2011-05-29, 07:42 PM
2011-05-29, 08:34 PM
2011-05-29, 09:20 PM
2011-05-30, 12:37 AM
2011-05-30, 12:38 AM
2011-05-30, 12:39 AM
2011-05-30, 01:02 PM
2011-05-30, 02:49 PM
2011-05-30, 02:51 PM
>> طير قديييم كان عارف اني موجود في هالفلة لانه السواق سألني اجيب لك طيرك المعتاد ولا تبا تغير قتله نشوف مقيض الطيور وكيف مقيضهن .. فعلم هالطير بكل العلووم .. هذي هي خيبة الامل فاليوم الاول .. مع انه كان في طيور ثانيه .. لكن المشكلة القلب وما يهوى وعدى اليوم الاول على خيــر .. بعد شووق كبير للمغرب وبالاخص الرباط .. وبطبيعة الحال اليوم الثاني والثالث والرابع والخامس والسادس مشاابه حال بحال لكن ابشركم استانست .. يغير الطيور المهاجرة كانت مسوية لي ازمه في هالرحلة البضاعة جداً قليلة .. وصل يوم الاحد الا وهو سفر الحبيب الصديق .. واصلت للصبح وطلعت اوصله كازا .. وصلته المطار واذكر في هاليوم طرحت موضوع اني اريد اروح مراكش .. لكن اعتذرت لاني شفت طيور قادمة في ليلة الاحد كانت غير طبيعية وما قد شفت مثلها قبل .. ومو واحد ولا اثنين الا سرب طيور .. وحلفت اني اجدد في الرباط اسبوع .. جلسنا الاثنين وكنت معزوم على السهر في كازابلانكا الثلاثاء ..وخبرت السواق ما يجيب احد اليوم لانه بنطلع نسهر برا .. صحيت من النوم الساعة 6 المسا .. ونزلت تحت ماسك جوالي ولعت صلب زقارة .. وقلت بشوف تلفوني .. الا اشوف مسسج من الامارات .. منصور استقبلني فمطار كازا الساعة 7 على طيران الاتحاد .. عووذ بالله من دون سابق انذار الولد جا ومطرش لي مسج .. يالله سبحت ولبست واحرك كازا استقبله .. واول ما طلعت من الفلة اكلم السواق اقوله اسمحلي ما بسهر برا .. بسهر فالفلة اليوم حيث عندنا ضيووف جايين من الامارات .. المهم ردينا والا الطيور مشرفين .. والخدامة مزهبة العشا للريال .. يتني قبل السهر الخدامة تقريباً الساعة 12 تقولي منصور كلمني صاحب الفلة وقال بما انكم صرتوا اربعة مرة ثانيه وانتوا مجددين على اساس انكم ثلاثه ونقص لكم السعر .. >> الاسبوع الثاني نقص لي السعر من ( 3500 الى 3000 ) .. رديت عليها انا مأجر الفلة كلها مب مأجر الغرف اللي فيها عسب يرجع يزيد السعر خلاص بما اني دافع اجار اسبوع لحد يكلمني ويقول زادوا ولا نقصوا الموجودين .. انا مب في فندق ومن هالكلام .. وراحت عني شوية وردت تقولي يقولك اما تزيد المبلغ او يرجع لك اللي دفعته حق باقي الايام وتطلع .. قلت لها خلاص خلي المبلغ بكرا جاهز من الصبح .. ونحن طالعين من الفلة .. نشيت الصبح الساعه 10 الا سويت لها فلم قلت لها جهزي لي الريوق بسسسرعة لانه عندي موعد ويا فلان ابا اشوف فلته .. قاالت لااا خلاص هذي فلتكم لاطلعون ومن هالكلام >> اكتشفت انه صاحب الفلة ماتصل بالاساس هي مسوية هذا الفلم .. وهذا لي كرهني بالفلة ومانصح حد يزورها .. صاحب الفلة مولي الخدامة امور الفلة كلها من اجارات وما خلافه .. فهذا يخرب المصداقية بين الزبون وصاحب الفلة .. وعدى الاسبوع الثاني وكان احلى من الاسبوع الاول .. لانه زيارة هالشخص كانت جداً ممتعة واول مرة اكون مسافر معاه ..
2011-05-30, 02:51 PM
| الكلمات الدلالية (Tags) |
| الرباط, مراكش |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
المواضيع المتشابهه للموضوع: رحلة الرباط - مراكش ( 8-5 - 27-5)
|
||||
| الموضوع | آخر مشاركة | |||
| السلام عليكم .. هل توجد رحلة بقطار البراق من الرباط الى فاس؟ وكم سعر التذكرة؟ وكم ساعه الوصول ؟ وكم رحلة في اليوم ؟ وهل الحجز عن طريق الموقع ؟ | 2021-11-07 10:20 AM | |||
| من الرباط إلى مكة رحلة إلى الحج في الأربعينات | 2016-08-20 05:48 AM | |||
| الى الرباط في أول رحلة للمغرب | 2015-04-26 08:45 AM | |||
| أجمل رحلة لأجمل بلد(الرباط + مراكش) | 2012-12-11 06:05 PM | |||
| رحلة الرباط | 2012-09-04 07:05 PM | |||
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط
Search Engine Optimisation provided by
DragonByte SEO (Pro) -
vBulletin Mods & Addons Copyright © 2024 DragonByte Technologies Ltd.
mza3et.com المغرب
العرض العادي
الدرهم المغربي مقابل عملات الخليج