شراء شقة بالمغرب موضوع لم يأخذ حقه

السلام عليكم ورحمة الله وبركاته

ماهو نظام اللي يريد ان يشتري شقة ؟

وهل هناك شقق بنظام ((الاقساط ))وتكون جاهزة ؟

اتمنى من لدية معلومة عن شراء الشقق بنظام الكاش او الاقساط يضيفها هنا

ممكن عن طريق البنوك المغربيه وعن طريق شركات بس شرط تحول راتبك لاحد البنوك المغربيه اللي تختارها ويطلبون منك بعض الاوراق كصحيفة الادله الجناءيه تعريف من العمل مصدق بوزارة الخارجية

واذا تبي تشتري كاش عن طريق شركات زي العمران وغيرها او وكالة عقاريه بس انتبه اذا تبي تشري كاش حول فلوسك نظامي من بنك في بلدك مثلا السعوديه بعد ماتفتح حساب في اي بنك فالمغرب وخلي تسليم المبلغ للشركه عن طريق البنك فالمغرب وبحضور موثق عقاري مصرح يقوم بدوره تسجيل الشقه او العقار باسمك لدى الجهات المختصه فالمغرب . وانصحك اولا تسافر المغرب وتفتح حساب وتشوف وتحول فلوسك رسمي من بنك فبلدك الى بنك فالمغرب عشان اذا جيت بتبيع تقدر تحول فلوسك لحسابك فبلدك مره اخرى ولا تشيلفلوسك معاك وتدفع كاش ماتقدر تحولها بعدين لحسابك فبلدك واي استفسار ابشر

مشكور اخي كرم ولكن بحثت في طنجةً عن شقق بنظام الاقساط لم اجد شركة .. هل تعرف شركة تبيع شقق جاهزة بنظام الاقساط في طنجة ؟؟

لا والله بس انا متقاعد وساكن وفي اغادير وسالت فالبنوك وفضلت اشتري كاش لقيت الفايده كثيره عن طريق البنوك ودفعه كمان والشركات اعتقد فالمغرب ماتقسط الا عن طريق البنوك

يوجد شركه بالمغرب اسمها اذا ماكنت انا غلطان cgi شركه كبيره الحكومه تتملك فيها نسبه عاليه (ثقه )
عندهم شقق بجميع انحاء المغرب و مستويات من السكن الاقتصادي الي السكن الفاخر بالتدريج و الاسعار مناسبه نوعا ما ..
عندهم مكاتب بجميع انحاء المغرب
نظام الدفع في حال السكن في طور البناء 15% دفعه اولي ... بعد ست شهور 15% ..... الدفعه الثالثه 20% تكون دفعت نص المبلغ .... باقي المبلغ يدفع عند التسليم ممكن بعد سنه او سنتين علي حسب الاتفاق و انت تتصرف بالباقي سواء استلفت عن طريق بنكك بالخليج ودفعت الباقي وتكون الشقه كاش و ممكن تدخل مع البنوك المغربيه بطريقه الرهن العقاري او ظمان راتبك علي حد علمي
يكفي انك اشتريت من الحكومه المغربيه يعني ما تخاف ينصبون عليك او احد يلعب معاك لعبات وانت ماتعرف نظام البلد ميه ميه
واذا تحب اعطيك رقم تلفون الشركه تتواصل معاهم كلمني بالخاص
✋

اخوي فيه اكثر من شركة مثل الضحى و العمران و السعادة... بس مشكلة هاذي الشركات ان سكنها اقتصلدي ( يعني جحر) و موجه للمغاربة متوسطي الدخل ، بس لهم بعض المشاريع يوفرون شقق كبيرة المساحة، والفكرة انك تروح للشركة و تشوف الشقة يطلع معاك المؤطر و ياخذ التسعيرة و تتجهون للبنك و يقوم البنك بتوقيع اتفاقية تقسيط معاك ( طبعا تختلف القيمة الاجمالية حسب البنك و الدفعة الاولى و القسط الشهري) يقوم البنك بتحويل كامل مبلغ الشقة الي الشركة المالكة و يصبح العقار باسمك لكن مرهون للبنكحتى سداد كامل المبلغ ( تمتد الاقساط الي 25 سنة)
النصيحة : عند الشراء و عدم الاقامة الدائمة في المغرب انصح بتأجير العقار المشترى عن طريق محامي بحيث يتم تحويل قيمة الايجار المستلم الي البنك.

وبالنسبة لطنجة شف هالمشاريع يمكن تجوز لك
Appartements économiques Dyar el boughaz à Tanger - Les Espaces Saada

https://kulshe.com/95/ads-1/1/

تجربتي شريت كاش شقة 3 غرف نوم و طالة وبلكونتين ومصعد و مواقف سيارات بالقبو وبناء حديث تكييف و تسخين مركزي، مساحتها 163 متر في حي الحمرية وسط مكناس بمبلغ 2 مليون درهم ومع المكاسر و حب الخشوم شريتها بمبلغ اجمالي 1,850,000 درهم (كان سعر الصرف 2.1 درهم للريال) ومأجرها من 4 سنوات بمبلغ 4500 درهم شهريا لمقيم بلجيكي. بعقد يتجدد سنويا.
الفكرة ان العقار في المدن المغربية و خصوصا في وسط المدينة اعلى من السعودية بمراحل يوصل لـ 10 الاف ريال للمتر