عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


قسم الاسئلة و الاستفسارات عن المغرب اطرح استفسارك عن اي شئ يتعلق بالسفر للمغرب في هذا القسم .. للحصول على مزيد من المساعدة

Like Tree3Likes

إضافة رد
Q!Q
مزعوط جديد
المشاركات: 14
تاريخ التسجيل: Jul 2017
Q!Q غير متواجد حالياً  
قديم 2017-07-04, 08:19 PM
  المشاركه #1
الفزعة يالنشامى

السلام عليكم ورحمة الله وبركاته


اول شي كل عام وانتم بمليون صحة وسلامة وعاد عيدكم بعد الزحمه


بدخل معكم في الموضوع دغري انا يالربع استخرجت تصريح زواج من المغرب وعشمان فيكم خير يالوجيه الطيبه خاصة اللي سبق لهم الزواج من المغرب انه يساعدني في انه يدلني على احد ويساعدني في موضوع البحث عن زوجة لان هاذا هو مربط الفرس وهو اصعب مرحلة لان هاذا زواج مهوب لعب والا التصريح موضوعه سهل بختصار انا سافرت لواحد في المغرب عن طريق معرفه والرجال صراحه ما قصر سوا كل اللي يقدر عليه لاكن للاسف ما لقيت مطلوبي مع انه كان معي وقت كثير والامور طيبه ولي رجعه مره ثانيه بس ما ودي اعود الا وانا موصى على احد يقدر يساعدني لان الموضوع بدون معرفه صعب جدا .


واللي حاب يستفسر عن موضوع التصريح بعطيه الزبده :


1. صورة من البطاقة


2.صورة من الجواز


3.برنت من الاحوال وتاخذه في وقته


4.تعريف من العمل


5.مشهد سكن موقع من اثنين شهود وتوديه للشرطه وتصدقه من العمده وتختمه من الشرطه وتاخذه في وقته


6.برنت من خلو سوابق من البصمات وياخذ ثلاث ايام واذا تعرف احد تاخذه في وقته


7.تقرير طبي للزواج وهاذا لازم من الشميسي وياخذ حوالي اسبوع واذا لك معرفه ثاني يوم تاخذه ملاحظه الفحص مسائي واذا خلصت تروح لمستشفى الامراض الصدريه يفحصونك ويختمون عليه بعدين ترجع للشميسي وتوقعه وتختمه من مدير التقارير الطبيه وبعدين المدير العام التنفيذي


8.صور شخصيه حاول تصور عشرين صوره


9.فيه تعهد خاص للزواج من المغرب توقعه وهاذا يوجع شوي لاكن ما دام النية طيبة بييسر الله كل امر


طبعا قبل كل هالشروط اهم شي لازم يكون العمر فوق 30 وغير موظف عسكري ولا في مكان حساس في الدولة وهاذي الشروط للعزوبي واذا عمرك اقل من 30 لا تتعب نفسك واذا هي مطابقه تروح لامارة المنطقة المتواجد فيها وهم يعطونك جميع الخطابات لكل جهه بعد ما تخلص ترجع لهم وتقدمها وتجيب معك ملف ويعطيك الاوراق تروح تفهرسها عند المكاتب الموجودة عند الامارة ولاتنسى الصور طبعا فيه اوراق ثانيه تعبيها وتخلي الشهود يعبونها ويوقعون وما يحتاج الشهود يجون وبعدين تروح للصادر تصدر الاوراق ويعطونك رقم المعاملة والله يستر عليك.


ملاحظة يجب عليك انك تحتفظ في كل رقم صادر ووارد


1.المعاملة جلست في الامارة 10 ايام من تاريخ تقديمها بعدين صدرت لوزارة الداخلية


2.المعاملة جلست في الداخلية 43 يوم من وصولها من الامارة بعدين صدرت لوزارة الخارجية


3.في حال انها صدرت من الداخلية للخارجية تعتبر موافقة وتنتظر حول اسبوعين وتوصل السفارة في الرباط


طبعا في حال صدرت لك الموافقة النهائية نقول مبروك والله يعينك تجيب جميع الاوراق مره ثانيه بحيث انك ترجع للامارة وتاخذ خطابات مره ثانيه وتجيب الاوراق مره ثانيه وتحتفظ فيها معك وتصورها كم صوره وتصدقها من الخارجيه لانها مطلوبه في السفاره لان الاوراق السابقه تحفظ في الحقوق الخاصة فاسهل طريقة ترجع للامارة وتسوي نفس الطريقة السابقة.





طبعا المعاملة مشت بدون اي واسطة نهائيا لا في الامارة ولا الداخلية مع انه لي معرفه فيهم كلهم بس كانوا ضد السالفه وخل عنك وكالة يقولون الصامل يتبع الاجراءات في حال الشروط مطابقة ما عدا البصمات اعرف واحد وطلع لي البصمات في نفس اليوم مع انه ما ياخذ ثلاث ايام والمستشفى طلعه لي ثاني يوم مع انه ياخذ حول اسبوع بس تخبرون الواحد عجل وعفاكم





بعد ما تنهي جميع الاجراءات وعزمت السفر تاخذ جميع الاوراق معك وتصورها كذا صوره وتصادقها من وزارة الخارجية وتاخذ صور شخصية ورقم القيد حق وزارة الخارجية وبالتوفيق


نصائح:


1. انتبه تتزوج بدون تصريح نهائيا لان فيه مرمطه ما بعدها مرمطه لان فيها سجن وغرامة ولا يستقبلون اوراقك الا بعد خمس سنين من زواجك شوف عيني من مراجعين قدامي في الامارة رفضو يستقبلون اوراقهم .


2. يفضل انك تسافر للبلد اللي حاب انك تتزوج منه وتعاشرهم وتاخذ انطباع عام عن البلد واهله قبل تقدم على التصريح مع انه يحق للواحد تغيير بلد الزوجة بحيث يجيب خطاب من السفارة الموجه له المعامله بعدم الاستفادة من التصريح .


3. وهو الاهم والاصعب من التصريح وهو موضوع البحث عن زوجة لأنك بدون معرفه بتتعب جدا حاول انك تبحث عن احد سبق له الزواج او احد يقدر يساعدك وبالاخر هي توافيق من رب العالمين.





واخراً يا اخواني وليس اخيراً اتمنى من الجميع عدم الخروج عن الموضوع وعدم التدخل في الحرية الشخصية للاخرين اللي عنده مساعده او خدمه او كلمة طيبة يقدمها واي استفسار حاضرين للطيبين ولا تهونون .
رد مع اقتباس
 الصورة الرمزية بـــرق
مزعوط خبير
المشاركات: 1,654
تاريخ التسجيل: Dec 2016
بـــرق غير متواجد حالياً  
قديم 2017-07-04, 08:31 PM
  المشاركه #2
وٍعَلْيّكَمُ ٱلْسَلآمّ وٍرٍحَمُةٌ اللَّــْـْہ ۆبُركَاتة

و انت بخير و صحه و سعاده

صدقت اصعب مرحله هي البحث عن زوجه و هذا انا من اخذت التصريح سافرت اكثر من مره و لا زال البحث جاري ..

تأكد دام نيتك حلال ما راح الله يضيعك ابد و بتفرج بدون ما تحس

نصيحه ممكن تكون صحيحه او لا
اذا لقيت بنت الحلال اللي تخاف الله و تراعيك لا تطول فترة الخطوبه

بشوف ايش اقدر عليه و ارجع لك
و ربي يسهلها لك و لي
رد مع اقتباس
 الصورة الرمزية شبيه صويحبي
مزعوط خبير
المشاركات: 3,582
تاريخ التسجيل: Sep 2014
الدولة: دلوعه الغيم
شبيه صويحبي غير متواجد حالياً  
قديم 2017-07-04, 08:45 PM
  المشاركه #3
ولا اصعب مرحله ولا شي
انا تزوجت من 3 سنوات
ولكن في الاول بحثت عن الزوجه وبعدين طلعت التصريح

بعدين ترى التصريح من سن 35 فما فوق
هذا اللي صار معي
حتى وقتها كان باقي 3 اشهر ويكتمل عمري 35
وعقدوها شوي والحمدلله تسهلت

الله يوفقك لما يحب ويرضى
__________________
الشجر يموت واقف
رد مع اقتباس
 الصورة الرمزية بـــرق
مزعوط خبير
المشاركات: 1,654
تاريخ التسجيل: Dec 2016
بـــرق غير متواجد حالياً  
قديم 2017-07-04, 09:05 PM
  المشاركه #4
اقتباس:
المشاركة الأصلية كتبت بواسطة sa2020mi مشاهدة المشاركة
ولا اصعب مرحله ولا شي
انا تزوجت من 3 سنوات
ولكن في الاول بحثت عن الزوجه وبعدين طلعت التصريح

بعدين ترى التصريح من سن 35 فما فوق
هذا اللي صار معي
حتى وقتها كان باقي 3 اشهر ويكتمل عمري 35
وعقدوها شوي والحمدلله تسهلت

الله يوفقك لما يحب ويرضى
و افرض ان تاخر التصريح او ما طلع?

انت كنت محظوظ و توفقت و الله سهل لك و لا ابد مو سهل الموضوع

و اذا مو صعب اتمنى تفيده و تفيدني و تفيد غيرنا
رد مع اقتباس
 الصورة الرمزية سمو المغربية

المشاركات: 30,428
تاريخ التسجيل: Mar 2015
الدولة: Agadir
سمو المغربية غير متواجد حالياً  
قديم 2017-07-04, 09:21 PM
  المشاركه #5
موفقين جميعا
__________________
كلآم الناس بالنسبة لي ،، مكآلمة لم يتم الرد عليهآ ..!!!
رد مع اقتباس
مزعوط قدير
المشاركات: 220
تاريخ التسجيل: Sep 2016
الدولة: السعودية - الرياض
تركي سعد غير متواجد حالياً  
قديم 2017-07-04, 09:50 PM
  المشاركه #6
الله يحفظكم
__________________
اخلاقك هي عنوانك
رد مع اقتباس
Q!Q
مزعوط جديد
المشاركات: 14
تاريخ التسجيل: Jul 2017
Q!Q غير متواجد حالياً  
قديم 2017-07-05, 11:05 AM
  المشاركه #7
اقتباس:
المشاركة الأصلية كتبت بواسطة بـــرق مشاهدة المشاركة
وٍعَلْيّكَمُ ٱلْسَلآمّ وٍرٍحَمُةٌ اللَّــْـْہ ۆبُركَاتة

و انت بخير و صحه و سعاده

صدقت اصعب مرحله هي البحث عن زوجه و هذا انا من اخذت التصريح سافرت اكثر من مره و لا زال البحث جاري ..

تأكد دام نيتك حلال ما راح الله يضيعك ابد و بتفرج بدون ما تحس

نصيحه ممكن تكون صحيحه او لا
اذا لقيت بنت الحلال اللي تخاف الله و تراعيك لا تطول فترة الخطوبه

بشوف ايش اقدر عليه و ارجع لك
و ربي يسهلها لك و لي
ما تقصر يالذيب والله يوفقنا وياك
بس حبيت اسألك وين بحثت فيه في أي المدن او القرى ممكن افيدك وتفيدني لأني مريت ديار واجد وأخذت تقريبا انطباع عام
رد مع اقتباس
مزعوط مبتدء
المشاركات: 36
تاريخ التسجيل: Jul 2016
مزعووووط غير متواجد حالياً  
قديم 2017-07-05, 11:20 AM
  المشاركه #8
الله يوفقكم بالزوجات الصالحات والذرية الصالحة
رد مع اقتباس
Q!Q
مزعوط جديد
المشاركات: 14
تاريخ التسجيل: Jul 2017
Q!Q غير متواجد حالياً  
قديم 2017-07-05, 11:28 AM
  المشاركه #9
اقتباس:
المشاركة الأصلية كتبت بواسطة sa2020mi مشاهدة المشاركة
ولا اصعب مرحله ولا شي
انا تزوجت من 3 سنوات
ولكن في الاول بحثت عن الزوجه وبعدين طلعت التصريح

بعدين ترى التصريح من سن 35 فما فوق
هذا اللي صار معي
حتى وقتها كان باقي 3 اشهر ويكتمل عمري 35
وعقدوها شوي والحمدلله تسهلت

الله يوفقك لما يحب ويرضى
اول شي اتمنى لك حياة سعيدة وموفقة في حياتك
وبعدين وانا اخوك انا اشوف ان الواحد يستخرج التصريح قبل لا يسوي شي افضل طبعا بعد اخذ فكره عن بلاد الزوجة مع انه بالامكان تغيير الدولة بشرط انا الواحد يجيب خطاب من سفارة الدولة الاولة اللي صدرت لها الموافقة بعدم الاستفادة عشان ما يروح ويدور ويتعب واذا حصل شي واتفق وتعشم وفي الاخير طلع بدون فايدة وهو راس ماله تصريح واوراق روتينية ما اتوقع انها صعبة او راح تضر الواحد اذا جابها سواء تزوج خير وبركة وان ما حصل عوافي .
اما على التصريح انا مالي علم عنه قبل ثلاث سنوات ممكن كان من ضمن شروطهم ان العمر فوق 35 لاكن ان اكلمك عن شي قريب تقريبا قبل رمضان بكم شهر من شروطهم ان العمر لا يقل عن 30 وهاذا اللي حصل معي لانه اقل من 30 ما يستقبلون اوراق اصلا ويمكن قبل نظام والحين نظام وازيدك من الشعر بيت من يوم ما قدمت اوراقي عن طريق الامارة لين جتني الموافقة ما راجعت اي دائرة حكومية كل شي يجيك برسالة عن طريق الجوال بخط سير المعاملة ورقم الصادر والجهة الصادر اليها
وعلى طاري ان الموضوع سهل على قولتك ياليت تدلني على طريقة سليمة في البحث واكون لك من الشاكرين
رد مع اقتباس
Q!Q
مزعوط جديد
المشاركات: 14
تاريخ التسجيل: Jul 2017
Q!Q غير متواجد حالياً  
قديم 2017-07-05, 11:35 AM
  المشاركه #10
وياك انشاء الله
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فزعتكم يالنشامى في الرباط وكازا طلال الريااااض قسم الاسئلة و الاستفسارات عن المغرب 3 2016-10-07 10:55 PM
فزززززززززززززززززززززززز ززززززززززعه يالنشامى nasser2003 قسم السفر والسياحه في اغادير 14 2016-04-03 01:32 AM
الفزعة ... الفزعة ... الفزعة ... ( محتاج مساعدتكم) ســـهـم قسم الاسئلة و الاستفسارات عن المغرب 12 2016-01-11 07:21 PM
الفزعه يالنشامى 999 nasser2003 قسم الاسئلة و الاستفسارات عن المغرب 10 2013-10-29 08:31 AM
الفزعة الفزعة يامزاعيــــــــط مزعوط بذوق قسم الاسئلة و الاستفسارات عن المغرب 6 2011-05-28 07:47 PM


الساعة الآن 02:43 AM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83