استفسار بخصوص فتح حساب + شريحة الاتصال

السلام عليكم ورحمة الله وبركاته
أخواني الكرام
أول مره أسافر المغرب
أرجو أفادتي
- هل فتح حساب في المغرب عند الوصول للمطار مهم ؟؟
- وكيف طريقة فتح الحساب ؟؟

الاستفسار الثاني //
ماهي أفضل شريحة يمكن آخذها للاتصال وفيها بيانات للانترنت لمدة اسبوعين تقريبا ؟؟

وعليكم السلام
الافضل فتح حساب بوفاء كاش لتفادي حمل الفلوس

اما الشريحه اعتقد عندهم شركتين اتصالات
مر عليهم وشف العروض
لكن باعتقادي اتصالات المغرب افضل تغطيه بجميع الاماكن

وان شاء الله يفيدونك الاعضاء اكثر

وتمنياتي لك سفره سعيده

مثل ما قال لك فهد

مو مهم فتح الحساب و لكن يفضل لجل لا تحمل نقد زياده معاك

طريقة الفتح كل البنوك تفتح لك اللي بالمطار و اغلب الشباب يفتح في وفاء بنك

خذ اتصالات المغرب
لان انوي اصلا توزها مجاناً
وكذا تكون اخذت الشريحتين و تحكم ايهم انسب حسب المنطقه اللي رايح لها

تستطيع فتح حساب بالمطار (بطاقة فلوسي) سعرها ب١٠٠درهم. تحط فلوسك فيها وسحب شبكه مفتوح بدون حد.
اما بخصوص الشريحه بعد ماتخلص من الجمارك اول ماتطلع لف يمين يجيك على اليمين المكتب وشف عروضهم واختار مايناسبك.

وعليكم السلام
توصل بالسلامة
زي ماتفضل الأخ بطاقة فلوسي هيا الانسب من وفاء كاش وقيمتها 99 درهم
اكثر حد تودع في هاذا الحساب 60 الف درهم والسحب اليومي 6 آلاف درهم
طبعا اذا سحبت من صرافات التجاري وفاء بنك بلاش
اي صراف اخر 6 دراهم على السحبه
طبعا اذا كانت فلوسك اكثر من 60 الف تفتح حساب ثاني
الشريحة خذ من اتصالات المغرب
بالتوفيق

وش الفرق
بين وفاء
وبطاقة فلوسي؟؟

وفاء اسم البنك
وفلوسي اسم الحساب اللي راح تفتحه في بنك وفاء

فمثلا معك 20 الف ريال سعودي
ضروري تجيب معك ورقة البنك اللي سحبت منه المبلغ
ثم
تروح لبنك وفاء بالمطار
وتودع المبلغ عندهم
وتقسمه علو حسابين
وراح يعطيك لكل حساب بطاقة صراف

تخلي حساب لمصروف السكن والسيارة والاكل
وحساب لمصروف المزاج وتظبيط البلوف

وتحتفظ بالاوراق اللي سويت فيها الايداع

وعند العودة ترجع لهم وتشوف كم بقي في الحسابين
وتسحبهم وتحولها لسعودي

وترجع بالسلامة

موضوع مهم شكراً علي الردود

موضوع الاخ تليفون بيفيدك

https://www.mza3et.com/morocco33218.html (افتح حساب جاري في البنك الشعبي حتى لو كنت سائح الطريقة والرسوم بكامل التفاصيل)

بالنسبه لشريحه الافضل اتصالات المغرب النت فيها جيد انحش عن شركة اينوي النت فيها خارج المدن ضعيف من تجربة