بالاول كنت جالسه بالسطح انتظر منظر الغروب اصوره
جلست اكتب التقرير بالملاحظات ما حسيت الا والشمس غابت كله منكم ههههههههه
بعدها نزلت تحت وجلست ع البار
لانه عمار اتصل وقال انزلي تحت وعطني واحد اسمه سليمان اكلمه وفعلا هيك ساوى ووصاه عليا ويا هات يا الدلع والله شي ست ساعات وانا جالسه وما حسيت بالوقت طااار برمشة عين العالم هناك مجنونه وعايشه اللحظه وبس يرقصون وكلن في حال سبيله مافيه احد فاضي لاحد ...
المهم خوي الصديق الصدوق عمار قلت له بتجي قال والله انه مكروف وما يقدر بس بيحاول وقال خوذي راحتك ع الآخر واعتبري اني موجود
بعدها بوقت قمت اتمشى وبس رجعت حصلته جالس قمت اصارخ لانه صارلي مدة ما شفته وفديته بيغطي عن صاحبه يومين بدوامه بس عشان يجيني ومن بغينا نطلع اتصل عليه صاحبه قال تعالووو الطاجين جاهز
حركنا انا وهو وبالبار مان حق تاروس صاحبه على الكورنيش والجو قمة وهات يا سوالف وضحك ونغني وصلنا والتهمت الطاجين وحمقني مدري البلا فيني او السبب شي ثاني يخليك اي شي قدامك تاكله هههههههههه عاد بينهم احس اني شنب من ربعهم وشويا ويحجرون ع جوالي قالو مشغلك علينا ويا زين سوالف العيال
بعدها اخذت عمار لسكنه في الغزوة ( منطقة برا الصويره) والموسيقى باعلى صووت ( شووف يا اوكي توكي هههههه) ومرينا من جنب نقطه تفتيش كانت في الناحيه الثانيه يعني بلتقيهم في الرجعه ههههههه المهم من كنت راجعه ماسكه معي على so sofitel الا ابغى اروح له ورحت وكانت خيبه الامل وماكان فاتح .... وحركت وكان فيه طريقين واحد مختصر ومافيه ازفلت والثاني اللي فيه احبابنا واخترررت الثاني ووقفووني وقالو تو شفناك رايحه ناشطه مع رااسك والموسيقى واصله لطريق اكادير قلت يب ماجيت هون الا عشان كذاا وقال هاااااه كفشناك انتي .... قلت حسستوني جالسه اتفرج في فيلم مصري وديمن يكونو اثنين واحد يشد والثاني يرخي واحد شرير والثاني طيب قال ياااك انا الشرير ي للا وماتو بالضحك فاضيين ماعندهم شي يبون يسولفون هههههههههههههههه ويا ويلي الشرير طلع ضابط بالشرطه السياحيه ويا زينهم قالو الف مرحبا اي شي تحتاجينه مهمن كان لا تتردي
وبعدها حركت وتمشيت بالشوارع جاني احساس اني لحالي بالبلد بس للامانه اطلع في اي وقت ماحدحولك وحرريه وامان ونسبة الشماكريه شبه منقرضه الا بالميناء تحصلهم يلعبون لعبة اللعيبه في الجعيبه ههههه()
ورجعت ع الفندق وكملت سهرتي ورقدت وصحيت تناعش مضيعه اقول اليوم السبت ولا الاحد ههههههههه شفت الجوال وطرت لانه موعد التشيك اوت
كلمت الاستقبال قلت تو اصحى لو ممكن تعطوني وقت اتروش واجهز حالي قالووو ابد خوذي راحتك ما عندك مشكل ( هذي لفنادق اللي تستاهل كل ريال ينحط فيها )
ولنااا عوووده
والسموحه ع الاطالة