عندي استفسار غريب بس مهم ههههه

يسعد لي جوك تروووك جراك ع الأندو والله إنك مولي وشلون لقيت لها مكان يشيلها

أخي موضوعك سهل وبسيط
من كلامك إنكم أكثر من شخص
كل مسافر له حقيبتين وزن 23 كيلو

مأعرف كم عددكم لكن بفرض انكم شخصين
كل واحد بيكون له شنطتين , شنطتين لك ولخويك بتكون للملابس واغراضكم الشخصية
يبقى شنطتين حطوا فيها الفحم واللي تبي تشحنه وغلفها كويس في المطار
إذا ماتكفيكم إشتر الشناط الأضافية اللي تكفيكم عن طريق موقع الخطوط السعودية اللي فيه تخفيض 40% للي يشتري عن طريق الموقع وثمن الشنطة بـ 391 ريال
وإذا انتم أكثر من شخصين بيكون عندكم شنط إضافيه وممكن ماتحتاجون زيادة

وفيه طريقة للشحن أفضل من البريد وهي الشحن عن طريق المؤيد ومأنصح فيها
نصيحة إنتبه تشحن عن طريق البريد أو عن طريق المؤيد أو أي شركة إخرى لأن الشحن يأخذ وقت طويل والأهم من طول الوقت إنك بتلاقي تعقيد واستغلال لما تستلم الشنط وحتى لو وصلت شناطك بتسمع انها ماوصلت عشان تدفع, يعني بتمر بتعقيد وضياع وقت وممكن ترجع وأنت مأستلمت الشنط

أفضل طريقة لك شحنها معك بالطيارة من خلال الطريقة اللي ذكرتها بالأول وإذا الوزن زائد ومحتاج شناط إضافية اشتر الشنط اللي تكفيك عن طريق موقع الخطوط السعودية
مافيه أفضل وأريح من هالطريقة والسعر مناسب ونصيحة لاتفكر بغيرها

__________________

خياش آخذ معي كل شهر ونص كذا خيشتين تكفيني لحالي والفحم هذا بحياتي ماشيشت بمثله رهيب وخفيف جداً ويطول ولا تحس اصلاً انه على الراس صار لي استعمله سنتين تقريباً ولا حصلت شي قريب منه من روعته

مره حبيبي كنت مسافر للفلبين وأخذت معي صندوقين عصير فراولة وخيشتين جمر لي وللشباب اللي معي كلهم يشيشون غلفتهم وانا معي عضوية الفرسان السلفر يعني معي حتى وزن اضافي ماعندك مشكلة المهم جيت بمطار عرعر بشحنهم جوني العسكري وقالوا لي ممنوع قلت يابن الناس عادي وكل المطارات اشحن عن طريقهم المهم انه منع عدل بدل يابن الاوادم رفض الرجال اضطريت اتصل على واحد من الشباب ماسافر معنا قلت تعال خذ الاغراض كرتونين غلفتهم واحد فحم والثاني عصير خذهم ودهم للإستراحه وفعلاً هذا اللي صار جاء وأخذهم ... المهم ان المشكلة بمطار عرعر متخلفين عندنا بشكل رهييييب وخاصة ليا جاك مطوع مايصير امشيك اصلاً هذا منكر فحم شيشه رح عاد تفاهم معه

تسلم أناملك يالغالي والله ياحبيبي كلامك على عيني وراسي لكن المطار الأمن حق تفتيش الشنط يرفض ادخال فحم او عصير ضمن الشحن هنا المشكلة

ماعندي مشكلة اشتري شحن إضافي او اني احطهم بتغليف اصلاً عندي واسطة بالخطوط يطلعها لي بدون لا شحن اضافي ولا شي يعني اموري توب بس المشكلة بالامن اللي يفتش الشنط يخليك تفتح شنطتك وتطلع الفحم والعصير منها وهنا المشكلة الكبرى

عشان كذا قلت مالي الا اشحنهم لأن رحلتي بتاريخ 25 أكتوبر يعني مطوله باقي لها اكثر من شهر ونص قلت اشحنها من هنا إلين المغرب وبأذن الله استلمها من هناك ... لكن بعد كلامك شكلي بتراجع ماني شاحن ولا أدري وش بسوي

انظمه المطارات بالسعودية كلها واحد بس معك حق تفرق من مطار الى مطار من ناحية التعقيد

لكن فيه حل انت اكيد بتطلع للمغرب يامن الرياض او جده
ادا تقدر تخلي حجزك يبدا من الرياض لكازا وتجي قبلها
وتشتري اغراضك هذي من الرياض وتقلع هذا حل مادري زين لك ولا

الحل هذا زين لكن متعب لأني اضطر اجي للرياض بسيارة عشان أشحنهم لأن اذا كانت طياره فتصير هيا هيا نفس الشي يعني اشحنهم من مطار عرعر عادي بس المشكلة كلها بالمعقدين عندنا بمطار عرعر فلو سويت حلك أجي بسيارة وأشحنهم من الرياض وأطلع من الرياض فتصير شوية متعبه

لاتسكن مع عائلة
ترا بيخلونك خرووووووووف العيد يااااخي

صاادق معك حق
مالك الا اجل تجيبهن معك وتحاول تدخلهن مره ثانيه واذا عيى المطوع اللي تقول تمسكه وتجلده بلي الشيشه الين يتوب

يعني تخيل لما رجعوني آخر مره قلت طيب الفحم يمكن نختلف انا وانتم عليه لأني انا اشحن بغير مطار عرعر وانتم هنا تمنعوني يعني نختلف عليه اوكي لكن العصير بأي حق تمنعه ؟ قالي سوائل قلت ياسلام وماء زمزم طيب اللي الناس تشحنه هذا وشو سراميك ؟ ضحك وقال ممنوع قلت هذي مزاجيه ومشى من عندي المهم هنا معقدين بشكل مايوصف عشان كذا قلت بشحنهم شحن للمغرب وباقي أغراضي اجيبها معي بالطياره عادي لكن برضوا المغرب معقدين من ناحية الشحن عشان كذا شكلي بسحب على السفره من راسها والله طابت نفسي الله يقلعهم هههههههههههه