عندنا صالون حلاقة في الحي الحلاق مغربي من اهل قنيطرة
قعدت اسولف معه وهو يحلق لي وشافني أتكلم معه بالدرجة المغربيه وضحك
قال : اش نظرتك عن المغرب
قلت : ماتزعل
قال : لا
قلت:وناسه وفله ومزز كثير وأجمل جميلات العالم وملكات جمال
قال : تصدق كل المغاربة يشتكون منكم
قلت : افا ليش يشتكون وحنا نعطيهم فلوس وننعش بلدهم
قال : بسبب فسادكم في المغرب
قلت يعني الشعب غير راضي عنا
قال : نعم باستنثاء الحكومة واصحاب الأماكن السياحية
وحذرني بعدة أمور
منها ترى الشعب المغربي زعول وتعامله اذا زعل منك غير طبيعي خصوصاً في موضوع المزز
قال : ترى اللي عملوا الصورة عن فساد المغرب قله قليله من ملايين الشعب المغربي وأغلبهم من تأثير الاستعمار او التفكك الاسري (على قولنا اللي مالها والي)
فلايمثلون من الشعب المغربي الا نسبة قليلة ولكن أعطوا صورة سيئة
قلت : لا تنسى الفساد الاخر البخشيش والرشاوي والابتزاز
قال : ايضاً قله قليله لا تمثل كل موظفين الدولة المغربية
قلت : انت خلصت من كلامك ابدا انا بسالك وجاوب بصدق
قلت: كيف وجدت السعودية والشعب والحكومة
قال : كان الصورة اللي أعطوها لي عن السعودية انها بلد متغطرس ومتشدد ومتكبر وتعاملهم سيّء مايحترموا احد
قلت : وبعدين لما جيت وسكنت بينهم وتعاملت معهم ورأيتهم
قال : بصراحة الصورة اللي أعطوها لي غير صحيحة أبداً ولم اجد منها ماهو صحيح لقيت الطيب والتواضع والكرم والتعامل الحسن والاحترام ومحافظ والحكومة تطبق الشريعة الاسلامية
قلت : اعذرني انا واحد خربوط ماني رايح للمغرب أدور الطيبين
قال: اجل روح لمراكش وكازا واكادير وتحصل اللي تبي
__________________
ليت لي من عناء البعد راحه
يابهجة الخاطر وكثر الأمنيات
التعديل الأخير تم بواسطة شاعر كازا ; 2017-08-26 الساعة 03:05 PM