مسافر لأول مره الى مراكش بلا تخطيط

السلام عليكم

وصباحكم ومساكم ورد ع حسب قراءتك للموضوع������

والله مير يحيني في منتداكم ������
؛
قبل كم يوم كنت اتصفح في مواقع الطيران وقلت بشوف ديره ازورها يومين اغير بعض الاجواء
وتوهقت وحجزت ع المغرب
اقصد يدون تخطيط او شيء حجزت ودفعت التذكرة
وانا ماعمري زرت المغرب

والسفر بعد اسبوع تقريبا

وصراحه ما ادري وين اروح او وين ازور وهي كلها خمس ايام
قلت بما ان وصولي الى كازا وهي مدينه سمعت انها مدينه تجارة واعمال وزحام
اشوف مدينه اخرى ازورها وتكون قريبه

ناس قالوا روح مراكش
ولأجل كذا جيت بوابة مزاعيط مراكش عشان اتزعطط معاكم ������

؛
؛
اسئلتي <----يا ابو اسئلة يا أنا :maroc (1123):

؛
وش الأماكن اللي اقدر ازورها في مراكش
سمعت عن جامع الفنار مدري الفناء
وحدايق ماجرويل
والفنار
والمدينه القديمه
هل هناك اماكن اخرى تستحق الزيارة
اماكن طبيعيه مناظر جماليه
جبال او شلالات قرب مراكش اذا كانت فيه ،،
صراحه
انا مالي بجو السهر ولا شيء حتى الطيور مالي فيها
لأن انا زي المسبحه تفرط بسرعه اخاف اصير بالقفص والطير يسرح بالفضاء������������ ������
عشان كذا
اللي يقدر يفيدني كيف اقضي رحلتي القصيرة الى مراكش
مبدئيا
الوصول كازا الصباح وع القطار باتجاه مراكش وقضاء اربع ليالي
والعودة الى كازا ليلتين والعودة
رحله وحداني������ بدون وفيق☹️
وسؤال
عن السكن وين افضل اماكن للسكن
قرأت عن شيء اسمه الرياض
وش يعني الرياض وهل السكن فيها كويس او فندق
وعن افضل المطاعم والكافيهات ...؟
لو احتجت سائق لمدة يوم واحد لزيارة المعالم خارج مراكش هل هناك سايق ثقه لديكم ،،؟
؛
سؤال بعد
بالنسبه للعمله هل اصرف من السعوديه او المغرب من المطار
الدفع في الفنادق بالعمله المحليه او بالسورو لان في بوكينق الاسعار باليورو ،،؟
؛
؛
افيدونا ببعض من خبراتكم ولكم ألف ورده تنبت على محياكم ����������������� ��������

طاب يومك اخي الفاضل
ياريت تحط تاريخ سفرك

اعتقد اذا مالك فالطيور و السهر
غير الوجهة من مراكش الى طنجة
وانت رايح طنجة اقضي يوم في أصيلة و الْيَوْمَ الثاني كمل الى طنجة اجلس ثلاث ايام في طنجة روح تطوان ومن تطوان ارجع عطول كازا
في كازا استأجر في شارع الزيراوي ( مكاني المفضل )
في طنجة أخذ شقة جنب ماك سعرها ٥٠٠ الى ٧٠٠

استأجر اكسنت ب ٢٠٠د او بالكثير ٢٥٠ د
القيادة ممتعة بالمغرب ،،

الاسعار و العملات في بوكينق تقدر تغيرها الى العملة اللي تناسبك ( مو شرط فقط يورو )
.
بالنسبة للرياض هو سكن قديم على الطراز المغربي داخل ازقة بعض الاماكن في بعض المدن

و لكن الافضل تاخذ فندق
.
انصحك تزور اوكيمدون و اوريكا 60 كيلو خارج مراكش
رح لقسم مراكش هنا بالمنتدى و بتلاقي معلومات اوفى و افضل

اسكن في فندق ايبيس

فندق مظيف جدا وسعره مناسب كالما ان مالك بالسهر والطيور

يوجد له فرعين بمراكش واحد ملاصق لمحطة القطار والثاني طريق كازا

وتحلصه في بوكنيغ

رحله موفقخ اخوي

أستأجر سياره أحسن لك و ريح اول يوم في كازا و اذا صحيت اليوم الثاني بدري على قولتهم النهار له عيون ، و التقارير كثير عن المغرب يعني بتعرف اي تقرير يناسب جوك و تتماشى معه ، و اذا انت مو راعي سهر و خرابيط اعرف انك بتقابل أحسن ناس و أحسن تعامل بالمغرب و رح تستمتع و بتكون رحلتك غير مكلفه ، و افضل شي توجه شمال لان الاّجواء فيه هالأيام حلوه جدا عكس مراكش حر و مراكش ممتعه ايضا و أتمنى لك رحله سعيده .

و اذا انت شايل هم انك لحالك ترى قبلك شلت نفس الهم و بعدها ضحكت على نفسي الحين اكثر رحلاتي لها لحالي و احس أني نازل في ديرتي

ياويلك ويلاه وش سويت بنفسك
عزالله بتروح فيها وبتضيع علومك
هذا المغرب الجمال كله
وأما قولك مالي بالسهر والطيور
اظمن لك راح تسهر وراح تنصاد وترجع عاشق
لكن اسمع خذ دراهمك سعودية وحول من بنوك المطار لاوصلت كازا
وخذ لك سيارة صغيرة اكسنت وانت لحالك
واحجز عبر بوكينق فندق باليوميه وتمشى في كازا ولا مانع تروح حواليها أو شمالها لكن لاتبعد كثير
من طنجة وماحولها وجاي وأستأنس بالمشاهد وترجع بسلامه

__________________
ليت لي من عناء البعد راحه
يابهجة الخاطر وكثر الأمنيات

اهم شي خذ لك سيارة ايجار لاتبهذل نفسك مع السواقين والقطارات والتكاسي واطنخ من رأسك وين ماتروح والمكان اللي يعجبك أقيم فيه
ترى كازا ومراكش حلوة
الشمال طبيعه وكذا لكن يمكن ماتعحبك كثير الا اذا تحب الطبيعه

__________________
ليت لي من عناء البعد راحه
يابهجة الخاطر وكثر الأمنيات

هلا فيك اخوي الكريم

في طنجه وش ممكن ازور ؟
انا اخترت مراكش لقربها وكثير نصحوني ان بمراكش طبيعه وفيها معالم سياحيه بالمدينه وقريبه من كايمدن مدري كذا اسمها وسيتي فاطمه
؛؛

اهلين اخوي

انا بصراحه جوي جو طبيعه واماكن خضراء
وسمعت ان اوريكا فيها شلال واجواء جميله واقرب شيء لها مراكش
وان سيتي فاطمه ع الطريق فيه نهر ومقاهي جميله
اما المتاحف ما احبها وقرأت ان فيها متاحف ومباني تاريخيه في داخل مراكش
خل معنى استأجر سيارة لمدة يوم واحد وازور اوريكا وسيتي فاطمه و اوكميدون

؛
ما خاب من استشار
والآن البعض ينصحني اغير الوجه الى طنجه
؛