رد: تقرير سفرتي الاخيره الى عاصمه المغرب التاريخيه (( فاس ))
حمد لله على السلامة ياولد العم...وشكلنا موعودين بتقرير واعر
عن فاس التاريخية...
اقتباس:
وفي السفره قبلت بعض الاعضاء حبيب قلبي ابو ناصر المبي توحشتك .
انا اللي لي الشرف اخوي بوقوس...ولك وحشة يالغالي...والله يذكر ايام الرباط بالخير
اقتباس:
كنت مكلم حبيب قلبي النجم الاول وكان وقتها في كازا وقللته أني جاي يوم الأربعاء وضبطني بسكن في كازا
هذا اقل شي نقدمة لك ...وللاعضاء القديرين مثلك...
وان شاء الله تكون انبسطت
اقتباس:
ويجيبون لك ذاك لفطور فول وش رايكم ياعالم ناقصين حنا فول في الطيارة ناقصين خياس طبعا بعد الفطور كل الركاب ماسكين سر على الحمامات ههههههههههههه
: (137):: (137):: (137):: (137):
لعنبو جوهم الخطوط السعودية...فول!!! وبالطيارة!!! مهوب صاحين!!!
مانقول الا حسبي الله على ملحم قريح!!! اللي اعدم الخطوط ولاطور شي
الا زادها خراب ودمار زي ماكان في شركة الاتصالات..
اقتباس:
وانا كان معي كوب كيك تحسب لاي طارء
اخس والله!!! صرنا نعرف كوب كيك!!! تطورت منفوحة!!!
أيفون فوار!!! والا حبوب أحسن
اسمه ايفون فور,,,فشلتنا الله يفشلك,,,
وبعدين يعني تبي تكشخ علينا ان معك ايفون فور وتشخص فية!! ياعمي اشوى انه صيني ولا بعد بدون شاحن وطفى علينا في الرباط ولاعاد اشتغل حتى رجعت للسعودية!!!!
اقتباس:
شركه اتصالات جديده اسمها انويا طلعت منها كنكت
اسمها شركة اينوي وليست انويا!!!
وايضاً كونكت وليست كنكت!!! وش رايك تسميها كت كات احسن!!
شكلك من يومك صغير ترسب بمادة الاملاء واجد,,,
والشي الاخر ياليت تحكي للاعضاء عيوب هالشركة المخيسة,,,
بصراحة سعرها غالي تقريبا ب 250 او 290,,,واشتراك اسبوع فقط,,, ولابعد ارسالهم زي وجيهم وتقطع,,,,
عكس كونكت ميدتل,,,اول مرة اشتراك ب 290 درهم مع مدة شهر,,,وطيارة ماشاء الله,,,والا لا يابوقوس قريح,,,ماكأن اليوتيوب يدهر في السهره
اقتباس:
وهذي توصيات شعبلا
يقولك اذا طلع شعبلا من المطار دائمنا يكون فيه نقص في الاكسجين الانه مشاء الله عليها يشفط الهواء شفط
ماضيعنا الا توصياتك انت وولد خالك!!! حسبي الله عليكم وجيه نحس وفقر!!!
دائما لما اكون معكم تأتي المصائب!!لابارك الله فيها من نصائح!!!
اقتباس:
شفت السيارة وكانت جدا جدا حلوه ومريحة
قصدك سيارتك اللي كأنها قوطي صلصة حسبي الله عليك!!!
كأنك راكب سيارة اطفال من العاب الحسين!!!
اقتباس:
وكانت الشقه عاديه مافيها مكيف ووضعها عدي جدا احسن مافيه موقف ليساره في البيسمنت
الله يهديك يانجم انا بوقوس تسكني في شقه مثل هاذي
شقة عادية!!! تقارنها في الزريبة اللي انت ساكن فيها بفاس!!!
حسبي الله عليك!!! انا اول مرة اشوف شقة فيها دبتين غاز ووحده منها بالحمام!! ولابعد غرفة النوم الثانية مفتوحة على الصالة والكل يشوفك!!
على الاقل الشقة اللي عطيتك اياها,,,فيها ماستر روم وحمام مستقل,,,وفيها غرفة ثانية معزولة ولاتطل على الصالة,,,وحمام ثاني ومطبخ وخدامة وصالة,,,معيشك في نعيم انت وخشتك,,,واخرتها تقول كذا!!!
اقتباس:
بعده كلمت المبي وكان وقتها قافله معه لانه كان يشجع مدريد مسكين مالومه ادبناهم تاديب هل السنه
اسمي اللمّبي,,,مو المبي!!! ماش انت مادري الاخ عربي والا رفيق!!!
والشي الاخر,,,وين ادبتونا معه!!! نسيت كأس الملوك اللي دقينا خشمكم فيه ياغجر!!!
فريق كل جمهوره فقر وجحلط وهمج ولاعمرة شاف خير!!!
اخس والله يالقروي!!! صرنا نعرف فرماج!!! تطورنا والله يابوقوس قريح!!!
اقتباس:
ضيعني هو وجهه وكان ساكن في شارع انفا وخلاني ادور على ذا شارع دوران واخرتها قالي تعالى عند فندق بلاص انفا واجي والقاه واقف وكان معه الحبيب الرمنسي مصطي يالمبي قريح قلي من زمان عند الفندق لاتخليني الف ودور انت وجهك
موصفين لك صح انت وخشتك,,,بس انت كانت عندك غيوم بالسيارة,,,وعندك سماء ثانية,,,ومدرعم وماتدري وين ربك حاطك فية,,,خليتنا منطقين بالشارع نحتريك وانت مفهي ماتدري وين سماك من ارضك,,,
اقتباس:
وفي الطريق اكلتهم كم مطب فاتح شهيه قبل الغدا وكان الذروق المبي راكب قدام وكل شوي هد هد هد انتبه انتبه ازعج ام امي
بلا والله مو فهاوتك بغيت تجيب فينا العيد,,,سواق عليمي وفاغر,,,قسم بالله كومار احسن منك,,,وحدك تسوق سيكل مبنشر كفرة ويخب عليك!!!
اسمة ماكدو الله يصلح قلبك!!!
اسمة ايس كريم,,,مادري انت وشلون نجحت بدراستك!!! وش رايك تسمية عسكريم أحسن!!!
الله!!! شديد اوي!!! ازاي ياعم!!!
مادري الاخ مصري ولا سعودي,,,قال شديد اوي قال!!!
وانا اشهد انه علاج,,,عز الله انه في الراس ويعطيك في الصميم,,,
ومالومك يابعدي,,,العلاج هذا خلاك تشوف فاس باريس!!!
بعيداً عن هجومي الشرس: (728): ومعركة الانتقام على ماعملتة سابقاً
في موضوعي ((من أنتم!!!)) ,,,تقرير واعر بما تعنية الكلمة,,,
وصور جميلة وطبيعة خلابة,,,وامطار رائعة,,,
وواصل يابوقوس هذا الزمان,,,وياليت تذكر لنا سبب تسميتك للتقرير بالسفرة الاخيرة؟
متابع للاخر,,,
عمك / اللمّبي