حكايهـ عشق .. تقرير واقعي ( مواقف غريبه)

باذن الله
شاكر تواجدك

الجميع يارب
تحياتي لك

الله يسعدك يارب
كلامك عين العقل والصواب
ورحله البحث انتهت وتفاصيلها قادمه

اللهم امين
بحاول قد مااقدر انزل صور مع اني مالي بالتصوير واذكر الاماكن اللي زرتها والفنادق مع ذكر الاسعار
شاكر مرورك

متشوقين للجزء ثاني

حمدلله على سلامتك وبانتظار باقي التقرير
تحياتي لك وللجميع

يا هلا بك .. حمدلله على سلامتك صقر .. نورت بعد غياب

__________________

أسعدني تواجدك
تحياتي لك

الله يسلمك يالأمير شرفني وجودك الكريم
تحياتي الحاره لك

((الجزء الثاني))
( الأستعداد للسفر)
[IMG]‏[/IMG]
خلال رحلاتي كلها للمغرب أتعامل مع سائق ومرتاح معاه جدا كلمته قبل السفر بخمس يفضي نفسه مده 35 يوم ويجهزلي سياره بسعر معقول وكالعاده نظامي معاه معروف السياره تكون بااسمه وتم أختيار سياره كيا قير عادي ديزل بسعر 250 درهم باليوم ويوميه السائق 200 درهم والديزل علي.
[IMG]‏[/IMG]
قبل الرحله بيوم تأكدت من جميع مستلزمات السفر وهي عباره عن (( شنطتين وحده كبيره والثانيه صغيره والجواز ومبلغ عشرين الف ريال سعودي كاش والاوراق وشاحن الجوال)).
[IMG]‏[/IMG
[IMG]‏[/IMG]
[IMG]‏[/IMG]
خلصت من هالامور وجاء دور السكن لاول يوم طبعا بحكم وصولي باليل قلت الوجهه الاولى بتكون كازابلانكا وأحترت في أكثر من فندق اللي هم: (( فال دو انفا وكنزي تاور وفندق بستانا)).
ووقع الاختيار على فندق فال دو انفا حجزته لمده ليله عن طريق بوكنج بسعر 950 درهم .
[IMG]‏[/IMG]
بعدالحجز على طول نمت وصحيت الساعه 5 الفجر اخذت دش ولبست وعلى مطار عرعر وصلت المطار قصيت البوردنق وشحنت الشنط على كازا وصلت الرياض الساعه 10 الصبح وكان عندي ترانزيت طويل خمس ساعات مر علي خويي المطار ورحنا تمشينا سوالف وضحك والساعه 12:30 رجعت المطار جلست شوي وعلى الطايره وكان اقلاعي الساعه 3 العصر وعلى طول وين المقعد فيني كميه نوم والرحله طويله وهاتك يانومه الى قبل الهبوط بنص ساعه واضبط وضعي استعداد للهبوط وانزل عند الجوازات وكانت هالمره مافيه زحمه بسير الجوازات واوصل عنده وبدا يلمح كالعاده انتوا ضيوف واهلا باهل السعوديه ووو وكانك ماتسمع شي ابتسامه خفيفه ويختم الجواز وعلى الشنط عشر دقايق واستلمت الشنط وبعدها رحت بنك وفا وااسال عن سعر الصرف كان نازل شوي الريال السعودي= 2.45 صرفت العشرين الف كامله طلعت بحدود 49000 الف درهم طلعت بطاقه فلوسي واودعت فيها اربعين الف درهم واخذت الباقي معاي بعدها طلعت شريحه اتصالات المغرب مكالمات ونت بسعر 400 درهم بعد ماركبت الشريحه اتصل على السواق كان بالمواقف ينتظرني واطلع والقاه واقف عند السياره سلمنا على بعض بالاحضان وضحك حطينا الشنط بالسياره ومسكنا الخط (( للمعلوميه عشان المده طويله اتفقت معاه انه يكون الدفع لايجار السياره كل عشره ايام تحسبا للظروف))
وقفنا عند المحطه عبينا ديزل وعلى كورنيش عين دياب ماوقفنا الا عند الفندق نزلت الشنط وقلت للسواق الليله بكون بالفندق وحوله واشوفك بكره الصبح ونام بدري وخلك جاهز قالي وخا دخلت الفندق تسجيل دخول سريع طلعت الغرفه كانت جميله للامانه حططيت الاغراض وكان فيني جوع رهيب اخذت دش عشان اتنشط وعلى طول انزل تحت عند مطعم باسمان تابع للفندق.
[IMG]‏ [/IMG]
[IMG]‏[/IMG]
واطلب طاجن لحم مع كولا والمطعم اجوائه حلوه وهاديه واكلهم لذيذ واسعارهم نوعا معا مرتفعه
[IMG]‏[/IMG]
بعد العشا الطيب ارجع الفندق اخذت جوله فيه أستكشفه الفندق مرتب ونظيف اللي ماعجبني فيه شغله وحده تعامل الموظفين جاف شوي مافي لاابتسامه ولا حسن استقبال يمكن عشان الجواز الاخضر يعني بصراحه تعاملهم لك عليه بس عن نفسي ماهمني ادخل واطلع ولا كاني اشوف احد بعدها وينك يالنومه
الجزء القادم:-
١:/ تصرف غريب من احدى الاسر غيرت خطه الرحله.
٢:/ مقابله صديق عزيز من احدى الدول الخليجيه.
٣:/ اتصال من مدينه مراكش.
دمتم بود