(( الجزء الثامن))
صحيت من النوم الصبح وأتصل على السواق بعدها أخذت دش ولبست وأخذ أغراضي وأسوي تسجيل خروج من الفندق جلست بالوبي أفكر هل أروح وأكلم البنت اللي تبيع حلويات وأفتح معها الموضوع ترددت من كم شغله؟!
هل بتكون موجوده أو لا؟! رده فعلها ؟! اذا كلمتها ووافقت أحتاج لمكان أقابلها فيه غير مكان عملها وهذا يطلب موعد ووقت لازم أكون مستعد للموقف؟! بعد تفكير خليت موضوعها لوقت ثاني بحكم موعد الخطوبه غدا بعدها ركبت السياره وكان فينا جوع وقفنا بمكان وفطرنا
[IMG]
[/IMG]
بعدها قررت أسوي حمام مغربي وأخترنا نروح مولاي يعقوب
[IMG]
[/IMG]
وحسب كلام السواق انه هالحمام مشهور طبعا أول ماوصلنا عندهم عده أنواع من الحمام أخترنا حمام عادي وكنت محتاج جدا للحمام أجدد النشاط بعد ماسويناه تسبحنا شوي عند النافوره انا السواق وكان في مصور يصور أخذنا كم صوره للذكرى
[IMG]
[/IMG]
بعدها ركبنا السياره وأحترت للامانه وين اسكن في أفران ولا أزرو بحكم انه موعد الخطوبه في أزرو غدا فقررت أني أروح .
(( أفران سويسرا العرب))
[IMG]
[/IMG]
[IMG]
[/IMG]
مسكنا الخط وكنا نشيطين ورايقين وصلنا أفران طبعا أول ماتدخل أفران تلقى السماسره على الرصيف بيدهم مفاتيح يأجروا شقق أو فلل أو شاليه كنت محتار أخذ شقه ولا شاليه وقفنا عند سمسار وأخترت أستاجر شاليه أجرب تجربه جديده ودانا مكان مثل الكومباند وشفت الشاليه عجبني صغير وحلو على قدنا وأستاجرته بسعر 600 درهم بعدها نزلنا أغراضنا بالشاليه وتمشينا بأفران كان الجو ممتع وحلو وحسب المعلومات البسيطه اللي اخذتها انه في وقت البرد تكون ثلوج وتصير المدينه زحمه يجونها سياح ومغاربه من مختلف المدن للتزلج بعد ماتمشينا أخترنا مطعم للغداء وتغدينا.
[IMG]
[/IMG]
جاني بعدها أتصال من رقم غريب ورديت :-
أنا:-أهلين
تازناخت:- هلا محمد كيفك
أنا:- بعد ماعرفتها ساكت....
تازناخت:- محمد أنا أسفه ووو عندي طلب واحد بس .
أنا:- تفضلي.
تازناخت:- زوج صديقتي عايش في كازا وهو كان يشتغل في السعوديه بخليه يكلم أخوي ويقنعه بس أبيك تصبر معاي وتتحمل وانا بعطيه رقمك يتصل عليك ويتكلم معاك وانا كلمت صديقتي عن الموضوع كامل وهو طلب انه يكلمك.
أنا:- الوضع صعب والوقت ضيق ومااقدر أغامر أكثر.
تازناخت:- بس هذا أخر طلب أرجوك محمد وبعدها سوي اللي تسويه.
أنا :- اللي أقدر أوعدك فيه أني بكلمه عشان طلبك بس وش اللي راح يصير أنا ماأظمن لك أي شي.
تازناخت:- طيب
أنتهى
وبعدها جلسنا بكوفي بالسنتر وخلينا جلستنا خارجيه طلبنا اتاي وكم طلب وجلسنا مبسوطين
[IMG]
[/IMG]
أخذنا جوله بالسياره بأفران
[IMG]
[/IMG]
[IMG]
[/IMG]
بعدها أخذنا عشاء معانا للشاليه
[IMG]
[/IMG
ومن بعد العشا كانت لي مكالمه طويله مع البنت نستعد لموعد الخطوبه غدا جلسنا شوي ونومت نومه جميله.
الجزء القادم:-
١:- أستنفار وأعلان حاله الطوارى القصوى انا والسواق أستعداد للخطوبه؟!
٢:- مرحله الحسم ؟! أكون أو لا أكون؟
٣:- أجتماع عائلي مغلق؟!
٣:- شد وجذب في أزرو؟! وتدخلات لاكثر من شخص في قلب الحدث؟!