زعطه مغربيه لا كانت على البال والا على الخاطر ,, وحضور زواج مغربي

تقرير جميل سجلني بالمتابعه يالأمير

شوقتني وشديتني اعرف شصار معك
بانتظااارك

متابع يالحبيب

__________________
الشجر يموت واقف

سجل واحد نفر متابع

الله يسلمكم جميعا وممتن لمشاعركم الطيبه

المهم نكمل لكم جزء من التفاصيل
بعد ماصحيت من النوم طلعت نزلت صوب قوس النصر وركبت باص وعلى المطار وديني

اجرائات سريعه كالعاده كان فيه شوية زحمه خلصت وع الانتظار وجاء موعد اقلاع الطائره وطلعنا وبسم

الله ركبت طبعا مقعدي على الممر والمقعد الي جنبي فاضي والي وعلى النافذه فيه واحد نفسيه

اشغلني انا ابي انام وهو كل شوي يقوم طلبته ابدل معه مقعد رفض كل ربعه ساعه يقوم كلمت

المضيف قلت ياخي شف لك حل مع هالنفسيه اشغلني كلمه بطريقه وديه قال بدل معه قال لا طيب

لا تقوم كل شوي قال لا اشغلنا المهم اني فكيت الطاوله وعطيتها نومه وسحبت عليه وقلت له لا فيك خير صحني هبطنا تقريبا بعد 3 ساعات في مطار كازا عبيت كرت الدخول في الطائره وحرصت

صراحة ع القلم واني اعبيه بشكل صحيح مابي اوقع في مشاكل مثل المره السابقه

المهم وصلت عند الحبايب حقين الجوازات وكالعاده يوزعون ابتسامات الخبث طنشتهم وختم جوازي ودخلت

كانت النيه استاجر سياره بس الرخصه ضايعه حسب الله على من ضيعها تواصلت مع السواق وينك قال

باغادير قلت وشو !!! انصدمت انا قلت ياهوه الله يخرب بيتك مخبرك اني باجي قال والله ظرف طارئ

بروح أخذ سياره للوكاله وراجع قلت الاغراض وصلت قال باقي واذا وصلت اخوي بيستلمها ويجيبها لك

قلت ياخي الاغراض باسمك وشلون يستلمها اخوك قال مافيش مشكل بنتصرف ,, قلت حسبي الله

بتنكبنا انت المهم اني تجحفلت

اخذت شنطتي وبسم الله بدات المغامره مع حقين التكاسي حصلت لي واحد قلت عين ذياب قالي 700

والي يقول 400 والي يقول 600 يستهبلون حصلت شايب هناك قالي 300 قلت بعطيك 200 قال

علاش ياولدي انت شحيح قلت ماني شحيح توكلنا على الله بس قال مشينا ونحرك التاكسي تبعه كان

جديد وهذا شيء جيد سالني من وين قلت سعودي يالغالي قال انا بحبكم بالزاف قلت وانا اموت

عليكم قال والله احبكم قلت الله يسلمك كل شوي يعيدها قلت وش سر هاالحب طلع الرجال حاج قبل

خمس سنوات يمكن وتعبت امه ومودينها المستشفى ومسوين لها عمليه بالمجان وشايلينها وخلوها

تكمل الحج ومعها ممرضه وطبيبه وهو مرافق هو مستغرب يقول لو اني هنا كان ماقدرت اسويها لامي

قلت لا بالمجان يسوونها للحجاج عادي وهاذي خدمات بسيطه ماشفت شيء وتعافت شعرت بالفخر

للامانه بوطني وأنبسطت قلت الحمد لله اني طحت ف واحد يحبنا والسمعه زينه المهم قلت له دبر

لي شريحة اتصصالات وانترنت ,, وقف واشتريت وحده وعبتيها بميتين درهم

وصلني الفندق وحاسبته قلت هات رقمك اذا احتجتك بدق عليك قال اي وقت تبغاني عطني نمره قبلها

بخمسة عشر دقيقه واجيك قلت انتهى دخلت فندق السويس حصلت موظف لابس نظارات قلت عندي

حجز قال مرحبا بيك جوازك عطيته جوازي قال سعودي قلت ايه قال ممنوع الضيوف طبعا انا اناظر فيه

كذا واضحك صراحة ههههههههه

كان ودي اصقعه على وجهه بالجوال واضحك واناظر فيه واقوله الحين المفروض تقول الحمد

لله على السلامه اهلا وسهلا تفضل نورتنا تجي تقول ممنوع الضيوف قلت طيب لو اني فرنسي مثلا

الضيوف مسموح ولا من اي جنسيه اوربيه بتسمح لهم صح وغصب بعد ولا عشاني سعودي بس بعدين

وش عرفك اني باجيب ضيوف قام يتبلكم قلت تعلم كيف تستقبل الزوار ضحكت الموظفه الي جنبه

قامت بترقع السالفه المهم اني هزاته شوي جات الموظفه عندي قالت ماتزعل قلت يابنت الحلال

ضيوف مين ماهو وقته هو والضيوف الحين هات بس المفتاح وخليني اطلع اريح ميت تعب المهم

حاسبته ودخلت لحقتني الموظفه قالت ماعليش اذااحتجت شيء انا ادبرك قلت تسلمين وعطتني رقمها

ومشيت ريحت ابو ساعتين كذا وقمت لبست وطلعت ميت جوع دقيت ع راعي التاكسي قلت ابي أكل

جوعان قال ماكدونالد قريب منك قلت اعرفه بس مابيه قلت لا ابي شيء بلدي قال جايك ,,

يموتون في شيء اسمه ماكدونالدز يقدرونه تقدير فظيع المهم اخذني الرجال ووداني مطعم بالبلد

عليه طواجن فظيعه قلت تعشيت قال لا قلت انزل معي الي تقول عنه شحيح بيعزمك قال واخا ونزلنا

تعشينا وعلمته بسالفتي من والا قال بارك الله فيك ونعم الصديق قال الزواج متى قلت بكره قال غدا

قلت اي نعم واحتمال كبير انك توصلني قال مافيش مشكل بش تكرمنا قلت مابقصر معك

طبعا يدي ع قلبي من الشحن الي ماوصل وكل شوي اتصل على هالسواق مره مايرد مره يعطيني

مشغول ويقول باقي المهم اني محتار رجعت الفندق وقلت للسواق انتظرني بطلع ابدل ملابسي واخذ

شور واجيك قال واخا خلص ودق علي خلصت ونزلت قلت ودني البلاك هاوس نسهر وننبسط ونغير جو

قال الفي اي بي قريب منك قلت مابيه رحت البلاك هاوس غيرت جو شوي وانبسطنا يعني كان عامر

ولا باس به طبعا رحت له بدري اول من دخل انا حتى بعض الموظفين ماجو طبعا انا واقف على البار

واناظر فيه واحد جالس لحاله ع طاوله بالخلف المهم ياشر لي يقول

تعال المهم اناظر فيه انا مستغرب وش يبي ذا وياشر لي واشر له بيدي واقول امر يابوي قام وجاني

قال تعال اجلس معي لحالي طاوله اربعه اشخاص ولوحدي قلت يالله اوكيه طبعا الليل لسى باوله

مافيه ناس كثير , جلست مع الرجال تعرفت عليه طلع من اهل الشرقيه ولحاله وطلع هالشخص هو

رفيق السفره من اول يوم لاخر يوم بعطيكم سالفته جلست شوي سولفت معه قال ياخي انتو ياهل

الرياض بدونا ولا شيء قلت انتو الخير والبركه قال الماء تحيله من عندنا والبترول من عندنا والتمر من

عندنا قلت لا بسك عاد لا يسمعونك اهل القصيم يزعلون قال القصيم عندهم انتو مامنكم فايده قلت

القرارت تخرج من عندنا سولفنا شوي فجاة جونا ثلاث كل وحده تقول الزود عندي طلعو صاحباته

المهم انا قمت واستاذنت قال والله ماتروح وامسكني بيدي ياهوه عدل بدل

انتو اربعه وخلاص يعني جو صاحباتك قال خلك بس ماعليك اجلس معنا ويطلب كرسي زياده ونجلس

المهم كانه عجبنا جو بعض المهم انه انبسطنا قال وين ساكن قلت بالسويس وبروح انام عندي مشوار

بخلصه اليوم وبعدها فاضي قال هات رقمك اخذنا ارقام بعض وتيسرت انا ع الفندق وانا ع السرير

ويراسلني الرجال وش وضعك يابوي علمته بالسالفه من والى قال اوكيه انا فاضي ماعندي شيء

وادور لي خوي من الاخر وعجبني جوك خلص بكره واذا رجعت علمني نتقابل قلت خير ان شاء الله

نمت وصحيت واتصل على السواق وينك جيت من اغادير قال ايه الاغراض وصلت قال لا يابن الحلال وش

الحل قال لسى ماوصلت واتواصل مع خويي بالرياض ياولد وش العلم الاغراض ماوصلت قال ياخي خذ

البوليصه واتصل عليهم وفكني اتصل مايردون عطيت السواق بوليصه الشحن وقت روح لهم طلعها

لي من تحت الارض دقيت ع راعي التاكسي وينك قال بودي مشوار واجيك قلت لا تتاخر جاني الرجال واكلنا

وجبة فطور غداء قلت له بالسالفه وانه الاغراض ماوصلت والزواج اليوم قال مشينا نشتري هدايا من

سوق عندهم اسمه باب مراكش واذا وصلت هاذي انا ارجع اوصلها لهم بعدين قلت ياخي انا ابي اعطيه

ايها بيدي بس مافيه حل الشكوى لله مشينا هالسوق اسمه باب مراكش عندهم يعني لفينا شوي

شريت لي جلابيه خاصه فيني وشريت للتاكسي وحده يستاهل قلت ابي سوق ذهب وداني سوق ذهب

وشريت لزوجته طقم ذهب طلع غالي والله علي واشوف طقم ثاني ويدخل راسي عجبني ودخل مزاجي

كم سعره طلع جدا غالي قلت هاته هذا للوالده تستاهل الوالده مايغلى عليها اخذت الاطقم واخذت

فواتير عليها بعدين قلت وديني مول وداني سوق اسمه مروكو مول جمميل جدا ورايق شريت ساعه

المهم خلصت ورجعت الفندق ولبست وكشخت وتوكلنا على الله للزواج .

هذا الجزء الثاني وانتظروني في الجزء الثالث بحكي لكم فيه عن الزواج والهجوله الي صارت

وش اللي يصبرنا للجزء الثالث
خش فالعميق يا ريس

ياخي حقين الرياض
حجزت مقعد vip على الجزء الثالث

بانتظارك لا تبطي علينا

.

للامانه اغلب الحجاج والمعتمرين تتغير نظرتهم للسعودي بعد زيارتهم ؛ من حسن الاستقبال والتعامل والكرم اللي يقابلهم هناك
وبالنسبه لموظف الفندق ودك تشتريله اسلوب وتعطيه له هديه ههههههه

فانتظار البقيه وجالسه ع االارض هههه خلينالكم المقاعد

__________________
.


الوقت الذي تستمتع باضاعته ، ليس وقتا ضائعا

منتظرين الجزء الثالث فالصف الاول وكيف كانت اجواء العرس

متابعة وجالسة بالصف الأول لا حدا يدفني