الدخول بعمله المغرب فوق 20 الف درهم
 

كما في العنوان سوالي هل هناك مشكله ؟؟؟

السوال الثاني وش الحل مع حقين الجوزات عند الدخول لازم كل مره نعطيهم اكراميه علشان نعدي !! :maroc (1154):

اهلا كبرياء

الدخول ما فيه اشكاليه المغرب مهما كان المبلغ و يفضل بس تدخل المطار قبل الجوازات تخبرهم عن المبلغ اذا كان زائــد و يعطوك وصل فيه و وقت المغادره حول اي مبلغ معاك لعملة بلدك و احتفظ بالايصال

الجوازات اذا معك اشياء تعرف ان عليها جمرك كبير ما لك حل
لكن اذا بس لتعطيلك خلك بارد و لا تهتم و هو بيطفش و يتركك بالاخير

ياأخي فيه عند الدخول جهاز تفتيش وانت داخل تنزل كل أغراضك من جيبك وتحطها على الجهاز ممكن يشوف الفلوس او يلمسها في جيبك ويمكن يطلب إظهارها
وممكن من مطار بلدك وانت راكب للطيارة يشوفون المبلغ
المهم انها هم وغم وباب مسأله ودوشه وبهذله
خذ معك فلوس بلدك وريح راسك
ولاتتوقع ان الاكراميه دائماً وسيله للنجاه

الجواب من شقين 1قانوني ،وعلى ارض الواقع
قانوني ممنوع دخول او خروج اكثر من 1000 درهم مغربي بمعنى مسموح لك فقط باادخال 1000 درهم .

اما من خلال عشرات الزيارات للمغرب الحبيب فمحد يسألك وانت داخل وش معك عملة ودائما السؤال والتدقيق وقت مغادرة المغرب .
طبعا وانت جاي للمغرب خل فلوسك في شنطتك الصغيرة على كتفك ولو سأل في اسوء الأحوال قله موجود جوازي وجوالاتي فقط لأن التفتيش يكون للشنط الكبيرة

اه مزيان وبنسبة لمغربي بدو يروح على السعودية كم مسموح ياخد من فلوس ولم يرجع كمان على بلادو كم لازم يطلع معه في المطار السعودية و هل في مبلغ محدد او لا وادا مامسموح اخد مبلغ كبير كيف يحول فلوسو من المغرب الى السعودية مع علم انه رايح سياحة بس

اهلين مراكشيــه
بالنسبــه لسعوديه ادخلي بالمبلغ اللي تحبي و اخرجي بالمبلغ اللي تحبي
و اذا بتحولي الامر سهل حتى لو كان المبلغ كبير شوفي عندكم كم الصرف و اسالي هنا كم الصرف و تختاري الافضل

لا يا برق
يجيب الافصاح عن اي مبلغ مالي يزيد عن 60000الف ريال ( 16 الف دولار ) او اي معادن وجواهر تعادل هذا المبلغ عند الجوازات وفي نموذج افصاح تعبيه ..

أولًا الرد على صاحب الموضوع:
قانونًا الحد الأعلى لاستيراد وتصدير العملة المغربية 1000 درهم، والحد الأعلى المسموح له من العملات الأخرى ما يعادل 100 ألف درهم.
أما الإكرامية: فالملزم بها الي مسوي شي غلط، خلك نظامي وماحد بيجبرك تدفع مهما كانت الظروف.

ثانيًا: من ناحية الدخول لدول الخليج وبالأخص السعودية
من ناحية مسموح فهو مسموح، لكن يجب الإفصاح عن كل ما يعادل 60 الف ريال سعودي.
بأي عملة أو معدن كانت. وهذا لمكافحة غسيل الأموال.
محاولة الدخول بمبلغ اكثر من الحد المسموح به دون الافصاح يعرضك للمساءلة القانونية ومصادرة المبالغ.

اه شكرا برق ورامي الغالي على توضيح

اولا شكرا لتفاعلكم الجميل كجمال قلبوكم
ثانيا انا حبيت الكل يستفيد لانه كثر الكلام عن نفس الموضوع .. اختلفت الاراء ناس تقول ماعندك مشكله وناس تقول الف درهم فقط ..
اما بخصوص الجوزات فكل مره يحصل معي امور مثلا يقوم بالسلام عليكم ويتحمد بالسلامه وويبداون بالاسئله التي ليست من اختصاصهم برأي وهذا كله علشان تعطي اكراميه ..
صحيح ان الانسان بمزاجه ان يعطي او لا ولكن اصبح الوضع متكرر وممل للغايه بكل سفره .. سواء عند الدخول او الخروج الكل اصبح يريد مبلغ حتى يضع الختم .. حقيقه للاسف تتكرر اعتقد مع الكل