سفرتي للمغرب تاريخ 2/5/2017

ارحب اخوي ذيب الليل نور مرورك بالنسبه للاسعار جدا مريحه الغرفه فالفندق حسبوها لي بسبع ميه وعشرين درهم ومافيه مصاريف تذكر طبعا الغرفه سنقل مو دبل ومطله على حمام السباحه

شكرا اخوي تركي العالي واللي زاد جماله مرورك يالغالي

بداية زوينة , ننتظر البقية

الله يحفضك اختي ميمي وان شاءالله نكملها بالوجه المطلوب والسموحه على نقصان التعبير

طبعا خامس يوم مارحت الا اتمشى حول الفندق ومريت قهوه قريبه للفندق جلست وتقهويت واتفرج عالرايح والجاي ومستمتع وكلمني صاحبي وقالي تعاااال ترى بنطرك قلت والله ياصديقي ماعتقد عزمت اروح طنجه وفعلا خذيت قراري لطنجه
ورجعت الفندق على مغيب الشمس وجلست فجلستي على حمام السباحه والظاهر انه كان يوم للعشاق كان مليان المكان كبلز بس انا بحال الجن لوحدي وطبعا تلاشيت للنظر لاي منهم تفاديا للمشاكل ازازت ميرندا
وجالس العب بجوالي وطلبت عشى سباكيتي بالصلصه واللحم المفروم وداهمني النوم قلت للسرير وينك
ومشيت للشومبر ديالي (لغرفتي) وبالسرير طار النوم وحبتين بندول نايت ولاكو فايده كانت تقريبا الساعه 9 ونص فالليل ومانمت الا الساعه وحده اخر وقت شفته طبعا معبي السياره ومفولها ديزل وشناطي جاهزه صحيت الساعه عشر الصباح شاور ونزلت اسوي جيك اوت والطاهر كان عندهم تقييم للفندق اول شي يسؤلون النزلاء اللي بسوون جيك اوت المهم دردشت مع المديره طبعا قيمت بضمير ولا جاملتهم وفعلا كانو محترمين جدا ونظيف جدا وكل شي كان تمام شكرتي على اختيار الفندق وقلت لها ممكن تخدميني خدمه اخويه قالت تفضل قلت
طبعا بحكم انك مسؤوله قالت انا المديره قلت اختي بكلمك بكل شفافيه ووضوح طبعا من جنسيتي اما انك سولتي الريسبشن واش هاد السيد كيدير الصداع او حاجه او هما نقلولك الصوره ابتسمت قالتلي وي قلت الخدمه ياسيدتي الفاضله انا متوجه لطنجه واول مره اروح لطنجه وابي ترشحين فندق لي ويكون عن طريقكم الحجز اذا ممكن قالت ولو بسيطه انت في فندق في بالك معين او تبي اشوف لك انا قلت قابل بترشيحك لاي فندق بس يكون سعره مقبول قالت اوكي امتى رايح انت قلت الحين بطلع قالت هذا رقمي وخلك على تواصل معاي قلت اوكي
وطلعت من الفندق الساعه 12 الظهر ومسكت الخط وعلى اقل من مهلي اتصلت علي الاهت قالتلي لقيت لك فندق موقعه زين والغرفه بست ميه وثلاثين درهم طبعا سنغل قلت اوكي قالت كم يوم قلت ثلاث ايام شوي اتصلت وقالتلي تم الحجز تشكرت منها وكان فندق سولازير وصلت الساعه 6ونص وكان طرق طنجه فيها تصليحات تدخلك من حاره لخاره وانا مع الحلو قوقل ماب
وصلت باب الفندق نزلو شنطي اخذو السياره عطوني ورقه دام انت نزيل فهذي خدمه جيت واخذت الغرفه طبعا كان كل التيام اللي طافت نوم فالليل بدري اول يوم ماطلعت او طلعه خفيفه مشي على الاقدام استكشاف من الفندق جالس بالفندق فاللوبي لين صارت الساعه 12 فالليل صعدت غرفتي اودر السرير
والسموحه يالربع ترى ماعرف ارتب الكلام تحملوني
4ALL

نسيت اقولكم السفره فيها نكبه قويه ماتخطر على البال وبنفس الوقت الكل ينتبه منها يالربع راح

تقرير يستاهل المتابعة شكرا

شكرا اخوي عادل لمرورك الكريم

العفو خويا

انا انتظر النكبه