اكثر من استفسار للاستفاده للجميع ..✋

السلام عليكم ورحمة الله وبركاتة
عندي كذا استفسار واتمنى مايرد الى الي عنده معلومات كافيه ووافية ومنتو مقصرين
نبدا من البداية المطار
1/ معاي مبلغ الرحلة وش الافضل احطه في بنك ووش افضل بنك وكم اقدر اسحب يومياً
وهل اقدر افتح اكثر من حساب ب اسمي وكم حساب اقدر
2/ شرايح النت والاتصال لمراكش وش افضل انوي ولا اتصالات المغرب واخذها من المطار ولا برى
3/احول العمله ف المطار ولا في مكان افضل من ناحية الصرف
نطلع من المطار جو الرحلة 4/ انا ي الربع راعي شيشة وعانيت معاناه من ناحية الفحم والمشكله ف النايتات كلوب الفحم عندهم عالمي الي يعرف محل يبيع فحم كويس يعلمني وين مكانه حتى لو برى مراكش
5/ افضل محل للتسوق لاغراض الفله من اكل وشرب و ( عصاير ) كارفور على خبري ولا في محل افضل
6/ ابي كفيهات حقت تكيه بعد العشاء مزاج وتصصيد غير { ستار بوكس } الي امرضونا فيه
7/ شفت كذا مقطع ي الربع مسبح في مراكش عالمي يعني اتوقع نادي او زي كذا فيه عالم
ابي اعرف اسمه ناوي اروح له معحبني الجو فيه حق العصرية
8/ ابي اسعار الحلاقين الي يجي يومياً تقريبا

ادري كثرت عليكم الاستفسارات

ولك كل التحيات

مشكورين
ننتضر مشاركات عشان تعم الفائده

باختصار .....
1/بالنسبة ليا فلوسي كاش معايا او تقسمها مع خويك اذا كان معاك
2/ اتصالات اشوف النت حقها افضل
3/ الصرف اسال عنه في بلدك اذا كان افضل حول او تحول مبلغ من المدينة الي تروح لها افضل من المطار
علما ان الفرق ماهو كثير
4/ افضل فحم ديال الحامض اسال السواق يجيب لك او خذ معاك فحم من المكعبات
5/سوق الاحد
6/ الخيمة سواء مراكش او اغادير
7/ هذا نادي برازيلي على خط اوريكا مقابل الالعاب المائية وفي كذا واحد غيره على الخط
8/ان كثرت مررررره 50 درهم وفي العادة 20-30 بس