خدمة كريم واوبر في المغرب
 

هل يوجد خدمة كريم او اوبر في المغرب ولو كانت متواجدة هل افضل من التاكسي

وهل توجد الخدمة من المطار الى مراكش

اتمنى تفيدوني

شكرا جزيلا لكم

هلابك اخي

هذا الرابط لأحد المواضيع عن اوبر
وراح يفيدك ان شاالله

https://www.mza3et.com/637128-post1.html

عن تجربة انا جربت وطلبت اوبر ثلاث مرات وفي كل مره ما يجون بس السائق يقبل الطلب ويعلقك لين انت تلغي الطلب ويصير له الفايدة والغرامة عليك ، بالنسبة من المطار الى مراكش .. عندك خيارات بأرتبها بالاوفر لك ..
الاول تركب القطار الى مراكش وراح تنبسط بالطريق اذا بالنهار
الثاني تستاجر سيارة بدون رهن جوازك بيكون اوفر
الثالث وهو الاغلى انك تستاجر سيارة بسائق او تاكسي ابيض والافضل سيارة بسائق بيكون اوفر واطلب ان يكون التانكي مليان او فيه النص ع الاقل

شكرا سهم المنايا

شكرا زيزو

اوبر انا جربتها بكازا وجاء بالوقت المحدد

واذا طلبت يعطيك الوقت المتوقع للوصل وبعد السياره عن موقعك
واعتقد لو تاخر لك حق تلغي بدون غرامه

سالفة أوبر ذي صارت معي في جنيف لطعني فوق 45 دقيقة وآخر شي كنسلت وخصموا 7 فرانك سويسري، ومن يوم جاني الايميل حق التقييم سويت رد وكتبت بالعربي وش صار وقلت ابي الفلوس الي خصموتها، ساعتين وهي راجعة لحسابي في أوبر (مو الفيزا) زي الرصيد مع ايميل اعتذار.

اوبر في كازا مو مطبقة بنفس المفهوم بباقي الدول اضافة الى التأخير

انصحك خليك لطاكسي أفضل