مشكلة السكن في الرباط

تحياتي للجميع ..
ناوي اسافر الى الرباط ( لوحدي ) في سبتمبر او اكتوبر .. لكن عندي مشكلة في السكن
المخطط اني اسكن اول يومين في فندق مثل ( اتلانتك اكدال ) او ( سمارت هوتيل في اكدال ) وبعدين اشوف لي شقة ..
لكن من خلال بحثي هنا في مواضيع السكن في الرباط مافيه شي واضح .. الاغلب يقول السكن في اكدال بشقة افضل .. عشان اكدال من افصل الاحياء .. لكن من خلال بحثي شفت صور لبعض الشقق .. شكلها تعيس وكئيبه .. غير ان البعض يقول انها غير مؤمونه ..
انا احب الطبخ ( البيتي المغربي ) وهذا واحد من اسباب رغبتي في السكن بشقة غير موضوع الاستقلالية .. ولا انا احب سكن الفنادق للنظافة والترتيب .. لكن مشكلة الفنادق تعرفونها مايسمحون بكل شي .. الا اذا تعرفون فنادق مستواها فوق المتوسط امورها تكون طيبه .. بس لا تقولون الفندق اللي فيه مرقص لانه مايصلح لي ..

البعض يقول شوف شقة في مناطق غير اكدال جهة المرينا .. لكني مااعرفها ولا ولا اعرف مستوى الامان فيها ..

في العموم مواضيع وعروض السكن في الرباط شحيحة .. ياليت احد يفيدنا ..

هلابك
السكن بالرباط محدود ويبي ترتيب من بدري
شخصيا ما اشوف افضل من اكدال للسكن
تخطيطك سليم اذا رحلتك طويلة ممكن تاخذ راحتك
وانت تدور

مرحبا اخ فهد .. لكن هل فيه في اكدال مكاتب معتمدة عن طريقها استأجر .. او امر على العماير وأسأل البوابين .. مع اني اشوف هالطريقة مو مضمونه .. يمكن يطيح الواحد في ناس مشكلجية ..

ياخوي ترا المغرب أمان
والرباط عاصمة
هد من روعك وابحث في أكدال عن سكن ملائم للي تحب وتريد من طبخ وغيره

__________________
ليت لي من عناء البعد راحه
يابهجة الخاطر وكثر الأمنيات