فيلا في منتجع او فيلا خاصه ؟؟ الافضل !

حياااك خويا
لا تصدق كلشي بعض الناس تبالغ..

ما ادري ليش التعقيدات وارتفاع الاسعار وغير هذا كلة يبتزون السعودي من بين كل جنسيات العالم بعدين مو واحد الي قالي نفس الكلام يمكن 30 شخص من الي سافر والعكس صحيح ناس من اصحابي سافرو وحبو المغرب ويقولون حلوة وانا الان احترت مع اني حجزت على الخطوط المغربية تذكرة غير مسترجعه يعني الله يعين ويساعد ههههههههههه ما اقدر استرجع الدراهم ولاكن بنجرب هذي المرة اذا مشيت الامور معنى زرانها بأستمرار مازبطت رحنا دولة غيرها

بجرب هذي الامور ونشوف انشاء الله انها تكون رحلة سعيدة

بما إنك أول مرة خلك على منتجع الروزجاردن ، وإن شاء الله تتوفق بفيلا نظيفة ، لأن الروز فيه فلل نظيفة وفيه لا ، وانتبه من عبدالرحيم اللي بالاستقبال لا يسرق فلوسكم .

ولو تبي نصيحتي ... أنت جديد على الديرة وكل الخيارات عندك متساوية ، واللي تدور عليه بمراكش موجود بكل المدن ، لذلك خلك في أغادير وما يمنع تجلس بكازا يوم يومين ثلاثة سواء أول الرحلة أو آخرها ، وأغادير وكازا تراها مدن سياحية بامتياز ، ولها روادها من قديم ، لأن مراكش من كثر ما هي زحمة صارت مكان للنصب والاستغلال عيني عينك ( أسعار السكن والسهرات والمطاعم وأسعار الطيور والمشروبات ..... إلخ ) .

تحياتي

خليك على المنتجعات أفضل لك

بالإضافة إلى أن كازا وأغادير تعتبر أفضل من مراكش من حيث الأجواء ( الحرارة في الصيف غالبا في أواسط الثلاثينات نهاراً في كازا وأغادير ، أما مراكش مشابهة لصيف الرياض تصل فيه الحرارة للـ 48 درجة ) ، وإذا تبي أفضل الأجواء بالمغرب عموماً عليك بمدن الشمال ( طنجة الناظور الفنيدق مارتيل ... ) ، الحرارة فيها بالعشرينات .

تحياتي