افزعولنا ي مزاعيط مراكش

.
.
.
.
.
.
.


السلام عليكم

واسعد الله اوقاتكم بكل خير / ابي فزعتكم ي المزاعيط انا رجال مسافر مع اخوياي المغرب بدايه ديسمبر ( ادري تقولون هذا باقي ع سفرته شهرين ويسأل ) تعرفون الاحتياط واجب وانا اول مره اروح للمغرب وودي اسالكم عن منتجع نصحني فيه اكثر من شخص
اللي هو ( الروز قاردن ) انا قريت عنه ف المنتدى اغلب الناس يشتكون من النظافه والاسعار بس ابي اعرف رايكم هل تنصحوني اسكن فيه واتجاهل الاشياء السلبيه هذي يعني هل يسوى الروز قاردن الواحد يسكن فيه وهو مرتاح لا وجع راس ولا شي


اعذروني ع الاطاله ومشكورين مقدما (:

هلا بك انس

التقلبات في المنتجعات وارده
مثل ما صار في بابليون و النخيل
و الان الكلام عن اماديل في اغادير
يعني ممكن اللي نمدحه لك اليوم
يتغير خلال الشهرين
و ممكن اللي نذمه تتعدل اموره و يكون
وقتها هو الافضل

انت دور و ادخل ع المواضيع
و لا تحجز الا قبل سفرتك بـ 10 او 15 يوم

و بالتوفيق مقدما

هلابك أنس

نفس التوقيت بإذن الله مخطط على سفريه بداية ديسمبر وأول مره أزور المغرب ومشتاق ومتردد في نفس الوقت لاكن على قولتك باقي شهرين ولو بحثت في المنتدى راح تستفيد من المواضيع المطروحه . وأشكر كل القائمين على هذا الصرح الجميل على الابداع والتفاعل من الاعضاء الكرام . وبالتوفيق لك اخي الغالي

هلا وغلا اخوي اشرف

صحيح مثل م قلت لكن بعض الاماكن لها سمعتها الثابته اللي تريح الواحد مهما صادفه من ظروف اثناء سكنه
بس المشكله انا اول مره اروح للمغرب و ودي اسكن بمكان يكون مريح من جميع النواحي

ع العموم اشكر لك مرورك وما قصرت

حياك ي ابو راكان

والله كثير خوفوني من الفتره بس متأمل فيها خير هالسفره يعني ان شاءالله بتكون تجربه حلوه
الله يسهلك امورك وغمض فتح خلصت الشهررين هههههه

اسكن فيه منتجع جيد جدا اعطيه 8من 10

الروز قاردن مب سيء من ناحية النظافة بالعكس اعطيه 7 من 10 وبالنسبة للأسعار تقريبا مشابهه للمنتجعات الي على مستواه بس يعتمد تبغى شقة او فله وكم غرفة تبي
وانا انصح فيه او في سكره بيتش بحكم الأمان للضيوف موقع المنتجعين هذي تابع للدرك الملكي وليس لشرطة مراكش لأنهم برا النطاق العمراني للمدينة وكذا تعتبر أكثر أمان
حتى الروز قاردن كان وضعهم ممتاز وقت المداهمات الي صارت بعد عيد الفطر يعني حط في بطنك بطيخ صيفي وأي خدمة تبيها كلمني خاص

ابعد عن الروز جاردن ماعرف ليش العالم تستأجر في ياشباب تراهم استغلالية واسعارهم نار اروح اسكن في جليز أرخص بكثير

اتفق معك
الحياه في جليز متعه خاصتا لاصحاب الخبره في مراكش

الشباب يبحثون عن الامان واللي اول سفره له مانصحه في قليز