ملاحظات عن تجربة فتح حساب بوفاء كاش..

في البداية احب أرحب بالاعضاء الكرام وانقل لهم تجربة فتح حساب (فلوسي) بوفاء كاش ...
وصلت لمطار محمد الخامس ٨ صباحا وتوجهت لفرع وفاء كاش لفتح الحساب رغبة مني بعدم حمل كامل المبلغ النقدي (يوجد لهم فرعين بالمطار) ، فتحت الحساب برسوم ١٠٩ درهم واستلمت البطاقة وحولت مبلغ ٦٠٠٠ ريال الى درهم وتم ايداعه بالحساب وقبلها حولت مبلغ ٤٠٠٠ ريال واخذته كاش معي وكان سعر الصرف ٢.٤١١ درهم للريال بعد ماوصلت للفندق بكازا دققت بالاوراق اللي وقعت عليها واستغربت المبلغ ان المبلغ المودع 14200 المفروض يكون بعد التحويل 14466وبعد خصم الرسوم 109 يكون 14357 درهم يعني فيه نقص 150درهم تقريبا لم تودع بالحساب قلت اذا رجعت للمطار مريت وسألتهم !!! طبعا اكثر مبلغ تسحبه 2000درهم بالعملية الوحده ولك 3 عمليات باليوم ليصبح الاجمالي 6000 درهم و كل عملية سحب يخصم من حسابك 6 درهم الا اذا كان السحب من صراف بنك وفاء( مجاني) والاغلب انك راح تسحب من اقرب صراف يعني 6 درهم بتخصم بتخصم .
توجهت من كازا الى اقادير ولقيت لهم فرع بالمارينا قلت انا محتاج مبلغ قال اسحب من الصراف قلت الصراف يعطيني 6000 باليوم وبيخصم رسوم ابغى 10000 درهم اليوم ، قال ما اقدر لازم عن طريق الفرع اللي فتحت فيه الحساب بمطار محمد الخامس عندنا تودع وتحول عمله بس ...
صراحة شككت بكلامه وسحبت من الصراف وكملت باقي المبلغ من حسابي السعودي.
بعد اقادير توجهت لاصدقائي بمراكش وجلست عندهم كم يوم وتوجهت لكازا عبر القطار ولقيت فرع لهم بمحطة قطار مراكش قلت بسحب باقي المبلغ اللي بالحساب قالت الموظفة ما تقدر لازم عن طريق الفرع اللي بالمطار لانك فاتح حسابك عندهم يعني كلام الموظف اللي بفرعهم بمارينا اقادير نفس كلامها وعند المغادرة توجهت لفرعهم اللي بالمطار وقلت بسحب الباقي قالت اذا سحبت كامل المبلغ ( مجاني ) بس يتقفل الحساب ولازم تفتح حساب ثاني المره القادمة وسألتها عن نقص المبلغ عند فتح الحساب قالت رسوم و شوف يمينك لوحة مكتوب عليها رسوم عمليات الايداع عندهم رسوم تصل الى .67 % على كل عملية ايداع لاكثر من 10000 درهم وتقل بإنخفاض المبلغ المودع يعني تودع 20000 درهم يخصم منك رسوم ايداع 140 درهم تقريبا ، (وهذا الشي ما ينقال للعميل عند فتح الحساب )

* الخلاصة : الحساب مزعج وغير مرن والحسنة الوحيدة له هو حفظ المبالغ من السرقة والضياع و بعض الاجهزة لاتقبل السحب مثل بنك البريد وهذا الشي اكده موظف الامن بالبنك لاني حاولت اسحب ورفضت العملية وسألته وقال ما تقبل هذا البطاقة بعد ماشافها .
هذا ماوددت نقله للاعضاء الكرام مع ضرورة الحرص على عد النقود عند صرف وتحويل العملة قبل المغادرة .

شكراً على هذه المعلومات

العفو لا شكر على واجب .

عندي استفسار اذا ممكن احد يشرحلي


ليش الواحد مايسحب من بطاقتو من اي گيشي (صراف او شو تسموه) علما ان الرسوم اللي يتم خصمها فكل سحبة قلييييييييييييلة جدا جدا وهيك يسوو غالبية السياح .....

يعني ليش حساب فلوسي ووفاكاش والحوسة هادي كلها ؟! يصرف بالمطار المبلغ اللي يكفيه ل 3 ايام ولا 4 مثلا وبعدها يصير يسحب ببطاقته عادي اشوف ان الشغله مو مكلفه !!!

__________________
كلآم الناس بالنسبة لي ،، مكآلمة لم يتم الرد عليهآ ..!!!

انا اجاوبك لان كل عملية سحب دولية عليها رسوم 25 ريال حوالي 60 درهم

يسلمو خيو

كنت شفت موصوع بالمنتدى فيه الرسوم المفروصة على كل سحبة حسب البنك اللي الواحد فاتح فيه حساب هناك

و 60 درهم هاي حال سحبت 1000 درهم حال سحبت 6000 درهم مثلا ؟؟ اكيد الرسوم تختلف ( عالاغلب ) حسب المبلغ المسحوب

ولان مرات الواحد يمكن يحتاج اكثر من 6000 درهم باليوم ايش بيسوي ؟ ممكن تصير ظروف مفاجئة ووقتها يرفضو يعطوه المبلغ اللي هو يبيه كله فشي فرع ( اجراءات معقده) او يكونو مسكرين مثلا (خلص دوامهم)

__________________
كلآم الناس بالنسبة لي ،، مكآلمة لم يتم الرد عليهآ ..!!!

طبعا الرسوم تكون على الحسابات البنكية العادية اما الحسابات vip فيكون رسوم السحب الدولي اقل وبعض الاحيان مجاني انا عن نفسي اول مره واخر مره وتجربة لن تتكرر مع وفا كاش وغيره .

شكرا للتوضيح

__________________
كلآم الناس بالنسبة لي ،، مكآلمة لم يتم الرد عليهآ ..!!!

العفو والشكر لك ..

شكرا على الموضوع والمعلومات المهمه
لكن انا اشوف الحساب مفيد جدا جدا ومن تجربتي اشوف ان فائدته اكثر بكثير من سلبياته