مزعوط جديد بحاجة لبعض الاستفسارات
 

صبحكم الله بالخير جميعا :

قررت انا وصديقي السفر لمراكش بتاريخ 1 فبراير 2018 ، هذي اول سفرة لنا للمغرب وعندي بعض الاستفسارات

طبعا السفر بيكون بالشتاء ياليت اخذ هذي النقطة بالبال قبل الاجابة

1- الهبوط بكازا واستأجار سيارة من المطار لمراكش مباشرة (رأيكم؟)
2- نجي لاهم سؤال .. لفيت جميع اقسام المنتدى وقريت كثير فيه .. وابي الجواب الفصل والنهائي بموضوع السكن
تنصحوني بـ (الروز قاردن) أو (منوار النخيل) من جميع النواحي نظافة وراحة ودخول الضيوف .. بماذا تنصحوني ؟؟

هذا مايحضرني حاليا من اسئلة ولكم جزيل الشكر

اولاً انصحك باستأجار سياره من المطار وسوقها انت بنفسك لمراكش
لان مراكش الاشياء فيها متباعده والتكاسي استغلال
الطريق سهل جداً مخرج واحد بعد المطار وتمسك الطريق السيار لمراكش
وقوقل ماب على الجوال شغال ممتاز
اهم شي خذ شريحة بيانات من المطار
.
وبالنسبه للسكن انا ماجربت الاثنين
لكن الروز مشهور جداً وسبق ان تحدث عنه الاخوان هنا كثير
الانطباع العام انه ممتاز
ايجابياته امان وتاخذ راحتك
وتعاملهم جيد
عيوبه البعد وبعض شققه مستوى النظافه فيها متوسط
منوار النخيل يفيدونك الشباب ماعندي خبر عنه

استأجر سيارة افضل لك و اريح و يكون فيها جي بي اس توصل لاي مكان بغيتي
روز قاردن افضل من منوار النخيل منوار معاملتهم زبالة عن تجربة شخصية

فهد عطاك زبدة الموضوع كاملة [emoji106]

اخي فهد
بخصوص قوقل ماب هل انت متأكد انه شغال ؟؟
او تقصد برنامج اخر وايش اسمه

السلام عليكم اخي الساطع اولا تشرف المغرب وتنور مراكش بيك وبصديقك.
ثاني شي عندك اختيارين تاخذ سيارة من المطار وتسوق لحالك وعندك حل انك تاخذ سيارة مع سواق لكن لازم تدور سواق ثقة ومجرب من احد اعضاء المنتدى او احد اصدقائك لأنو السواق اذا كان ثقة وامين راح يسهل عليك اشياء كثيييرة.
بالنسبة للسكن الروز غاردن امان حرية مطلقة لكن عندهم مشكلة المقبرة اللي فيه ومشكلة النظافة يعني الفلل والشقق القديمة وسخة اما بالنسبة لمنوار النخيل فللهم حلوة نظيفة بمسابح خاصة وامان بعد.
وفي مجمعات ثانية كثار مو بس الروز والمنوار فيه سكرة في جنة الاطلس في بريستيليا في العنود في سكريت غاردن....

فعلا قوقل ماب ما يشتغل هناك
انا كنت اعتمد على برنامج waze برنامج حلو
مش زي قوقل ماب. لكن بيمشي حاله

السلام عليكم
صباح الخير
Google Maps
هذا شغال انا قبل شهر بالمغرب واستخدمه

صباح الخير أخوي ..

توصل بالسلامة إن شاء الله ..

من ناحية السكن ومن واقع تجربة :

منوار النخيل أفخم وأرقى وأنظف بكثير من الروز ,, شوف الصور للمنتجعين وانت تقدر تحكم

والأفضل أنك تستأجر السيارة وتقودها بنفسك

وإذا ما تفضل القيادة استأجر سواق ,, المهم لا تتعامل مع تكاسي المغرب