آخر اخبار الروز قاردن

هو بكل صراحة الروز قاردن منتجع ما يعرف كيف يخلي الزبون يرتاح و يحب يرجع و يسكن فيه، انا سكنت فيه 6 ايام و كانت بكل صراحة تجربة سيئة من ناحية جودة السكن و ناحية التعامل، كنت اواجه مضايقات بشكل يومي من احد المسؤلين فيه و اشتكيت عليه. اما من ناحية كرامه، اوافق الأخ العزيز بكلمته مافي مكان ياخذ كرامتك منك. انصح الجميع بإكتشاف منتجعات ثانية، مو ضروري المعروفة. أبحث و اقرا التعليقات قبل الحجز و أنشالله تكتشف مكان يكون افضل من ناحية الجودة و التعامل.

شكرًا لكم اخي الكريم 3hht و اخي الكريم abdul83
و صح لسانكم و نعم الكلام و يعطيكم العافية

.
وانت ما انت وصي على ما نكتب بالمنتدى ..
حنا من اوائل الاعضاء في هالمنتدى ويهمنا مصلحة الجميع
والمنتدى ماوضع الا ليستفيد الجميع من تجارب من سبقهم
وانا هنا للمره المليون احذر من النصب والاحتيال والوصاخه في هالمنتجع
وهالكلام ما كتبته الا عن تجربه لي ولمن اعرفهم من اللي سكنوا في الروز وعانوا من الوصاخه والنصب والاستغلال ....
ولانه المنتدى مليان بالزوار الجدد واااااجب علينا نحذر الجميع..
.
واذا انت من اللي المستفيدين ولا السماسره ولايهمك مصلحة غيرك وكأنك توصل رساله انه خليهم يوقعون بالفخ مثل غيرهم ؟!!
فحنا عكسك حريصين على مصلحة الجميع ..
واللي ماعجبه يشرب من البحر :)

مهما حاولتوا تلمعون صورتكم ريحتكم فاحت والكل صار عارف نصبكم...
وغالبية الاعضاء بالمنتدى يشهدون على النصب والاستغلال والكل عانا منكم..
كل موضوع عن الروز جاردن الكل يسب وله موقف سيء وتجربه سيئه في هالمكان
وانصح الجميع بالتعامل مع المنتجعات الثانيه الجديده وعن طريق المعلنين في المنتدى.،
مراكش صارت مليانه منتجعات والاحتكار والنصب والاستغلال راح زمانه ..
.
انا وغيري قدمنا النصيحه واللي يبغى تخرب سفرته يروح ويجرب يسكن عندهم ويشوف بنفسه

فاحت وتعدت البحور والمحيطات وكثير يذمون وقليل يمدحه اللي فالطالعه والنازله يده فجيبه بخششش.
هذا الواقع ومافي داعي للكذوب خلوه يخيس لين يصلح وضعه فالتعامل
ماهي قفله بالشيش الخيارات كثيره .
وقالوها مايمدح السوق الا من تعشى فيه .... والفاهم يفهم

مافي شك في ان جميعنا ك اعضاء وانا اولهم يهمنا اولا واخيرا مصلحة الجميع ، وعدم الاستغلال من بعض المنتجعات للسائح !

اولا :
انا ردي كان فقط على جزء معين اللي هو انكم تطرقتو للناس اللي تسكن فيه وقللتو منهم ، ونعتوهم بعديمي كرامه ، لذالك حبيت اوضح انكم تبعدون عن هالنقطه لان احيانا الضروف تجبرك فسكن معين حتى لو انه سيء ،،

ثانيا : انا بالنسبه لي بحياتي ماسكنت بالروز ، لان مكان سكني بمراكش ثابت ولله الحمد من فتره طويله ،

ثالثا : صحيح التحذير واجب وشي طيب وتشكرون عليه ، وانا ابراء للذمه والله ماسكنت فيه ولا مره ، لاكن قليل احصل احد يمدحه ، وسمعته لها فتره نازله لذالك نصايحكم وتوجيهات من جربو السكن فيه تهمنا ك اعضاء وخصوصا الجدد ع المنتدى وعلى المغرب ،،


اخيرا : الشكر موصول للجميع ،

العفو الجزيل اخي العزيز موس2000.

اخي الكريم

لا نختلف على الروز قاردن لانه خيار سي بس الاسلوب والطريقه والزج بالكرامه من عدمها ماله داعي ابداً ياكثرهم الي ظروفهم اجبرتهم على السكن هناك

وياولد الحلال مالنا بالسماسره ولله الحمد ولا السرارسره كمان

النصيحه طيبه بس الاسلوب مهم ومهم جداً
ولو انا مكانهم وسكنو بطريقه او اخرى بالغلط بنا على نصيحه او توصيه غشيم
هل ارضى ان شخص ينعتني بقليل كرامه

اتمنى وجهة نظري اتضحت لك
ونحب للناس مانحب لانفسنا وهذ حديث المصطفى عليه الصلاه والسلام

وفتحك لموضوع اخر عن الروز وانه خيار سي رديت عليه بعد موضوعك هذا واشدت به ولم تتطرق لاي امور اخرى



وهذا اخر رد على الموضوع الله يسعدك

هلا بسلطان
الموقف اللي حصل للرجال يخليه فعلا يحس انه استحقار وغباء ووصفه نقص فالكرامه اذا طاوعهتم وتشحدهم وتذل نفسك عشان تدخل ضيوفك .
وقهر الرجال مو سهل . بعضهم يطاوعهم ويذل نفسه وبعضهم نفسه عزيزه يطز فكل شي ويهين قرشه ويطلع من السكن .
عشان كذا دايم الواحد احسن شي مايدفع حق المده كامله يومين بس واجدد . هواللي محتاج ياجر وانا فلوسي فجيبي وماوقفت على خيار واحد .وصدقني اللي مايهين نفسه ويطاوعهم يلقى الشي اللي يبغاه وهو بعزته .

الاخوة الاعزاء

الانتقاد مسموح للجميع

والاستنقاص من الناس والتعرض لكرامة الاشخاص ممنوع على الجميع

اطرح وجهة نظرك بشكل لائق ليجد رائك قابليه عند الجميع بدون تعصب

الموضوع ليس ثأر

بعض حالات الهجوم بالنقد على منتجعات او وسطاء سكن او مؤجرين سيارات
نجد خلفها موقف معين حصل بين الطرفين

او موقف معين حصل للطرف المهاجم وحاب ينتقم بالسب والشتم

مالايعجبك انت قد يعجب غيرك والعكس صحيح