استفسار عن موافقه زواج صادره من وزاره الداخليه

صدقت اخوي ابوسيف العروبي بس انا رفعت اوراقي عن طريق الاماره والله تبهذلت بهذله لاكن الحمدالله على كل حال مشكور يالغالي وماقصرت وننتظر من الشباب الي لهم خبره بعلوم الاماره

اهلين اخوي
دام المعامله صدرت لوزاره الخارجيه اقولك الف مبروك بحكم لي تجربه سابقه عن قريب
طبعا وزاره الداخليه ترسل نسخه من الموافقه الى اماره المنطقه مااظن انها تكون بنفس الرقم الصادر اللي ارسلت لوزاره الخارجيه
بكره ارجع اتصل على وزاره الخارجيه وحاول تتاكد منهم اذا ماطلعت بنتيجه روح لاماره المنطقه وهم يفيدونك ويعطونك نسخه من تصريح الزواج مثل ماصار معاي وموضوعك منتهي باذن الله وتقريبا تاخذ من اسبوع الى عشر ايام وتوصل السفاره السعوديه في الرباط.
الاوراق اللي تاخذها معك للسفاره وتاكد منها:-
١:- رقم وتاريخ تصريح الزواج.
٢:- جوازك مع نسخه.
٣:- بطاقه الاحوال مع نسخه.
٤:- برنت من مركز الاحوال المدنيه مع نسخه.
٥:- فحص طبي لما قبل الزواج من مستشفى حكومي مع نسخه.
٤:/ صحيفه خلو سوابق الاصل مع نسخه.
٥:- مشهد سكن من اماره المنطقه او عمده الحي مصدق من العمده والشرطه مع نسخه.
٦:- شهاده تعريف من العمل يوضح راتبك مع نسخه.
٧:- اذا كنت متزوج تجيب موافقه زوجتك مصدق من وزاره الخارجيه مع نسخه.
٨:/اذا كنت مطلق نسخه من صك الطلاق مصدق من وزاره الخارجيه مع نسخه
٩:- اربع صور شخصيه.
١٠:- السجل العدلي تطلعه من وزاره العدل في الرباط.
يجب احضار جميع الوثائق الاصل مع عدد نسختين للاحتياط.

الله يكتب لك اللي فيه الخير بالتوفيق لك

هلابك اخوي محمد الي ظهر لي ف ابشر انه جهه اصدار المعامله الى وزاره الخارجيه
وبالاتصال على الداخليه بكلامهم انها راحت الخارجيه والخارجيه يقولو ماجاهم شي والي صدمني يوم الخميس بعد الظهر تجي رساله بقيد معامله ف الاماره
بعدين اخوي محمد نفرض انهم مرسلين نسخه من التسريح للاماره كيف راح يكون الاجراء والله يااخوان لحسو مخي والله بكره الاحد من الوسوسه كن باقي شهر على بكره
اللهم امين الله يسمع منك دعوتك الطيبه يالغالي

تروح الاماره قسم الزواج تعطيهم اسمك وتطلب نسخه من الموافقه اللي هي (( تصريح الزواج)) بعدها تطلع الاوراق الاصل اللي ذكرتها فوق وتاكد منها كامله وتصور كل ورقه نسختين وخلال هالفتره تتصل على السفاره السعوديه في الرباط وتتاكد انه اوراقك وصلت ماراح يقصروا معك اللي بالسفاره بعدها سلمك الله رتب امورك وعلى المغرب..
ملاحظه:-
١:- اذا كنت خاطب خلي خطيبتك تجهز اوراقها اللي طلبتها السفاره عشان اذا رحت هناك ماتتاخر وتاخذ بالعاده اوراق الخطيبه من اسبوع الى اسبوعين عشان تكون اوراقها كامله.
٢:- اذا رحت المغرب وكانت اوراق خطيبتك جاهزه في اجراءات بعده دوائر حكوميه الله يعينك عليها وحسب شده حيلك تاخذ اقل شي اسبوعين
بالتوفيق لك

بيض الله وجهك اخوي محمد بالنسبه للاوراق الي انت تتكلم عنها الحمدالله من فضل الله استخرجتها وجاهزه معي من كشف طبي ومن برنت احوال وبصمات من الادله الجنائيه اخر مااخذت البصمات يوم الخميس والكشف الطبي والبرنت من الاسبوع الي فات

الاخوان الي يراسلون بالخاص ماقدرت ارسلكم لاني جديد بالموقع ومايسمح لي الارسال إلابعد ١٥مشاركه

وجهك ابيض اخوي بالخدمه في اي وقت
ممتاز
اتمنى لك التوفيق وربي يرزقك بالزوجه الصالحه

اللهم امين والله يجزاك خير يالغالي
والله يرفع قدرك ومانستغني عن توجيهاتك يالغالي

الف الف الف مبروك تستأهل الخير اخي قلب التنين لكن ماهو التنين

__________________
أنا الرَّجُلُ الجَعْدُ الذي تَعْرِفُونَهُ
خَشاشٌ كَرَأْسِ الحيَّةِ المُتَوَقِّدِ

ما هو التنين ههههههههههههههههههههههه >>> يللي تزعلون من هالولد بالله عليكم لا تشرهو حتا لو يغلط ههههههههههه

__________________
سأظل أتنفس الأمل والتفاؤل وأضيء الكون بابتسامتي رغم كل شيء