مزعوط مستجد وهواجيس السكن

مساكم الله بالخير
انا قدر الله علي وحجزت للمغرب يوم الجمعه 6 أكتوبر مع 2 من الاصدقاء ( مزاعيط مستجدين ايضا)
حجزنا وامورنا تمام لكن باقيلنا السكن
صراحة الوسطاء والسماسر غير واضحين جدا وعروضهم مبهمة وهذا شي مقلقني جدا
لقيت باسعار تتراوح مابين 3500-4500 فلل خاصة وبمنتجعات ومستوياتهم متوسطة وليست راقية
لكن اللي ماني مرتاح له عدة أمور :
1- الصور ليست واضحة وقليلة ( لدرجة واحد منهم ارسلي كم صورة وحدة من الصور لغرفة لتصميم 3D وواضح انها غير واقعية)
2- اماكنها غير محددة ( مثال : اسئل الوسيط يقلي على طريق وزازات ، طريق فاس ، الخ ... ) ويتجنبون ارسال اللوكيشن او اعطاء وصف محدد.
3- كلهم يراهنون على موضوع الامان وانه هو اللي مزبط الدرك وغيره يأجرك ويبلغ عليك ثاني يوم .
4- العربون اللي تدفعه للحجز وعدم وجود ضمانات لك كطرف ثاني.

هل يوجد طريقة فعالة لحجز سكن نظيف ومقبول بسعر معقول وبوضوح تام ؟
واقدر اخليها ليوم الوصول واروح ادور واسكن مباشرة ولا ماينفع ؟
ماكنت ادري ان السفر للمغرب مرهق ومتطلب لهالدرجة
اتمنى لكم وقت سعيد

هلا اخوي

بخصوص السكن انت بإمكانك تنزل المغرب وتشوف السكن بعينك ويعتمد على المنطقة اللي راح تنزل فيها
على العموم حاليا الفلل متوفرة والاسعار تكون نزلت انا نصيحتي اذا اول مره حط كذا سكن في بالك ولا تحجز وروح وشوف بعينك واللي يعجبك خلص معاه بس حط بالك لا تدفع المبلغ كامل مدة السكن ادفع كل يومين او ثلاثة لان ممكن ما يعجبك السكن وتغير بس اذا دفعت المبلغ كامل صعبه ترجعه اذا بتطلع

تحياتي وسفرة سعيدة

على طاري سكن في مراكش بذات سكن محدود مع انه مفروض تكون الخيارات كثيره والمشكله اربع خمسه اماكن وكل واحد له سلبيات وإيجابيات مدري متى تنحل هل ازمه اكثر مشكله تواجهني صراحه