مطعم مندي
 

السلام عليكم
انا مسافر بعد اسبوع الى المغرب الرباط
اود فتح مطعم مندي في الرباط
ارجو مشاركتكم في الموضوع ونصائحكم ومن لدية خبره
تقبلو تحياتي

وعليكم السلام
الله يوفقك في مشروعك واتوقع فيه موضوع عن فتح المشاريع في المغرب وشروطه كامله ابحث عنه في المنتدى وانا صراحةً ناسي اسم الموضوع ولا كان أفدتك
وبالتوفيق مرة اخرى

اخوي المسافر الرباط حاليا ميته سياحيه بالنسبه لربعنا من رايي الشخصي اذا تبي تفتح مطعم عندك اغادير الخيار الاول
وكازا الخيار الثاني مراكش بحكم السكن اغلبه فلل وشقق العالم تاكل في سكنها
يا ليت لو تدرس الموضوع اكثر وتنتظر
لا تستعجل في فتح المطعم بالرباط
وشوف اراء الاخوان

و أنا كماتن رأيي من رأي أبو فالح و أنا بحكمي مغربية و أعرف المدن الي فيها استتمارات راح تنجح أنا برشح ليك طنجة توسعت و كبرت كتير فيك تجي على طنجة أحنا وكالة نوفر لك شقة أو فيلا للكراء و شوف الوضع و ادا عجبك نوفر لك حتى المكان المناسب اللي تحب تحط عليه مشروعك خصوصا طنجة تحتاج الى أماكن الأكل أقصد المطاعم , و انشاء الله خير

ما أنصحك بالرباط أبدا

الرباط كانت اول مدينة يدخلها الخليجي ويتعرف عليها ..ولازال لها عشاقها ومحبيها .

بخصوص فتح مطعم مندي فكرة جيدة وفي الرباط مثلا فتح مطعم عراقي بابيلونيا يقدم الكبسة والاكلات العراقية وكان شغال صح لكن لضرف معين باعه العراقي وبعد تغير الادارة سكر بعد فترة ... فتح مطعم اليماني وسكر بعد فترة بشارع اطلس لكن كان المطعم صغير وديكوراته سيئة والسعر يعتبر غالي نظرا لسوء الاكل وسوء الديكورات وارتفاع سعره... يوجد الان مطعم يامال الشام يقدم الكبسة بشارع المغرب الكبير ولازال لانه يقدم الاكلات والحلويات الشرقية واسعاره مقابل خدماته متناسبة .

انصحك( تفتح بشارع فال ولد عمير او شارع اطلس او فرنسا ) المهم تكون في اكدال .. ويجب ان تراعي تنوع الاطباق يعني اذا فتحت مطعم كبسة حاول تقدم معها مثلا مشاوي او اكلات مغربية والاسعار تكون مدروسه ولاتكون موجه للسائح فقط -كثير من الشعب المغربي يحب يأكل الكبسة- اعتقد سعر الكبسة يكون مناسب في حدود 60 الى 80 درهم ومن الاشياء المهمة احرص على اختيار طاقم العمل الجيد خصوصا المحاسب ومن يقوم بخدمة العميل فهم اساس في جذب الزبون او تنفيرة - كثير من المطاعم تركتها بسبب محاولة استغلال العميل ولو بدرهم ومنهم مطعم الوزاني الشهير-

جودة الأكل+الموقع+طاقم العمل المميز+الاسعار المناسبة اللي تناسب الجميع=مطعم ناجح ودائم

ضروري تزور مطعم مثل يامال الشام وتشوف الاكل وطريقة العمل والأسعار وتتخذ منه نموذج وتحاول ان تقدم الأفضل.... المطعم قديم ومستمر والى الان ممكن تدخله وماتلقى لك محل في بعض الاوقات ماشاء الله عليهم .. شخصيا اعتبره نموذج للمطاعم الشرقيه واحد اسباب نجاحه ملاكه يديرونه عن قرب .. الله يرزقك يالمسافر واعذرني على الاطالة

بالتوفيق وأتمنى لك تجاره مربحه.

بالتوفيييييييق وعقبالي اعمل المشروع اللي فبالي :-)



بس نصيحه من بنت الشعب »» دامه مطعم خليجي .. اشوف احسن لو يكون بمدينه سياحيه عليها اقبال كبير من الخليجيين .. اما الرباط ف ناااادر اللي يطول فيها .. والمغاربه ماااا اضمنلك ياكلون اكللت خليجيه كثير

مرحبا الطيب،، وجهة نظر ولك الخيار فالقرار،، نجاح المشروع يرتكز على عدة نقاط واهمها كما يلي: ١/ انت اللي اتدير المطعم هناك.
٢/ الطباخ يكون معلم مندي وخبره.
٣/ الاسعار تكون تنافسية ومدروسة.

. هالثلاث نقاط اذا موموجودة فانصحك اتغير رايك بالموضوع والله الموفق؛)