|
خبراء الفلبين لا هنتم ...
السلام عليكم ورحمة الله ناوي ان شاء الله السفر الى الفلبين رحلة سياحية وعلاج اسنان .. من يعرف يضبط الحريرة !! او لدية خبرة في البلد و معلومات يفيدنا بها مع الشكر والأمتنان |
هلا بك درويش اذا كنت تجيد اللغة الانجليزية او على الاقل تمشي حال البلد سهلة جدا و الامور سهالات اذا على السكن بمانيلا اسكن في مكاتي الامور نظامية لا بخاشيش ولا تنقيط احذر من الغرباء إحذر من خدمات "عرب الشمال " خل مظهرك ملابسك عادية وش تبي بعد ؟ |
وعليكم السلام .
اكلمك عن تجربه شخصية من ناحيه السكن مثل ماتفضل اديب ماكاتي كونه قريب من مطاعم عربيه وشيش وقرب من شارع برقص للسهر وكون حذر من المتجولين هنالك والأفضل ان تبقى في ماكاتي يومين او ثلاث وثم احجز الى جزيره بوركااي تراهاا جميله جدا جدا وانا أنصحك بشده . طبعا الجزيره مافيها مطار ولاكن تنزل بمطار قريب من جزيره بروكااي( مااعرف اسم المطار) وثم تأخذ قارب شخصي او مع مجموعه اشخاص وسعر التذكره ماتزيد عن 200 دولار للرحله كامله من مانيلا الى جزيره بروكااي .والمده ساعه فقط. ملاحظه؛ اذا مارحت لي جزر فلبين وخاصه بروكااي استشن2 والله ماكانك رحت . وادخل اليوتيوب وشف واحكم. وبخصوص علاج الاسنان ماعندي أي معلومه.. |
بالفعل اضيف على مافضل به اخوي خالد جزيرة بوركاي جزيرة جميلة و هادئة و الرحلات من مانيلا الى بوراكاي عن طريق مطارين الاول تراه بعيد مشوار عن طريق الباصات لمدة تسعين دقيقه اسمه مطار كاليبو kalibo و الثاني هو المطار القريب واحرص عليه بالذهاب والعودة من الجزيرة اسمه caticlan كاتكلان وأفضل مكان بالجزيرة للسكن والتمشية ستيشن 2 station2 كذلك يوجد جزيرة قريبة من مانيلا المشوار لها عن طريق الباص ثم عن طريق القارب إسمها بيرتو قاليرا puerto galera |
اقتباس:
يسعد حياتك خبيرنا الفاضل , الأنجليزي الحمدلله فلته بـأكسنت هندي بعد .. سمعت عن مكاتي وشفت فديوهات لها ولاكن المنطقة راقية وشكل عياداتها نفس النظام والأسعار عالية .. لا يهم ان وجد الدكتور او العيادة المجربة وذات السمعة . اشكر طلتك وردك ,ولا توصي بخصوص عرب الشمال او عرب تحت الأرض ما احبهم هنا كيف هناك :) |
اقتباس:
تسلم خالد على وجودك وما تفضلت به , ولا يخفيك ان بوركاي وغيرها في الجدول مع اني منشن على جزيرة كورون بالوان "اعتقد اسمها كذا " لاكن بعد ابتسامة هوليو مكاتي وفي مرحلة التأهيل ومشوار الألف لقمة بعد التوضيب ان شاء الله امتناني لك . |
اقتباس:
معلومات مهمة تنسخ وتطبع , امتناني لك |
بالتوفيق ان شاء الله
|
من تجربه موضوع الاسنان انساه
اتكلم عن تجربه لو شغلك عصب وحشوه هنا في الرياض فيه مستوصفات على 400 الضرس وفوقها من ثلاث الي اربع جلسات تنظيف الي الحشوه النهائيه هناك جلسه تفتح الضرس وجلسه تقفله وتسوي لك اشعه فقط في البدايه هنا قبل فتح الضرس وقبل الحشوه النهائيه التركيبات الفرق مايقارب 200 ريال اذا زيركون غير ان الموضوع له ضمان فهل تقدر تستفيد منه وانت بالسعوديه وعيادتك في الفلبين ضمان مايطلع ريحه وضمان الفراغات اللي بين اللثه والسن شغلات كثير تفصيلها يجننك وتطلع الالفين او الثلاثه اللي وفرتها كلام فاضي |
اقتباس:
أشكر عزيزي أكدال على مداخلتك ورأيك * لو المسألة عصب وقلع وتوفير فعلاً بسويها هنا ولاكن انا طالع رحلة جنوب شرق اسيوية الفلبين فيتنام اندونيسيا .. وسمعت ان الفلبين شاطرين في موضوع الأسنان وقلت افغر هناك اسبوعين نعدل ما اعطبه الفصفص والخبز الملوح في اسنانا .. الشوغول اكثر من قلع وعصب اذا هنا يضبط لك العصب في 4 جلسات ب 400 ريال تراه هناك بـ 70 ريال في جلسة كما قرأت, والتركيب للسن توتانيوم وتاج اي ماكس او زركون في حدود 2500 و 3000 ريال الماني , هنا ب 6000 و 8000 ريال تقريباً , او معدن ب 3000 الى 5000 . ولا تنسى ان الشغلة صارت بزنس ومظاهر .. يعني الدكاترة تركو تخصصهم في العلاج وتخصصو ابتسامات وقشور تلصيق تلمع, واذا مستعجل صف لك جسر 4 اسنان مع بعض وسوبر قلو . الكلام فين العيادة والدكتور الشاطر النظيف المجرب في الفلبين ؟ احد الأحباب راح وسأل السفارة هناك عطوه عناوين دكاترة وعيادات , دخلت مواقعهم كل زباينهم سعوديين واسعارهم صارت نفس هنا. تحياتي وامتناني لك |
| الساعة الآن 11:16 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط