( الفضفضه الاردنية )

السلام عليكم ورحمة الله وبركاته
صباح / مساء الخير
فالبداية من عادتي الغريبه نوعاً ما اني ابحث بعنف قبل سفري بفتره طويله عن طريق الشيخ قوقل او عن طريق المنتديات او احد الاصدقاء .. اخطط واسأل عن كل حاجه واسجلها فالملاحظات حتى لو ماهي مهمه ! ( ابلشتهم ) لدرجة احسست اني قد زرت البلد ومن سكانها واعرف مداخلها ومخارجها وانا لما ازرها ،، واذا حان وقت السفر واقلعت الطائرة ضاع التخطيط والترتيب وكل شيء سجلته ! كسول و جداً فاشل في التخطيط ( عشواي ) ..
لاحظت التقارير والمعلومات فالمنتدى عن العاصمه عمان والاردن بشكل عام ( شحيحه ) رغم انها من الدول العربية السياحية ولها عشاق ..
كل الشكر والامتنان للاخ الغالي TARIQ SS ع نصايحه وتوجيهاته ادري ابلشتك وثقلت عليك لاكن اعذرنا .. < ياحبني لكم يالقصمان
طبعاً الهدف من الرحله علاجية ومنها تمشيه ٢ في ١ .. افراد الرحله تعذر خوي الطرقه وقررت اروح لحالي احلالي < ايه هين بياكلك الخلا لحالك ..
اليوم كان موعد السفر من مطار الملك عبد العزيز جده على طيران النقل الجماعي عفواً قصدي ناس طيران فاشل لاتكييف بارد اعتقد بل اجزم مشغلين مروحه رقم ٢ لا شاشات لا راحه في الكراسي ضيقه جداً الوجبات والاكل بفلوس الكابتن احس كان سواق تريلات سابقاً خض بطونا وفجع الاطفال ( اول واخر مره احجز عندهم ) اغروني بعرضهم الخرافي ذهاب وعوده ب ٧٧٠ ريال والخطوط السعودية ب ١٢٦٥ ريال الحمد الله الرحله مدتها ساعتين ولا صارت علوم ..
تم الاقلاع الساعه ١٢:٥٠ م الوصول مطار الملكه عليا الساعه ٢ ظهراً بتوقيت الاردن صراحه مطار جميل مرتب ومنظم ماحصللي اي مضايقات او طلب اكرامية .
مريت ع مكاتب تأجير السيارات منها شركة بدجت المشهوره كنت بأخذ سياره لاكن للأسف رخصتي منتهي تاريخها وماجدتها قايلكم كسول حاولت بشتى الطرق استأجر لاكن رفضو المكاتب ( شو هاظ يازلمه بدك تورطنا مع الشركه ) يالله مالنا نصيب الله يصبرنا ع التكاسي ..
طلعت خارج المطار لمواقف التكاسي بكم المشوار لشمساني قال ٢٥ دينار بعد المكاسر ٢٠ ركبت معه وقفنا عند محل صرافه اسمه ابو شيخه معروف في عمان وصرفه افضل من العمودي الي بمطار جده صرفت ١٧٠٠ ريال ب ٣٢٠ دينار طبعاً الدينار = ٥.٣٠ ريال العمله الاردنية عاليه لاكن المعيشه والتنقل مبداياً ماتعتبر غاليه بالحيل .. شفت بجانب الصرافه محل اتصالات طلعت شريحه زين ٤ قيقا نت و ١٠٠٠ دقيقه مكالمات خارج الشبكه وداخلها مجاني ب ١٥ دينار .. ع حسب كلام البايع زين الافضل في التغطيه والنت .. خرجت من المحل ع اساس مخطط الفتره كامله بسكن بالفندق الي حاجزه عن طريق البوكينق قبل شهر ولاكن غيرت رائي في دقيقه والسبب موقعه ماعجبني طبعاً الحجز بدون فيزاء الدفع كاش فالمكان.. حجزت في فندق اسمه شام بلازا غرفه مع وجبة الافطار اليوم ب ٤٠ دينار فندق متواضع مصنف ٣ نجمات موقعه استراتيجي قريب للعياده مشي ٥ دقايق النظافه تمام التمام ..
نزلت شنطتي و اخذتلي غفوه سريعه صحاني الجوع تمشيت على رجليني لاستكشف المنطقه القريبه من الفندق تذكرت مبارة الهلال قلت لازم نتابعها بالصدفه وانا اتمشى لفت انتباهي مقهى هادي اضاءته خافته ديكوره وتصميمه اكثر من رائع خلاني ادخل المقهى لا شعورياً بالمناسبة مقاهي الاردن اعتقد افخم وارقى مقاهي شفتها في الدول العربية خطيرين في التصاميم .. جلست طلبت شاهي نعناع و شاورما و ببسي ومويه ب ٦ دنانير حاسبت وطلعت الاخلاق تجاريه من الهلال وتعثره قدام نادي مهزوز لاكن الجايات افضل ان شاء الله ..

فحمت نكمل في وقت لاحق ..

تصويري المتواضع ..

جميل أخوي منساب .. سلمت اياديك ..

كانت الأردن محطة عبور لـ سوريا ولبنان قبل الربيع العربي لذلك اغفلنا الإقامه في هذا البلد الجميل و التعرف على معالمه التاريخيه .. متشوق للقادم .. وهاردلك التعادل .

الاردن ما بداهاش تزبط يا زلمه
سعر الدينار٥،٣
وسعر اليورو ٤،٤
ابو شخه كما نسميه افضل صراف
لو سافرت بريطانيا ارخص لك من الاردن
صحيح الاردن قبل الربيع العربي
محطة عبور فقط
من وجهة نظري الاردن ما فيها اي شي يدعى لسياحة غير جوها الجميل
شبكة زين الافضل بالاردن
بالتوفيق برحلتك
وبانتظار باقي الفضفضه

شكرا لك على نقل تجربتك وفعلا نحن بحاجه لتقارير لدول كثيره مهمله مع انها لها شعبيه سياحيه كبيره
اهم شي لاتطول علينا يالامير

عجلون .... ام الينابيع
ذكرياتي كانت هناك

شكرا منساب ... بإنتظارك

__________________

ما فيه احد صدمك بالسياره والا ما قلت ذكريات
يشوف سيارتك جديده وفخمه يقول هذا صرافه تمشي
يصدمك ويتبلى عليك من شان تعطيه الف دينار

صار معاي موقف لا احكيك لك
فجاه وانا ماشي بالطريق السريع الا سياره بجنبي صدمتني وقفت ونزلت سلامات الا اثنين زعران ولك يا زلمه ما تشوف < انا والا انت اللي ما تشوف
المهم قلت ما فيه شي وجت سليمه
قال يازلمه شوف المرايه والمرايه قيمتها السعر الافلاني
واطالع المرايه ما فيها شي
قال يازلمه بدك تدفع الف دينار
قلت ابشر بس اتصل على صاحبي يجيب معاه المبلغ
اتصلت على قريبي ( بالاستخبارات الاردنيه)وقلت السالفه هيك
قال اعطيني ياه وكلمه وقلبت السالفه اه يا سيدي
وبعد المكالمه ركب سياره وهج
اااخ بس نسيت اصور اللوحه☹️
قال بدك تدفع قال

ما اقول الا يا حليل المغرب بس

يقال انه شعب نفسيات
..

.

ااولا ماتشوف شر واالف لاباس عليك
وان شالله سفره زوينه فبلد االنشامى
والصور روعة كثر منها

في انتظار الجاي

__________________
.


الوقت الذي تستمتع باضاعته ، ليس وقتا ضائعا

السوال هنا! هل الجنسيه المغربية مسموح لها الدخول الى الاردن؟