مسافر للمغرب 1 نوفمبر احتاج مساعدتكم

صراحة، اسوء شيء بهاذا المنتدى انك تستفسر اي مدينة تروح، ما يمسكونك جادة ، واحد يقول اغادير و الثاني يقول طنجة و الثالث يقول مراكش، وكلن على ليلاه يغني

اتمنى تكون ردود الاخوان عقلانية شوي وفيها شوي منطق !

5 ايام بالله وش تكفي اذا بيروح للديار اللي فوق، يوم بيضيع رايح و يوم ثاني راجع فيها لمطار لكازا، وش بقى في الرحلة ؟ 3 ايام ؟

عجبني رد واحد من الاخوة يقول خل مصروفك اليومي 2500 ريال، على ايش 2500 يالحبيب هو رايح للمغرب او لاس فيغاس يلعب قمار، مالها الا تفسير واحد يا هو غلطان بالرقم او مضحوك علية في المغرب

مداخله بسسسسيطه ع السريع اشوف المبلغ حلو ومتوسط يعني تنبسسط ع كيف كيفك في اليوم و هذا اذا انت لحالك وساكن بفندق ومعك سياره رايقه وسهران وماكل وشارب يعني مريش عمرك
2500 * 2.5 تقريباً
المجموع = 6250

الفندق 1600
السياره 1600 من عند الحبيب يوسف بعد الخصم
غداء رائق طواجن طبعاً 300
اممممممم عشاء بحري 600

مفرقعات مابين الوجبات مثل وقت التمشيه والفرفره 200

سهره على طاوله محترمه تقريباً 5000

المجموع = 9300

هههههههههه طلع المبلغ اعلى مو شرط تسهر كل يوم


ويمكن ماتكفي

هذا كله من غير الأشياء الخاصه ماحب أتكلم فيها (الطيور)

هذا اتوقع مصروف يوم رائق ومستانس وبلحالك وللعلم مرات يزود والبعض يفهمني


فيه الان خطين سير

الاول
يوافقني ويقول نعم شاري راحت رأسك وجاي تبي تستأنس والمبلغ معقول
وهذا للي يبي يعيش جوه وجاي يقضي اجازه يرتاح نفسياً


الثاني

مدرعم وأول كلمه يقولها مضحوك عليك يابابا

المعلومه تقدر تعيش بالمغرب تاكل وتشرب وتنام ماتتعدى 1000 درهم مغربي يعني بالريال تقريباً 500 اتوقع
لكن انت جاي تستأنس ولا جاي تنقط على نفسك وتقتصد في وناستك
لذلك انا مع الخيار الاول وبقوه

ممكن شخص يكون له أصدقاء هناك وينشب لهم ويغثهم من باب الصداقه ويقدر يستأنس بمبلغ اقل بس يكون ناشب لأصدقاء هناك وانا ماحب هالشي ممكن تبات يوم يومين عند صديقـ / هـ لكن كامل سفرتك ماضن حلوه لو ما حسسك هالشخص بحاجة لذلك عز نفسك ولا تسافر للمغرب الا ومصروفك محترم

او اختصر وسافر ديره قريبه انبسط يومين وارجع




يالربع اسف درعمت ومسكت خط وبدون ترتيب العذر منكم لكن تأكد راح تلقى راحتك في زواياء الحكي الي قلته

لكم ودي

بالمناسبه الي يقول خمس ايام مع الذهاب والاياب

احب أقوله أمسك ارضك ولا تروح لأنك ماراح تلحق تتنفس وتدخل في جو السفره مو معقوله ثلاث ايام وترجع دربك اشوف انها اهانه للنفس وقهر

أمسك ارضك وإلا تروح الا وانت حاسب حسابك لمده اسبوع من غير ايام السفر هذا على اقل تقدير عشان ترجع وانا راضي نفسيا عن سفرتك

وانا راضي = وانت راضي

اي والله عناي انتا ميه ميه كلامك كلام مايتكلم فيه الا المعلم الي طاح على راسو
https://youtu.be/KtMWNieqMD0

ماشاء الله يابو 9300 والله يا انت قوي مررره ،
هذا وانت خبير، اجل وش نقول للي توه طاب بالديرة ، بعذر الاسعار ترتفع كل مررره
عموما يكثر خيرك على هالمعلومات القيمة يابو مفرقعات من هنا و هناك

ههههههههههههه

لا الا رفعت راسي وانبسسسطت

عشان كذا صنفت البعض الصنف الثاني

يب تبي تنبسط ادفع وأستأنس

والمتفرقعات الي هنا وهناك مايعرفها الا ناسها

خلك على البحرين ارحم لك

فيه نقطه مهمه بعض الناس يفكر اي شخص يقول مصروفه الكل راح يكون مثله وهذا غلط
والمثل يقول مد رجولك على قد لحافك


مثلاً

انا أسكن بفندق قيمته 1600 درهم من غير دخول الضيوف والسبب اني احب اسافر لحالي وارتاح نفسيا بالفندق

انت ممكن تسكن في شقه قيمتها 500 درهم


انا اركب سياره قيمتها تقريباً 1600 درهم


انت ممكن تركب هونداي قيمتها 300 درهم وعلى فكره جربتها يوم


انا احب الاكل المغربي والمعجنات الإيطالية والاكل الشرقي وهذا كله تلقاه بالمولات او ع الشاطئ


انت ممكن تتغدا وتتعشى وتفطر معلبات تجيبها معك من الديره



انا يومياً أسهر ومعي ضيوفي واتوقع تكلفه السهر بالميت والمعرفه والتوصية تتراوح الطاوله من 3000 الى 4500 درهم وياكد على كلامي الناس الي تعرفني بالمنتدى
وممكن تجي انت تأخذ نفس الطاوله ضعف المبلغ وهذا يعتمد على المعرفه



انت ممكن تسهر 200 درهم قيمة مشروب


وقيس على ذلك أشياء كثيره


انا يمكن اختلف عن مصروفك حتى داخل الديره لذلك كل شخص وله لَبْس يلبسه




الكلام هذا ماقوله تعالي او مهايطه والعياذ بالله
لكن انا إنسان كذا احب أمتع نفسي بعد تعب وضغوط عمليه مده معينه


بالنهايه انا كتبت الحكي القديم من منظور عناي حبك وكيف صرفه


ماكتبته لفلان وافلان عشان يحرم نفسه لا يركب او يأكل او يفرفش لذلك قبل تنتقد كلامي او شخصيتي فكر بمقاسك وصرفك انت




مداخله
فيه ناس اعرفهم صرفهم باليوم يتعدى 20000 درهم بالله وش تقول عنهم
مجانين؟؟؟

بالعكس حريه لهم وشارين راحة رأسهم وقلبهم

تقبلوا كل ودي

خمس ايام ميمديك تسوي شي والرباط وكازا صعبه عليك من اول سفره روح عل طول للمراكشش واسكن بالروز ولاتطلع منه فيه كل شي لانه اول سفره لك ومدت سفرتك قصير افض حل