الزمن اهو الزمن لا تغيير ولا تبديل وكل شي على حطته الناس اهم الناس انت بس الي زهقت و تعبت وكبرت بعد ٢٥ مره زرت فيها المغرب .
اذا تبي تشوفه حلو راح تشوفه والعكس صحيح
انا مغربية وبحكم إقامتي الطويلة برة في أشياء كثيرة تغيرت علي انا كمان لدرجة انو بنات اختي ساعات يمزحون معي بمقولة خالتي غيري المعجم .....لكن بداخلي مقتنعة انو مثل ماحصل تغيير بالبلد اكيد حصل بداخلي وعليه فأنا أنظر للجانب الممتلئ من الكاس
بالفعل اللي تغير بهذا الزمن هي نفسياتنا فما كان يعجبنا بالسابق ملينا منه وأصبحنا نبحث عن الهدؤ والراحة النفسية اكثر من الصخب والإزعاج وأصبحت مطالبنا صعبة المنال في ظل الروتين المكرر في كل السفريات لابد من التغير وعيش المغامرات والخروج من النمطية المكررة بالسفر والبحث عن أماكن واهتمامات اخرى واعتقد ان المغرب هو الدولة العربية الوحيدة اللي تتوافر به هذه الامكانات في ظل التنوع الثقافي والسكاني والمناخي
العالم كله تغير مو بس المغرب ,صايرين فقرية صغيرة وقبل ما كان في لا نت ولا شي
الحين تقدر تعرف اخبار كل البلدان وتفاصيل المسافرين وانت قاعد فدارك فطبيعي يحصل تنافس
صحيح انه فالفنادق والسكن مو لازم السائح يتعرض للاستغلال خصوص بالفنادق المصنفة بس البزنس اهم شي عندهم الربح وخصوصا لو متاكدين انه الزبون حيرجع مرات ومرات
اما اماكن السهر فشي طبيعي اصحاب البلد ليش يطلعو ويسهرو الا عشان الماديات
الله يستر ع الجميع
قولو لا إله الا الله ياخوان وهدو الوضع وقفلو على الموضوع الموقع هذا اسمه مزاعيط المغرب الي يبي المغرب ويبي ناسه الطيبه حياه الله والي يبي ديار غيره الله يوفقه لكن نظل اخوان وربع صحيح بعض الردود تقهر وتنرفز لكن نسوي نفسنا ماشفنا وخصوصاً اذا الكلام مو موجه لشخص معين ، اما كلمه منه وكلمه منك وتزيد الطين بله وتصير الاعضاء بين رأي وراي
ماقول الا الله يجمعنا بجناته مثل ماجمعنا في هالمنتدى وان الله يغفر مابدر منا