|
اجازه مع العائله بالمغرب
مساء الخير للجميع
بأذن الله تعالي سأقضي أجازتي لهذا العام بالمغرب بعد عيد رمضان انا وافراد عائلتي وهذه اول مره نزور بها المغرب قرأت بعض التقارير بهذا المنتدى افادتني كثيرا الخطه بأذن الله ( كازا / مراكش / طنجه ) كمقرات للسكن سؤالي للجميع ارغب في خيارات مناسبه للسكن للعوايل ( فنادق ) فقط امكانيه وجود سياره فان مع سائق لديه الخبره والدرايه بالاماكن السياحيه شكرا للجميع [/B][/B] |
خلك على طنجه وتطوان وشفشاوى وبالنسبه للسياره بتلقى مع السواق لكن دام انتم عائله افضل ان تسوق انت وجهه نظري
ارق التحايا |
شيء جيد وافقوا معك على الرحلة تكون في المغرب
موفق رحلة سعيدة ان شاءالله |
باذن الله تكون رحلة روعة بس لو تخليها كازا طنجة شفشاون تطوان والنواحي اتوقع افضل لان لو وديتهم مراكش ماضنتي بيخلونك ترجع المغرب بعدين لو فكرت لحالك بالنسبة لكم اسكن شقق فندقية افضل لكم واكيد بتلاقي خيارات كثيرة
|
اقتباس:
خذ شور شقاوة طنجة ممتازة للعائلات وكل ماخرجت منها للمدن القريبة منها افضل مثل تطوان هادية وماتشوف فيها اللي في المدن الاخرى مثل مراكش |
اختيارك للمدن حلو مراكش وكازا وطنجة
ابنصحك نصيحة اذا وصلت المغرب خذ سيارة مناسبة لك ولعائلتك من مكاتب مطار كازا وسوق انت لاتاخذ سواق وانطلق لمراكش من المطار واحجز الفندق من قبل الرحله والفنادق كثيرة تلقاها في تطبيق بوكينق وغيره ودليل قوقل خرائط تمشى في مراكش وفِي حدائقها وأماكنها السياحية أربعة ايّام أو خمسة ايّام ثم روح لطنجة لمدة الى قبل موعد العودة بيومين أو ثلاثه وتمشى في طنجة في كل الأماكن السياحية ثم روح لكازا وأقضي اخر ثلاث ايام من إجازتك وتمشى في كازا ماتحتاج سائق ولا خبير ولا دليل احسنلك خذ راحتك انت واهلك بدون وجود سايق |
اقتباس:
تروح وترجع بالسلامه افضل خطتك تكون ( كازا - طنجه ) الفنادق فيه بكازا فنادق متعدده وحلوه ورخيصه وعائلية وطنجه كذلك نفس الطريقه والبوكينق مليان والتقييم راح يوضح لك فيه هل هو مناسب لك ام لا بالنسبه لمراكش ما انصحك فيها والراي الاول والأخير لك وانا تحت خدمتك في اي وقت .. بالتوفيق |
بطريقك مر على فاس ومكناس و إفران |
عزيزي أبو غادة, بالنسبة للفترة اللي أنت مسافر فيها فهي بعد منتصف شهر يونية (6) وبالتالي أنا أفضل لك تبدأ بمراكش قبل ما ترتفع درجة الحرارة فيها بشهر (7) وشهر (8) وبعدها ترجع لكازا ثم تتوجه للشمال المغربي لكن جدول رحلتك راجع لك وحسب رغبتك والمعلومات عن المدن المطلوبه كالتالي: أولاً كازابلانكا وما جاورها: بالنسبة لكازا فهي المدنية الإقتصادية وفها فنادق كثيرة ولكن إذا ميزانيتك تسمح عندك فنادق الفورسيزون والسوفيتيل والموفنبيك وهي من فئة الخمس نجوم ومن أفضل الفنادق المناسبة للعوائل ثم يجي بعدها فندق كازابلانكا لو ليدو ثالاسو آند سبا وهذا 4 نجوم وعلى البحر لكن لا تطول بكازا ما فيها كثير للعوائل غير البحر وملاهي السندباد وموروكو مول وبعض المطاعم الممتازة والأسواق الشعبية ومسجد الحسن الثاني وممكن وأنت هناك تروح طماريس والمحمدية ودار بوعزة وهي قريبة من كازا وهناك فيه عندك فعاليات على البحر ... وكذلك عندك قريب من كازا مدينة الجديدة وفيها منتجع ممتاز ومناسب جداً للعوائل والأطفال خصوصاً في فصل الصيف وهو منتجع مزكان سواء بالبحر وركوب الخيل والدبابات وكرة الطائرة وغيرها وفيه طقم كامل هناك للعناية بالأطفال وبالنسبة للجديدة فهي مشهورة بالسمك وتقدر تروح سوق السمك بوسط المدينة وتختار اللي تحب منما لذ وطاب وكله طازج وبعدها تاخذه للمطعم يطبخوه لك حسب رغبتك فسوق السمك عبارة محلات لبيعه ومطاعم لطبخه ... وفيه كمان مدينة الوليدية وتبعد عن كازا حوالي 160 كلم وهي مدينة ساحلية غاية بالجمال والروعة وفيها منتجع سلطانه ... الحين كل المذكور إعلاه عن تجارب شخصية ومناسب جداً للعوائل لكن لو محتاج فنادق ارخص ممكن ترجع لموقع بوكينج وتقرأ التقيم للفندق المناسب لميزانيتك ... |
ثانياً مراكش وما جاورها: بالنسبة لمراكش فهي مدينة السياحة الأولى بالمغرب ومناسبة للجميع (عوائل وأفراد) والمحافظ واللي نص نص والمتحرر وبالتالي عليك اختيار مكان الاقامة بعانية وكذلك نوعه سواء فندق أو منتجع ... وبالنسبة للفنادق بمراكش فهي كثيرة منها الفورسيزون والسوفيتيل ورويال منصور ونمسكار وسلطانه وبالنسبة للمنتجعات عندك آمان جنة وسيكريت جاردين وقصر الغول ... طبعاً فيه من هذي اللي بوسط مراكش وفيه اللي في الاطراف والخيار راجع لك وكمان ممكن ترجع لموقع بوكينج لو تحب حتى تختار المناسب لك ولميزانيتك واللي قلت اسمائهم مناسبين للعوائل . مراكش غنية بالفعاليات لكم من جامع الفنا حيث العروض الحية بالثعابين والقرود والعروض الراقصة وغيرها إلى المنارة والاسواق الشعبية والمطاعم (لكن لا تأكل بالساحه من البسطات افضل لك) وعندك قريب من مراكش اوريكا واوكمدن وستي فاطمة حيث الطبيعة والجو العليل والشلالات والمطاعم الشعبية وبيع المنتجات المغربية التقليدية , ثم عندك لالة تاكركوست وهناك فيه كم مطعم على البحيرة مثل (Relais Du Lac) وقريب منها عندك مكان ممكن تلعب فيه جيت سكي اسمه (Jet Atlas) وطبعاً فيه رحلات بالجمال والخيول والدبابات ومركز لعب كرات الدهان (paintball) وعندك المسابح الخاصة اللي ممكن تقضي فيها يوم كامل مثل نيكي بيتش وماهي بيي لكن لو انت محافظ لا تروحها. وبالنسبة للمولات فيه بمراكش المنارة مول وكاريايدن والمزار وممكن تاخذ العائلة وتلعبوا جولف ولا يفوتت المطعم البرازيلي فوجوديشاو ومقهى الساعة بالمدينة القديمة ومطعم الفاسيه. |
| الساعة الآن 02:44 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط