عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


Like Tree119Likes

إضافة رد
 الصورة الرمزية ارسنال
مزعوط نشيط
المشاركات: 133
تاريخ التسجيل: Feb 2016
ارسنال غير متواجد حالياً  
قديم 2017-11-13, 11:39 PM
  المشاركه #1
زعطه مغربيه لا كانت على البال والا على الخاطر ,, وحضور زواج مغربي

سلام عليكم

صباح / مساء ,, الخير

اسعد الله أوقاتكم بكل خير ورضا ونعيم يارب

أخواني المزاعيط تقريري اليوم بيكون عن زعطه مفاجاه ولا كانت والله لا على البال ولا على الخاطر

رحله مفاجأه على الطاير بدون اي ترتيبات مسبقه بدون اي شيء بدون اي حسابات طبعا وصلت الصباح اليوم الساعه 3

الفجر وتوني صاحي قبل شوي وبذكر كل شيء طبعا هالرحله بصفه عامه كانت مليئه بالاحداث الجمميله والصدف الاجمل

رحله صراحة كانت ممتعه وأتمنى يكون موضوع بسيط خفيف عليكم وتتقبلونه بكل صدر رحب

بداية الرحله كانت من الرياض لباريس ع الخطوط السعوديه قبل اسبوعين الهدف كان باريس بجلس فيها 6ايام وبعدها ارجع

دبي اخذ لي اسبوع وبعدها على الرياض هذا كان المخطط طبعا لحالي اقلعنا ووصلت صباح اليوم الثاني باريس إجرائات جدا

سلسه تدقيق امني بسيط عند الخروج من بوابة الطائره من قبل الشرطه الفرنسيه تختيم جوازات ع السريع بدون مايفتح فمه

واستلمت شنطي كل هذا واكثر في اقل من 20 دقيقه ماهو زي بعض الناس

طبعا طلعت ورحت مقر السكن وجلست السته ايام في باريس خلصت اشغالي ومن هالقبيل وتمشيت سهرت مرتين طبعا

باريس واوربا بصفه عامه غاليه المهم باليوم الاول يوم الوصول تقريبا على الساعه 11 مساء رجعت السكن وجالس اطقطق

ع الجوال دخلت ع الفيس بوك طبعا أنا فيسبوكي درجه اولى يعني

نتصفح وندردش المهم فجاة طلع لي بوست شخص مغربي اسمه مروان عباره عن صوره له وكاتب تحت أنه زواجه

في اليوم الفلاني طبعا الشخص هذا انا اعرفه وصديق سابق لي كان يشتغل باحد اندية وقت اللياقه في الرياض

مدرب وكنت اتدرب عنده باستمرار لمدة سنتين طبعا منقطع عنه من فتره قسم بالله العظيم وناسي منه

المهم دخلت باركت له وسولفت له شوي واقوله مزح اني ترى باحضر وماتعزمني ياتعبان ونسينا العيش والملح

وقالي مرحبا بيك نورنا وتعال ومادري وش وأحضر زواجي وواتشرف فيك المهم كاني تحمست وشفت الرجال صامل

قلت ترى امزح معك قال والله العظيم اتمنى تجي او يجي واحد من الشباب قروبنا في الرياض

قلت له تعرف رقمي قال لا قلت خذ وارسل اللوكيشين والله ويرسله وقلت خير ان شاء الله هو يحسب اني اطقطق

طبعا هو يقول انا من كازا تفاجات انه بمدينه بعد كازا اسمها بوزنيقه تبعد يمكن ساعه عن كازا

المهم انها بدات تدور في راسي لفيتها يمين يسار المشكله اني مرتبط برحله ع الاماراتيه وحاجز بدبي

ودافع فلوس ,, سويت لها حسبه ع السريع يمين يسار لفيتها في راسي منا منا

دخلت ع موقع الاماراتيه عشان اشوف هل يتعدل الحجز حاولت اعدله يتعدل بس تدفع فرق ورسوم دخلت ادور رحله

ع كازا حصلت ,, والله وأحجز من باريس لكازا واعدل رحلتي من باريس لدبي وأخليها كازا دبي دبي الرياض

طبعا قبل اعدل لفيتها براسي كم بجلس في المغرب وين اروح هل اجلس بكازا هل اروح مراكش هل اطلع طنجه

مادري وش اسوي بالظبط المهم اني حولت الأسبوع الي بجلسه في دبي على المغرب وخليتها زي ماتجي تجي واذا وصلت

هناك يحلها الف حلال مع اني ماحب كذا احب ارتب كل شيء قبل اروح بس هالمره خليتها المهم اني خلصت وجيت افكر

يبي لي اجيب له هديه مادري وش اجيب له راسلت الشباب في القروب في الرياض قالو مالها غير التمر نشحن لك من هنا

تمر وشنطتين من الماجد للعود على كازا وانت استقبلها هناك قلت التمر بكل مكان عجوة المدينه افضل

قلت طيب عن طريق وش طيب قالو ارامكس او فيديكس او اتش دي ال قلت طيب قدام ,, مين يتكفل ياشباب وله حلاوته

ماقصر واحد من الاصدقاء الله يسعده جلست شوي فكرت وارجع اراسل خويي قلت شف انزل سوق المعيقليه وشف لنا

مشالح ارسلي اثنين ع ذوقك كذا قال ماتحس انك فليتها قلت ماعليش صاحبك وحبيبك تحملني قال حسابك عسير اوكي

والله ياجماعه في اقل من ساعتين سويت كل شيء وفكرت وقررت وهذا كله باليوم الاول توني وصلت

طبعا الرحله صارت بعد 5 ايام المهم اني قضيتها بباريس وتمنيت لو انها في المغرب

صاحبي ماقصر اخذ الاغراض ومر ع شركات الشحن يستهبلون اسعار خياليه اخر شيء رسيت على الارامكس وتواصلت مع

السواق الي تعامل معه عشان يعطيني عنوانه تجيه الاغراض على بيته ويستلمها هو وعطاني وعطيت صاحبي العنوان وشحن

الاغراض وقالو خمسه ايام قلت ياكريم طبعا اليوم الاخير صارت لي مشكله الله لا يوريكم

كنت فاضي وقلت خلني انزل صوب برج ايفيل اتمشى حوله وحول النهر وامشي وأغير جو طبعا من قرادة حظي اني نزلت

المهم كان فيه عربة فود تراك حول الحديقه الي بجنب البرج طبعا المنطقه هذيك مشهوره بالسرقات

وقفت شريت لي مويه وكريب ,, طبعا وانا واقف ويجي واحد يدفني واناظر فيه ويبتسم لي ناظرت فيه طنشته وفجاة

ويجي خويه ويدخل يده بالجايكيت سرقني بسرعه فظيعه وحط رجله لحقته ويوم شافني وراه اركض رمى المحفظه ومشى

اخذت المحفظه طالع زارف الفلوس الي فيها حول 90 يورو وضيع رخصة القياده وضاعت فيزا وبطاقة صراف يوم رماها الله لا

يوفقه المهم اخذتها وجلست ادور حصلت لي اثنين شابب سعوديين هناك واحد من حايل والثاني من ابها

مبتعثين عسكر هناك ساعدوني ماقصروالله يوفقهم ويبارك فيهم وحصلو الفيزا والصرافه والرخصه ماحصلناها

عزموني للعشاء واصرو علي واكرموني ونعم الرجال والله شرواكم ,, سريت ع السكن ونمت نومه سيئه وصحيت اليوم الثاني
وع المطار
هذا الجزء الاول , و انتظروني في الجزء الثاني بكمل نوم الحين

التعديل الأخير تم بواسطة ارسنال ; 2017-11-13 الساعة 11:44 PM
رد مع اقتباس
 الصورة الرمزية سلاوية الخاطر

المشاركات: 12,690
تاريخ التسجيل: Mar 2012
الدولة: بينـ ضفتــي وادي أبي رقــراقــ
سلاوية الخاطر غير متواجد حالياً  
قديم 2017-11-13, 11:50 PM
  المشاركه #2
.

ديما الاشياء اللي تجي صدفه تطلع احسن من التخطيط ( على غفله وما قريت حسابو )

وهذا اللي يميز عدم الارتباط فالسفر ؛ تمشي على مزاجك
بداية موفقه وسرد ممتع ؛ وان شاالله حيحتي فالعرس
متابعين الجاي
شموخ كازا معجب بهذا.
__________________
.


الوقت الذي تستمتع باضاعته ، ليس وقتا ضائعا
رد مع اقتباس
موقوف
المشاركات: 22,733
تاريخ التسجيل: Jan 2017
شموخ كازا غير متواجد حالياً  
قديم 2017-11-13, 11:50 PM
  المشاركه #3
مافي احلي من سفرة الغفلة علي قولتنا
متابعة لتقريرك

بالتوفيق
رد مع اقتباس
مزعوط جديد
المشاركات: 23
تاريخ التسجيل: Oct 2017
بنت البلاد غير متواجد حالياً  
قديم 2017-11-14, 12:03 AM
  المشاركه #4
اجمل الرحلات لي تكون مفاجئة بدون ترتيب مسبق تخلي ذكريات جميلة
شموخ كازا معجب بهذا.
رد مع اقتباس
مزعوط قدير
المشاركات: 166
تاريخ التسجيل: Sep 2017
الينبعي غير متواجد حالياً  
قديم 2017-11-14, 12:30 AM
  المشاركه #5
حتكون من اجمل الرحلات خاصة وان فيها تأدية واجب موفق باْذن الله
شموخ كازا معجب بهذا.
رد مع اقتباس
موقوف
المشاركات: 3,891
تاريخ التسجيل: Dec 2015
ناصر -777 غير متواجد حالياً  
قديم 2017-11-14, 01:33 AM
  المشاركه #6
خمدالله علي السلامه وخطاك السو وبأنتظار باقي تقرير الرحله
شموخ كازا معجب بهذا.
رد مع اقتباس
 الصورة الرمزية الجنتل الرومنسي
مزعوط نشيط
المشاركات: 139
تاريخ التسجيل: Mar 2017
الدولة: JEDDAH
العمر: 39
الجنتل الرومنسي غير متواجد حالياً  
قديم 2017-11-14, 02:14 AM
  المشاركه #7
أي شي مفاجئ آخرتها راح تبيع حمص
شموخ كازا معجب بهذا.
رد مع اقتباس
 الصورة الرمزية اديب
مزعوط خبير
المشاركات: 8,341
تاريخ التسجيل: Sep 2010
الدولة: رجعتُ أدراجي أصيدُ من المنى حلماً أنام بأفـقـه متوهما
اديب غير متواجد حالياً  
قديم 2017-11-14, 09:03 AM
  المشاركه #8

شرواك الطيب ارسنال ... زعطة من نوع آخر هههههههه
فيك الخير و الله يجزاك خير وجبت العريس و الله يعوضك عن سرقة باريس
و ننتظر تفاصيل مفاجأتك للعريس و حضورك لزواجه
صراحة شوقتنا

شموخ كازا معجب بهذا.
__________________
رد مع اقتباس
 الصورة الرمزية رااايق
مزعوط برونزي
المشاركات: 665
تاريخ التسجيل: Feb 2016
رااايق غير متواجد حالياً  
قديم 2017-11-14, 09:45 AM
  المشاركه #9
بداية تقرير رائع، متابعين ومتحمسين معك في كل التفاصيل،، والحمدلله على سلامتك، ودائماً بالسفر حاول ماتحمل بجيبك إلا اللي تحتاجه من مبالغ تكفي ليومك، وأيضاً يجب أن تكون نبيه لما في جيبك.
شموخ كازا معجب بهذا.
رد مع اقتباس
مزعوط جديد
المشاركات: 19
تاريخ التسجيل: Feb 2015
ماله شبيه غير متواجد حالياً  
قديم 2017-11-14, 01:49 PM
  المشاركه #10
اكمل يابطل
شموخ كازا معجب بهذا.
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
ما كنش على البال ولا على الخاطر يالحبيبه ديالي :( رحـالــ تقارير رحلات الاعضاء إلى المغرب 26 2014-07-20 07:32 PM
ودي أعرف المنتدى سعودي والا مغربي ؟ عويشق عسى الله يعينه المسافرون الى المغرب 16 2013-12-04 09:07 AM


الساعة الآن 06:44 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81