|
حاذف شماغي بحضنك .. هلمَ وساعدني
السلام عليكم ورحمة الله وبركاتة .. واهلا وسهلا بالجميع في البداية ترردت كثير في كتابة الموضوع بحكم ان الموضوع قد تردد عليكم كثير وقد اصابكم الملل من كثرة الاستفسارات ولكن امسحوها في وجهي هالمره. مهندس كيميائي عاثت به الدنيا مصائب تلو الأخرى يرغب في الذهاب وحيدا الى المغرب لعل هذه الدنيا تبتسم له ولو لوهله. (هل السفر للمغرب وحيدا آمن؟ ولا النظام انت مهبول رايح لحالك تدور اللي يرد الصوت ما تلقى ) .. مدة الرحلة 12 يوم ومن قرائتي للمواضيع السابقة قررت اقضي 6 أيام في أغادير و 4 في مراكش .. الميزانية 15 ألف بدون التذاكر ( هل الميزانية كافية لشخص يسهر والطير بس بإعتدال ؟) 1- السكن .. أبي فنادق آمنة وتسمح لي أن أجلب ضيفي لأكرمه 2- التنقل .. جديد على البلد ووحيد .. (افضل أستأجر سيارة ولا سواق مع سيارة ؟) 3- الميزانية .. هل اخذ فلوسي معاي كاش ولا كيف الطريقة ؟ 4- الطير والسهر .. والله مافيه سؤال محدد بس عطوني نصايح مابي ينضحك على شواربي 5- نصائح عامة .. لا أستغني عن كرم أخلاقكم والله هذا اول موضوع أكتبة في حياتي .. وفعلا احتاج لكم. ملاحظة 1: قد قرأت المواضيع السابقة وجمعت كذا معلومة ولكن يوم تجي منكم دايركت فعلا تحدث الفارق. ملاحظة2: والله اني خايف اني اروح لحالي بحكم صغر سني ولكن الأعتماد على الله ثم عليكم. ملاحظة3: موعد الرحلة 9 أبريل ... أسف على الإطاله |
عليكم السلام ورحمة الله
اولا انزع الخوف من قلبك وخلك مطمن وماتشوف شر بأذن الله اغادير اختيار جدا مناساب خصوصا اول مرة ولحالك ذكرتني بنفسي ولا انت مهبول ولا شي بالعكس السفر لحالك له متعة خاصة اذا عرفت كيف تمشي امورك بالنسبة للسكن من وجهة نظري اشوف فندق رويال اطلاس تاخذ راحتك وان كان غالي بسعر 1400 درهم تقريبا وفي فنادق اخرى ارخص قصر الورود وخليج اكادير يفيدونك الشباب بتجاربهم لو تحب تستاجر سيارة افضل اذا بتجي من كازا لاغادير خمس ساعات طريق ممتع جدا غير الاستراحات والمطاعم وتكلفة الايجار 300 درهم لاقل سيارة والفلوس خذها كاش وصرفها في المطار الصرافين الي وانت قبل بوابات الخروج عل ايدك اليمين وتاخذ شريحة ب200 درهم ونصيحتي لك خذ فرة اول يوم استمتع بالمدينة واجوائها وانصحك بزيادة الميزانية خصوصا اذا ناوي مراكش بعد اغادير وتوصل بالسلامة انا قبلك بيوم اكون في اغادير واي استفسار انا او باقي الاعضاء مايقصرون على فكر موقع المسافر منزل عرض للرويال اطلاس 105 دولار بس ادخل كود الخصم |
مزعوط لا تكلمني .. شكرا لك بحجم السماء .. وننتظر الشباب للاستفادة من خبراتهم
|
ي ولد انا رايح جنوب افريقيا والله العظيم وبحالي عند العبيد والحمدلله ورجعت السعوديه مصر كذا مره رحت لها بلحالي وانا خوك ما قدامك الا العافية روح بحالك شورك في يدك ما انت مجبرو في احد ولا احد مجبور فيك وفلوسك في جيبك تخدمك الخوه كويسه لكن وين الي تلقاه على مزاجك وكفووو انا افضل لك انك تخاوي احد ولكن اذا ما لقيت احد شد عفشك وروح بلحالك وفالك التوفيق
|
اقتباس:
عز الله يعزك ي خالي .. ايه هذا الكلام اللي يونس |
عزيزي السفر للمغرب سهل جدا وبلد سياحي تجد فيه كل ما ترغب
تقسيمك للرحله جيد او خلها نص بنص اغادير احسن لك احجز طيران داخلي التذكره ارخص من قيمه التكسي ومده اقصر السكن بأغادير الخيارات متعدده اطلس مارينا شقق فندقيه حلوه وعندهم غرف للشخص الواحد انصحك فيه لقربه من كل شي مطاعم كافيهات والكورنيش تصلح للشخص الوحداني فندق خليج اغادير خيار ممتاز وجديد ونظيف رويال اطلس فندق جيد قصر الورود فندق لا بأس فيه اما بالنسبه لمراكش عندك المعلنين بالموقع راسلهم وعطهم طلباتك وراح تلقي لك اللي تبي بالنسبه للتنقل في اغادير لا تحتاج الي سياره او سايق لقرب الاماكن من بعض المشوار بالنهار 20 درهم وفي الليل يوصل 50 اما في مراكش تحتاج سياره او سايق مع سياره واذا تبي سايق محترم وامين راسلني وابشر بالخير بالنسبه لفلوسك انصحك اول ما توصل المطار تروح بنك وفا كاش وتصرف الفلوس مغربي وتفتح عندهم حساب فلوس وتوزع المبلغ علي بطاقتين قيمة فتح الحساب 100 درهم والامور بالمغرب تري سهالات رح فلها وانبسط والمبلغ اللي معك كافي اذا كنت رجل تعرف كيف تدير امورك تحياتي لك وسفره سعيده |
اقتباس:
|
ما اروع السفر لحالك
اقتباس:
|
إذا أول مره أنصحك لا تروح << هذا رأيي .. وبالنسبة للميزانية إذا فيها سهر وطيور ماتكفي ياصاحبي
|
وعلى فكرة أنا رحلتي في ١٧ أبريل طنجة أولاً ثم أكادير
|
| الساعة الآن 10:32 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط