|
لايفات السناب شات عن المغرب .. واثرها والصوره السلبيه الي جالسه تنقلها
سلام عليكم
صباح/مساء .. الخ ـــير ع الجمميع حاب أتكلم عن شيء رافع ظغطي للأمانه ظاهرة اللايفات المنتشره ع السناب شات ومادري هل هذا القسم مناسب لكتابة الموضوع او قسم آخر أذا مو هالموضوع مو في مكانه ياليت المشرف ينقله للمكان المناسب عموما في الفتره الاخيره أنتشرت هاللايفات لدرجة أنه أصبح لكل مدينه في المغرب لايف خاص وخلف هذا اللايف او الحساب مجموعة أشخص خليجين طبعا كل شخص منهم شغال ببث مقاطع فيديو سواء لبنات او شباب او سهرات أو أمكان وووو..إلخ و لاحظت هالشيء في سفرتي الأخيره للمغرب وخاصة مراكش وجود لايف خاص فيها اسمه مراكش لايف خلف هالحساب أشخاص من الخليج للامانه تابعت هالحساب وتابعت حساب اخر اسمه لايف اقادير الي لاحظته ان هالحسابات جالسه تسيء لاهل المغرب وجالسه ايضا تسيء لنا ناقله صوره زي الزفت عنا والله من أحتكاكي بالناس هناك اتضح لي انهم ماخذين عنا فكره سيئه ويتكلمون عن هاللحسابات والي جالسه تنقله طبعا بث الحساب كله عباره عن سب وشتم كلام سيء تحريض توجيه الناس انه لا تروحون هنا روحو هنا نشر مقاطع فيديو وبثها لبنات او مقاطع لشخص مثلا معه فلوس وجالس يصورها مع جوازه ويتكلم بكلام سيء والثاني الي يصور الجواز بيد بنت ومعها بطل شراب يعني زي الشخص هذا وعيناته كثير مع الأسف مايستحي قسم بالله جوازه هويته وجالس يصور نفسه بالوضعيه السيئه هاذي وينشرها بعد هاذي مصيبه والله ولا عسكري مستلم خفاره وبدوريه ومصور لي مقطع له وهو جالس بخفارته والثاني الي مصور لي سلاح ويتكلم بمايك لعيون مادري مين ولا شخص يسب بنات ونساء بلده ويتكلم عليهم صراحة شيء مخزي ولا يطاق لدرجة أنه أصحاب هالحسابات أصبح يوجهون الناس روحو هنا لا تروحون هنا اسهرو هنا استاجرو هنا لا تروحون هنا و ملاك بعض الشقق والسكن في مراكش اصبحو يطلبون ودهم بس من أجل إعلان أيضا اماكن السهر والديسكوات مخصصه اهداء للحسابات هاذي كلامي هذا مو عن شيء كلامي انه الي جالس يصير مصخره وغلط وشيء يفشل وشيء جالس ينقل صوره سيئه عنا ولازم يتوقف سلام ,,, |
تم نقل الموضوع للقسم المناسب
يعطيك الصحه ع الطرح |
كلامك في محله ،،، ولكن لا نتهم الخليجي فقط في ادارة هذه السنابات
يوجد اشخاص كثر خلف هذه السنابات ،،، والتخصيص بأشخاص او في جنسية معينة لا افضله ع العموم ،،، حلها بسيط ،،، وهي عدم المتابعة ،،، وابلاغ ادارة السناب بذلك (( سبام )) أتمنى إن شاء الله تعالى ان لا ينجرف سناب المزاعيط الى هذه الامور ،،، وان ينقل الوجه الجميل للسياحة في المغرب ،،، بادارة الاخوان الاعضاء ولي رجاء للمسئولين عن السناب ،،، اذا امكن ،،، منع نقل السهرات واماكنها على السناب ،،، بمعنى تحديد اهداف السناب وتوجهاته وتشكر اخوي (( ارسنال )) على طرح الموضوع |
الحين شفتوا هالسناب ليش ما تكلمون عن اللي يرسل له ما هم البنات اللي يرسلون له ولولا هالبنات ما انعرف هاللايف اللي كل وحده تصور نفسها بسهره او مكان اخر وترسله ومع احترامي الشديد النظره للخليجي موجوده من قبل يطلع السناب وغيره من ايام قبل التلفونات اصلا بالجوال لاحد يجامل ويكابر بسكم جلد ذات وبسنا مجاملات مالها داعي كل شي علي هالخليجي
كأنه ما يسافر الا هو ولا يسوي شي الا هو وهالنظره لك كخليجي في كل الدول العربيه مو بس بالمغرب وهذي وجهة نظري الشخصيه |
اقتباس:
[emoji106] |
اما يشوهون صورةالخليجيين
ليه هي متى كانت حلوه ثاني شي استهدافنى صار منى وفينا واذا انك تقول اغلب اهل المغرب مستائين من هذه اللايفات ليه مافي البلد غير هذا الولد ياعمي من قديم وهم كل شي على الخليجي اوربي لا وكمان لنا فتره وهابين الباكستانيين والهنود بس احنا الي تحت المجهر من ناحية ان الايفات توجه وتظرب اماكن سهر فهم عملو شي غيرهم لو فتحنا له نفس الموضوع لقالو دول ما تقدر تحدد نفس موضوع السكن وهم قد يستفيدو ليه الحسد واخر شي تقول فديوات لطيور بسهر احب اقولك هم الطيور انفسهم من يمد الايف بذلك هدي من روعك قليل ودمتم بود |
كل ما في هذه اللايفات هو حقيقه علي ارض الواقع سواء كتبت مع ذلك ام ضده . تتكلم وكأنك داعيه من الذين يخيفون المستمعون بقوم يأجوج ومأجوج او بالمجهول اساؤو الي سمعتنا تضحكني بهذه الكلمه اي سمعه تتكلم عنها سمعة الامان ام العصائر ام الطيور
اخي الحساب مجرد نافذه لعرض ما يصله من آسف علي الكلمه ساقطات قبلن بيع اجسادهن او مهووس جنسي يعاني الكبت العاطفي والجفاف . نعم سمعتك سيئه ولسانك الخليجي هو تهمتك في المغرب يكفي ان تتكلم اللهجه الخليجيه ليوجه لك اتهام الفساد . حسابات اللايف موجود اغلبها في الخليج والمقاطع تأتيها من المغرب اي ان الاقبال علي البضاعه المعروضه وليس علي جودة المعروض فبلاش لعب المثاليه كلنا اعيال قريه وكل عارف اخيّه |
كثير منا مايعرف سناب مراكش لايف واكادير لايف وانت نشرت لهم بطريقه حلوه
وانا ماكنت ادري ومن كلامك تابعتهم الذنب بيكون عليك بنشرهم |
لو بتنصح او تعظ من غير ذكر السناب حرفيا
|
صراحة سمعة الخليجي مو من اليوم خربانة في الدول العربية كلامك صحيح سنابات الايف ساعدت ونشرت ما كان مخبئ وللاسف ان من يزوده ليسوا خليجيين فقط بل من تراهم على يومياته لهم نصيب الاسد لكن الغريب ان هذه الحسابات حفزت الكثير على السفر للمغرب وان دل هذا على شيء فإن ما يعُرض على السناب له دور فعال
|
| الساعة الآن 07:56 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط