتاب اللي مثله ، بل استبدله بأدونيس ، أو أينشتاين ، وشرواهم " شرواك الطيب"

كذا بتكون مثقف 100%

__________________

saadora

مزعوط خبير

المشاركات: 6,206

تاريخ التسجيل: Dec 2010

الدولة: الجبيل

2011-05-18, 08:17 PM

المشاركه #2

رد: ((اتبع النقاط التالية وانضم لعالم المثقفين))

ههههههه متفق معك لكن الشنب لا لا لا تكفى يا بعكوك

دابا دابا

توحشتك وكنموت عليك

المشاركات: 360

تاريخ التسجيل: Apr 2011

الدولة: الرياض Ksa

العمر: 48

2011-05-18, 08:42 PM

المشاركه #3

رد: ((اتبع النقاط التالية وانضم لعالم المثقفين))

اقتباس:

المشاركة الأصلية كتبت بواسطة saadora

ههههههه متفق معك لكن الشنب لا لا لا تكفى يا بعكوك

واييييييييييين يازعيم ... حت الشنب هي زبدة الثقافه ... لان وجوده يسد مناسم الخشم ااااااا قصدي الانف ويمنع دخول الاكسجين بسهوله للمخ ..
وعلا فكره فيه نقطتين نسيت اذكرها .. وهي
14 ان كنت مدخن ... انتبه يشوفون البكت معك وخصوصاً اذا كان مالبورو احمر .. دائماً خل معك سقار كوبي .
15 وخلك حذر احد يشوفك بزبيريه ... يكشفونك انك قروي .... تحمل ولبس جزمه ( اعزكم الله ) ولو وجعت اصابع رجليك .... الثقافه يبيلها تعب

__________________

أهنجار خليجي

مزعوط خبير

المشاركات: 6,943

تاريخ التسجيل: Feb 2011

2011-05-19, 02:08 AM

المشاركه #4

رد: ((اتبع النقاط التالية وانضم لعالم المثقفين))

هههههههههههههههههههه

اوه انا يبيلي شغل واجد اذا طبقت اللي تقوله

والله المثقفين يتعبون الله يكون بعونهم

اماينووو تهلا لي فراسك

شك دا صبحان < المثقفين يقولونها دائما > وانت ترجمها ههههههههههههه

تقبل تحياتي

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها

: (720):

حنون المغرب

مزعوط خبير

المشاركات: 4,725

تاريخ التسجيل: Aug 2010

الدولة: كازا -الزرقطونى

2011-05-19, 09:53 AM

المشاركه #5

رد: ((اتبع النقاط التالية وانضم لعالم المثقفين))

ههههههههههه موضوع جميل يابعكوك

دابا دابا

توحشتك وكنموت عليك

المشاركات: 360

تاريخ التسجيل: Apr 2011

الدولة: الرياض Ksa

العمر: 48

2011-05-19, 11:43 AM

المشاركه #6

رد: ((اتبع النقاط التالية وانضم لعالم المثقفين))

اقتباس:

المشاركة الأصلية كتبت بواسطة أهنجار خليجي

اخوي أهنجار ... من بديهيات الثقافه انك ماتسئل او تطلب توضيح .... لانك لو سويت كذا بيقلون انك منت مثقف .... دائمن هز راسك وسو انك فاهم

وحتى لو احد احرجك وسئلك وطلب توضيح لكلامك ( مثل احراجك لي لان بطلب الترجمه ) ابتسم بطريقه استخفاف .. وقل الجهلقراطيه مشكله

__________________

دابا دابا

توحشتك وكنموت عليك

المشاركات: 360

تاريخ التسجيل: Apr 2011

الدولة: الرياض Ksa

العمر: 48

2011-05-19, 11:48 AM

المشاركه #7

رد: ((اتبع النقاط التالية وانضم لعالم المثقفين))

اقتباس:

المشاركة الأصلية كتبت بواسطة deqa

ههههههههههه موضوع جميل يابعكوك

يخليك ربي يا شعبله باشه .... الاجمل هو مرورك ياعسل : (762):

__________________

free gate

مزعوط جديد

المشاركات: 8

تاريخ التسجيل: May 2011

2011-05-20, 12:12 AM

المشاركه #8

رد: ((اتبع النقاط التالية وانضم لعالم المثقفين))

هههههههههههههههه

موظوع حلو بالمره

دابا دابا

توحشتك وكنموت عليك

المشاركات: 360

تاريخ التسجيل: Apr 2011

الدولة: الرياض Ksa

العمر: 48

2011-05-20, 04:31 PM

المشاركه #9

رد: ((اتبع النقاط التالية وانضم لعالم المثقفين))

اقتباس:

المشاركة الأصلية كتبت بواسطة free gate

هههههههههههههههه

موظوع حلو بالمره

الاحل مرورك يالغالي ....: (766):

__________________

][ عـَزْيزْ النـَفْس ][

مزعوط مبتدء

المشاركات: 40

تاريخ التسجيل: Apr 2011

][ عـَزْيزْ النـَفْس ][ غير متواجد حالياً

2011-05-20, 05:38 PM

المشاركه #10

رد: ((اتبع النقاط التالية وانضم لعالم المثقفين))

اقتباس:

كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه" ؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف.

ههههههههههههههههههه والله ياهي تفك أزمة ذي القراطية
أبد إذا توهقت حط لك حرفين قبلهـَا وتصير مثقف زمانك
..
الله يسعدكـ بعكوكـ موضوع فلوقراطي ويوسع الصدر
لاهنت

.

المواضيع المتشابهه للموضوع: ((اتبع النقاط التالية وانضم لعالم المثقفين))
الموضوع	آخر مشاركة
كرماً افيدوني على الإستفسارات التالية	2017-05-29 03:34 PM
أبي مساعدتكم في بعض النقاط يامزاعيط	2016-02-20 04:02 PM
الى مراكش .. ومحتاج اعرف بعض النقاط	2014-11-20 04:13 PM
حياة نملة: 30 صورة مذهلة لعالم النمل!!!	2012-06-19 05:27 PM
أتحداكم تعدو النقاط اللي ع الفستان البيج	2012-03-12 09:14 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

((اتبع النقاط التالية وانضم لعالم المثقفين))

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)