مسافر لطنجه بعد شهر بالضبط

السلام عليكم ورحمة الله وبركاته

اسعد الله جميع اوقاتكم احبتي بكل خير ..وحقيقةً اتحفتموني بهذا المنتدى الي يشرح الخاطر وكل ما فضيت خذيتلي لفه فيه .. لكن عندي أسأله محيرتني اذا احد عنده حل فصراحةً ما استغني ..

السؤال الأول : في طنجه وش الأفضل للتنقل (طاكسي او استاجر سياره او سائق خاص ) وللعلم هذي اول سفره لي لطنجه وراح تكون ٦ ايام بمشيئة الله . وناوي اغير روتين اقادير واتمشى ف النهار واذا حصل سهر في الليل ما اقول لا .
الإستفسار الثاني : راح اسافر لحالي واول مره اسافر وحداني للمغرب . واشوف الانسب اسكن بفندق ولكن ماهو الفندق الأميز للوحداني مثل حالتي كموقع وسعر وخدمات وسهر ؟
الاستفسار الثالث : ابي شريحة نت فقط وين احصلها ووش افضل شركه تعطيني نت مفتوح لمدة اسبوع وكم السعر.

اخيراً : عودتي راح تكون ع تطوان لان ماحصل وقت مناسب للعوده من طنجه ف السؤال هل تنصحوني اقضي اخر ليله في تطوان ولا اسوي تشك آوت اخر يوم من طنجه ودزهاع تطوان علماً بأن الرحله على الساعه ٧م .
ولا استغني عن نصايحكم ولكم كل الود ،،،

عليكم السلام ورحمة الله

1/ الافضل في جميع مدن المغرب من وجهة نظري الخاصه التنقل بسياره خاصه وتحت ايديك في اي وقت والطرق بسيطه جداً وواضحه

2/ السفر لوحدك اذا تريد فندق فيه كثير فنادق واميزها فندق ( فرح ) بس غالي ..
وشوري لك خذ شقه غرفتين افضل لك من مصدر موثوق او عندك المعلنيين بالمنتدى ووثق حجزك لاقدر الله واختلف الاتفاق بينكم فيما بعد

السهر محدود الا اذا تم افتتاح المارينا بعد العيد والعهده ع الراوي

3/ الشريحه اذا انت مستعجل اطلع بعد الجمارك لف يمين فيه مكتب اتصالات المغرب
شهر مكالمات ونت 400 درهم .. اذا لم تخني الذاكره بالسعر

4/ الخيار مفتوح لك ممكن تكون ترتاح في طنجه وممكن تمل وتطفش من اول يوم

الله يعطيك الصحه والف شكر،، بالنسبه للشريحه ابي مكالمات لحال والنت لحال معي شبكة هواوي وتعرف مانستغني عن قوقل مابس،
وبالنسبه لطنجه فأنا متعمد اختارها ابي اغير اقادير مابقلك كرهتها لان فيها ذكريات لكن مليت منها وراح خياري ع طنجه ابي اشوف وش في طنجه وكذلك اتمشى للمدن الي حولها

عندهم نت وعندهم مكالمات ..
فالمكتب اللي قلت لك سابقاً
------------------
وفيه شرايح انوي واتصالات تتوزع مجاني وانت نازل من الجوازات
اخذ من المجاني مكالمات والنت من مكتب الاتصالات

طنجه اما ان تعشقها واما ان تتوب عن زيارتها
نقول ان شاالله انك ترتاح فيها


اتمنى لك رحله سعيده ...

الله يسعد ايامك ماقصرت

وأيامك أسعد أن شاالله

تحت الخدمه أخوي ..

أحسن لك أنك تاخد شقة أفضل لك من الفندق , بالنسبة للسيارة خد سيارة أحسن و تجوةل على راحتك و اكتشف المدينة زين و لا أحد يزعجك, الشمال كله نظامه مختلف عن الجنوب راح يعجبك, أما الشريحة عندك اينوي و الوكالات موجودة كتير ما راح تلاقي أي مشكل انشاء الله

طيب وش افضل شركة تأجير سيارات من مطار ابن بطوطه وهل اقدر اسلمها في مطار تطوان

تواصل مع شركات اللي بالمنتدى و هم يساعدوك كتير