قصيدة … قائلها … مناسبتها

المشاركة الأصلية كتبت بواسطة شموخ كازا

كلكم سمعتوا البيت اللي يقول:
تكفى ترى تكفى تهز الرجاجيل
لولا ظروف الوقت ماقلت تكفى

قائلها هو الشاعرالامير محمد بن دهمان حاكم بني شهر رجال الحجر/عام 1938 والملقب بــ أخو تكفى

، لكن أغلبكم ماقرأ القصيدة الكاملة،
تمتع بقوة القصيدة
ـــــــــــــــــــــــــ ــــــــــــ

يقول فيها

علم العفا وعفاك .. يا وافي الكيـل

بساطه أبشّرك .. في خيـر وعفـا

نكفي بعضنا ,, وانتكافا على الشيل

واللي تعب من الحطّ والشيل يكفـا

من ذاق حرّ القايلـه يعشـق الليـل

ومن شبّ ضّوه ليلة البرد .. يدفـا

لاعاد ليلٍ ٍ نمت به في حرى سهيل

وخايلت نوضٍٍ يخطف العين خطفـا

امسيت من جيل ٍ ولاهوب ذا جيـل

واصبحت ... والاّ ديرتي شبه منفا

كنّا على فـال الشحـم والمعاميـل

ونفوسنا انقى من نقى العدّ .. واصفا

وانا ولو راحت بقولـة : تساهيـل

صلف وصروف الوقت تحتاج صلفا

ياحجر جدّاني .. زحول الرجاجيـل

يحرم فلا لي عنك ياحجر مقفـا

إمّا لطمنا العيل .. والاّ الطم العيـل

مادام شبّ النار منـدوب الأطفـاء

خل ابرهه الأشرم على ذمّة الفيـل

وانظر لشيٍ .... مايوصفّه وصفـا

ياذيـل والله ماتجـي راس ياذيـل

علمٍ ماهو يغبـى ولاهـوب يخفـا

واللـي حمـا بيتـه بطيـرٍ ابابيـل

ماجيتـك ادوّر لمـن راح واقـفـا

ولا جيتك اطلب منك بن ٍ ولا هيـل

جيتك وجرح الظلم .. غاديه يشفـا

جيتك بكلمة .. كنّها صعقـة الويـل

إن قلت تكفـا ... لا تهـاون بتكفـا

تكفى .. تراها كلمـةٍ تقطـم الحيـل

لا بالله الا تنسـف الحيـل نسـفـا

تكفى .. ماهـي لمدهنات المجاديل

تكفى لصلف وعـادة القـرم صلفـا

تكفى .. ترى تكفا لها هـدرة السيـل
في صدر حرًّ .. ينتف الطيب نتفـا

تكفى .. ترى تكفا لها تسرج الخيـل
إن كان لك باالخيل سرج ٍ و عسفـا

تكفى .. تبيّـن كـلّ لاشٍ وحلحيـل
تسمع لهـا بالصـدر هبـدٍ ورجفـا

تكفى .. وتكفـا ماتسـاق لمهابيـل
تكفى .. تخلي القـرم لاشٍ وهطفـا

تكفى .. تجنّبني هل القـال والقيـل
مانيب من ينكف علـى كـل ملفـا

تكفى .. تراني من قـروم ٍ مشاكيـل
حمّاية الساقـه .. بسيـفٍ وشلفـا

تكفى تــــــــرا تكفى تهز الرجاجيل
ولولا ضروف الوقت مــا قلت تكفى

تكفى يـــــا قرم ما يبا العلم تفصيل

المشكلـــه كبرت على الناس تكفى

مــــا قلت تكفى غير من فترة الحيل

وانتـــــه ولد من يفعل الطيـب تكفى

انخاك من كثــــر العنـــــا والبهاذيل
ولولا ضروف الوقت مــا قلت تكفى.،

المشاركة الأصلية كتبت بواسطة ابو عبدالله 1

ابيات جزلة …
الحين عرفنا وش سالفة
تكفا تهز الرجاجيل
تسلمي شموخ على النقل الجميل