مراكش الحمراء .......
 

السلام عليكم معشر المزاعيط
أما بعد تقرر السفر الى مراكش الحمراء في شهر ابريل لمدة اسبوع واحد فقط لاغير
كان لي تجربه سابقه في طنجه لكن لعبت فينا الامطار والشحادين ف حبينا نصحح الانطباع بسفره تكون موفقه ان شاء الله
حنا شخصين نحب نجمع بين السهر في السكن واستكشاف المدينه ومعالمها
وحبينا تساعدونا بالاجابه عن كم استفسار

1- الصرف هل اصرف من المطار او في محل افضل للصرف داخل المدينه + حساب وفاء كاش من وين وكيف افتحه
2- هل تنصحوني استاجر سياره من الدار البيضاء او اروح بالقطار واستاجر من مراكش
3- السكن طبعا ارخص شي حصلته عند ابومنيره بالعنود ب 1250 شقه غرفتين هل فيه مكان افضل بحدود السعر ذا ويمكن نحول فندق لان واضح المنتجعات فيها استغلال ومالي خلق وجع الراس
4- افضل الاماكن للصيد غير الكلوبات بالطبع زي المقاهي وماشابه
5- أماكن ينصح بزيارتها
6- أماكن ينصح بتجنبها

شاكر لكم مقدما :maroc (903):

١- افضل صرف من المطار
غالباً البنك الشعبي الافضل لكن فارق بسيط بينه وبين وفاء كاش في سعر الصرف
يعني مثلاً في كل ١٠ الاف ريال سعودي توفر ريالين او ثلاثه ماهي مستاهله دامك تبي تفتح حساب فلوسي في وفاء كاش حول فلوسك في وفاء كاش
البنوك كلها جنب بعض اول ماتخلص الجمارك وتطلع تلقاها على اليسار
وفتح الحساب سهل ولا يستغرق خمس دقائق
اعطه جوازك وهو يصلح كل شي ثم خذ بطاقتك وجربها في صراف وفاء كاش القريب من فرع البنك وغير رقمك السري لاي رقم سهل وتفصله
٢- استأجر من المطار افضل دامكم اثنين توفر تكلفة القطار واريح واسرع
٣- اذا حصلت بـ ١٢٥٠ عند ابو منيره فالسعر ممتاز وما اعتقد تحصل افضل منه
رغم ان الشباب مايمدحون مجمع العنود من ناحية الاثاث لكن التعامل والخدمه ممتاز جداً حسب كلام اللي جربوه وابو منيره مشهود له
٤- ماعندي اجابه
٥- ساحة الفنا وشارع جليز ومقهى ستار بوكس وماك اللي في جليز والمول الصغير اللي في جليز وممكن الشباب يضيفون اماكن اخرى
ومجمع المناره مول ومقاهيه ومطاعمه
٦- حافظ على صلاتك وربي حارسك

100 ورده اخ فهد ماقصرت وننتضر البقيه

الصرف في وفا كاش بالمطار

٢- وأضيف على الاخفهد سيتي فاطمه
واوكايمدون ومطعم بوشقني في جيليز
ونادي البولنج تراه في فندق جنب محطة القطار فيه شيء عجب

شكرا ابوليلى :)
يا اخوان وضع السكن كيف المنتجعات اسعارها غاليه على شي مايستاهل المشكله
فكرت احجز فلل خاصه من booking او airbnb اذا على الصوت نسهر برا بس هل فيه تدقيق عالضيوف

تاجر سياره صغيره وجديده وترتاح من التكاسي من مطار كازا افضل شي مادام انكم اثنين وتسلمها فمطار كازا . واذا وصلت مراكش اسكن اول ليله بفندق والصباح رباح لف على المنتجعات والدرقاوي وشوف على طبيعه افضل شي واختار وصدقني مايجي الظهر او العصر الا انت اخترت سكن اللي يناسبك وحسب اتفاقك . وترتاح .الشي اللي تشوفه بعينك مو زي اللي تسمع عنه .هاذي وجهة نظري وسفره موفقه .

انا فكرت كذا لكن خفت من عدم التوافر شهر ابريل هل يعتبر موسم في مراكش ولا اوف سيزن ؟

هو شهر ابريل تخبر موسم خاصه وكل مزعوط يبغى يسافر قبل رمضان لوتاخرها شوي ثاني اسبوع من رجب تخف شوي زحمه والمنتجعات كثيره والشقق كثيره على العموم تاخذلك فره بالسياره فالصباح تاخذ احسن سكن . وتتفق معاهم من الالف الى الياء وبعقد مدة الايجار . ولو تقسم سفرتك بين اغادير ومراكش تكون احلى وناسه .وابداء من اغادير اول شي . واغادير عندي المفضله صراحه . على حسب جوك .

الله يجزاك خير على رقم ٦ ويكتبها في ميزان حسناتك

رحلة موفقة