هل هذه الطريقه صحيحه ؟
السلام عليكم اخواني
لدي استفسار وازجو الاجابه عند طلب حجز سيارة من احد المكاتب في المغرب هل يطلب ان ارسل له قبل سفري صورة الجواز + صورة التذكرة وصورة الرخصه هل هذا الاجراء من قبلهم صحيح ؟ |
مكتب تثق فيه اجراء طبيعي ومعتاد
|
لا ترسل له ولا شيئ اسمع كلامي وانت الكسبان إذا وصلت مطار المغرب تجد جميع المكاتب امامك تجدهم رجال ونساء ينادونك في المطار تبغى سيارة.. تعال نعطيك أحسن سيارة بأقل سعر تختار نوع السيارة اللي تريد وتاكسر في السعر ترى الدنيا سهالات لا تشيل هم الامور البسيطة ثق تمام الثقة ستجد نفس السيارة بأقل سعر من اللي قالك السمسار أرسل اوراقك لانه هذا الشخص طرطور ما عنده سيارات مجرد سمسار يبغى يضمن انك تاخذ من عنده بالسعر الغالي اللي هو حدده لنفسه في نفس الوقت ما يثق في الناس ، يرى الناس بعين طبعه اتركه لا تتعامل مع هذه الاشكال بعدين تندم واللي ما يثق في الناس إلي هذه الدرجة لا تثق فيه إذا تقابلت الوجوه كل شيئ يتغير اللي بـ 100 تكاسرهم تاخذه بـ 60 - 70 الفرق كبير وانت جالس في مكانك كل شيئ يأتيك الي حدك بخشم الدولار والدرهم لا تشيل هم لما توصل تأخذ بأقل سعر عن التليفون صدقني مع احترامي لشخصك الكريم في تعاملك لا تستخدم التليفون والرسائل مع المغاربة بتاتاً هناك تشوف كل شيئ على الطبيعة وتاخذه بسرعة البرق وانت واقف وبسعر أقل من التليفون اسمع كلامي الثقة والطيبة الزايدة اتركها في بلدك قبل تغادر وسلامتك |
كلامك سليم والله تصدق إنهم سماسره وكل واحد حاط سعر من مخه أنا أكتشفت إنو نفس السياره هيا ورقم اللوحه نفسه موجوده عند مكتبين وكل واحد حاط سعر مختلف
|
ممتاز الله يعطيكم العافيه
كنت حاط في بالي الشي هذا اني اخذ منهم مباشره لكن خفت اتوهق اروح واجلس انتضر يوفرون السيارة الي ابي ويضيع وقتي فعلا سماسره عجيبين كلمت واحد عن طريق واحد من الشباب وقلتله اني من طرف فلان وابي سياره نوع معين وعطاني سعر عالي جدا قلتله محصلها من غيرك بفرق ١٥٠ درهم لليوم الواحد قال احسبها لك بنفس سعره والله يعوضني [emoji23] بيحسسني انه تفضل علي بالسعر وانه خسران لكن شوركم وهداية الله اخذها من المطار مباشره |
اقتباس:
بالفعل اخي هذة اجرآتهم صورة الجواز و الرخصة من شان اول ما توصل تحصل سيارتك جاهزة صورة التذكرة من شان يعرف وقت وصولك وما يتأخر عليك ان تعاملت مع الشمري كار وهذا الي طلبة مني بالظبط |
وانا تعاملت مع مكتب يوسف وهذا اجراءه وصلت وجدت سيارتي جاهزة وعقدي جاهز ودقايق وانا خارج المطار بحمد الله
|
مكاتب الاستئجار خارج المطار ارخص من الموجوده داخله
|
الساعة الآن 04:44 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط