رقم الجواز .. هل يتغير عند التجديد

السلام عليكم

حجزت على شهر اغسطس يوم 11 والعودة 27
ابها - جدة - الدار البيضاء
والعودة نفس المسار
مدة الرحلة 10 ساعات و 35 دقيقه
ب 2223 ريال
عالخطوط السعوديه
وش رأيكم بالمشوار ماكنه طويل
ووش رأيكم بالسعر ...
وهل الوقت مناسب ..
هل اتوكل واحجز ولا فيه خيارات عندكم ثانيه


السؤال الثاني وهذا المهم

لقيت جوازي بيخلص بعد أقل شهر من الان
هل احجز برقم جوازي القديم عادي
او عند التجديد راح يتغير رقم الجواز ويروح علي الحجز والتذاكر

مع اني سمعت انه يمديك تحجز برقم جوازك القديم
وبعد التجديد تقدر تغير معلوماتك بالحجز وتغير رقم الجواز

افيدوني وشكرا لكم قبل ادرعم واحجز واتوهق

احجز واذا جددت الجواز نقدر تغير رقم الجواز
من خلال تعديل معلومات الحجز

__________________
كل ما جيت أبسلى عن غرامك وأتوب ... جددت جرح قلبي كل نسمة هبوب...

تسلمون فديتكم والله
كفيتو ووفيتو
.

.
طيب والسؤال الأول اعطوه وجه ؟؟؟

رقم الجواز مايتغير بالحجز. وهيطلع لك رقم جديد للجواز الثاني بس للاحتياط احتفظ بجوازك القديم معك احتمال يطلبه موظف الخطوط للتاكد فقط

بالنسبه لخط الرحله افضل شيء بالنسبه لك والسعر مناسب.. رحله سعيده

يعطيكم العافيه

بخصوص الحجز شكلي باانتظر حتى اجدد
الجواز عشان ماادخل في متاهات

واتمنى ألحق عالسعر ومايزيد

السعر جدا مناسب

كفووو الكوميسير ديمن مميز

__________________
سأظل أتنفس الأمل والتفاؤل وأضيء الكون بابتسامتي رغم كل شيء

بالنسبه لاسعار التذاكر صارت لي قصه طريفه الصيف الماضي
اتابع اسعار الرحلات الدايركت من الرياض لكازا من شهر ٨ وكانت كل اسبوع تزيد
من ٢٤٠٠ الى ٢٨٠٠ نهاية شهر ١٠ هجري وقررت احجز قبل تزيد اكثر
الطريف في الموضوع انها بعد ححزي بدأت تتراجع الى ان صارت بـ ٢٤٠٠ قبل الرحله بيوم والرحله منتصف ذو القعده

الاسعار متقلبه حسب الاقبال والموسم

أحجز بالقديم مافيه اي مشكله.

قد صارت معي حجزت بالقديم وحطيت تاريخ الإصدار والانتهاء المتوقع من الجديد وجددت ولاقالولي شي. ( اهم شي الspelling)


ومن ناحية الوقت اغسطس مراكش تطبخ حر. الشمال جوه زين براد. كازا

واگادير جوهم متقارب من بعض حلو بالليل كنك في الطائف وسط البلد

والنهار معتدل. انحش عن مرااااااااكش كنك بالرياض ههههههه


والسعر ممتاااااااز.


ودرب السلامه يالخوي.

__________________
حرشة عليا لاشواق، تسلطة عليا لاحماق.