اسئلة بخصوص التملك في المغرب وبالتحديد مراكش
 

السلام عليكم

عديت اليوم علي منتج في مراكش اسمه برستيجيا وانو بداو البيع في مخطط عماير جديد ب ١٣٧٠٠٠ يورو

طريقتهم
١- ١٠ في المية عند التوقيع
٢- ١٥ في المية بعد اربعة شهور
٣- ١٥ في المية بعد سته شهور
٤- باقي المبلغ عند الاستلام واللي تقريبا راح يكون بعد سنه ونص

البيع للاجانب هل هوا امن ؟ انا من السعودية؟ هلي الدولة عندها اي محامي في السفارة السعودية للبيع ؟
هل لازم اطلع اقامة مغربية في حالة الشراء بالتقسيط ؟ هل استطيع الشراء بدون اقامة ؟ ايش مشاكل استخراج الاقامة ؟ وهل حقوقي محفوظة ؟

هل الطريقة هذا مضمونه للاجانب ؟ هل تنصحو بالشراء في مراكش او طنجة ؟ للاستثمار الطويل ؟ نصيحتكم ياشباب

شكرا جزيلا مقدما \

أنا شريت في شهر سبتمبر الي راح شقة في أغادير.
كنصيحة شي ما شفته بعينك لا تشتريه حتى لو كان بتراب الفلوس مو عاد ب137 الف يورو ، بمعنى شئ تحت التأسيس أصرف نظر عنه، لأنه لو أحسنت الظن في الشركة فمدة التنفيذ بتصير دبل وتريبل، وإذا أسأت الظن فلك أن تتخييل وش ممكن يصير وحلني على ما يرجعلك حقك اذا رجع.

بالنسبة لي يوم شريت، شفت الشقة وعجبتني واتفقت مع الشركة على السعر وكل شئ، بعدين رحت جبت نوتير (الي هو الموثق) عن طريقي وليس عن طريق الشركة وعطيته ورق الشركة وتأكد أن كل شئ نظامي ولا توجد مستحقات او ديون على العمارة الي فيها الشقة، وكتبنا العقد واستلمته بعد 20 يوم، طبعاً النوتير يأخذ 6.5٪ من قيمة الشقة (المحافظة 1.5٪ والمالية 4٪ والنوتير 1٪)، طبعاً هذه النسبة واحدة للمغاربة والأجانب.
الدفع كان عن طريق النوتير شييك مصدق بقيمة الشقة بإسم الشركة وشييك مصدق ب6.5٪ بإسم النوتير، طبعاً من حسابي بالعملة الأجنبية في البنك الشعبي.
تشغييل عدادات الكهرب والماء بما إن الشقة جديدة كلفني على ما اذكر 3800 درهم، نفس سعر المغربي.
الي يفرق هو ما يسمى رسوم البلدية مدري النظافة للمغاربة 1000 درهم في السنة وظني للأجانب 4000 درهم، إلى الآن ما جتني.

الشئ الغريب في الموضوع انهم ما عطوني اقامة ولا يعطوا اقامة لمن يتملك عقار ، واذا ابغى اقدم على اقامة لازم اجلس في المغرب 6 شهور متواصلة، او ظني ارخي الريال من تحت الطاولة ما جربتها، طبعاً فائدة الإقامة الحالية بالنسبة لي هو شراء سيارة، تخيل شريت شقة ولا اقدر اشتري سيارة بإسمي اذا ما كان عندي اقامة
مع التحية

الشي لي نقولولك اخويا هو بعد عن بريستبجيا وانتبه يغرونك بصور البرطمات على الكمبيوتر والمخططات لا تدفع فلوس قبل ما تشوف الدار كاملة ولودفعت ادفع الشي البسيط ولا يقولولك كل الشقق انباعت اي كلام انتبه
افضل تشتري دارك من مقاول عادي عبر وكالة عقارية على انك تاخدها من الشركات الكبرى ما تقدر تشد عليهم والو وخصوصا انت اجنبي
وبالنسبة للاستتمار عندنا ما انصحك فيه ادا كنت لام فلوسك لا تغامر فيها الا ببلدك
الايجار عندنا كله مشاكل سواء شقةاو عقار بمجرد ما يدخل المستاجر لشقتك انسى انها لك القانون كله واقف فصفو وما تقدر تخرجو من الشقة
متى الواحد يفكر يستتمرر بالمغرب لمن يكون راس ماله قوي وحتى لوخسر ما ياثر فيه يعني مغامرة تصيب او تخيب اما تحويشة العمر انتبه من ها الشي
اشتري دار واستمتع بيها بدون ما تاجرها ولمن تحس نفسك مليت بيعها وفلوسك بجيبك
وموفق نشا الله

بالنسبه لو موضوعك استثمار اترك موضوع الشقه افضل لك
بالنسبه لشركه برستيجيا فهي شركه كبيره و موثوق فيها وموقع الشركه الرئيسي بالرباط حي الرياض .... الصراحه تشطيب فاخر ما فيه عيوب ..... لكن السعر عندهم شويه غالي لكن راح تاخذ شي ممتاز ادخل مشروعهم في مراكش و القنيطره وراح تشوف التشطيب بنفسك ويتميزون انه التكيف مركزي هذا بالنسبه للي انا شفته بنفسي عندهم
لكن انا ما اتفقت معاهم لانه السعر عالي وما كان فيه نصيب

المشكلة مش بالتشطيب تشطيب زوين بزاف ، المشكلة انهم يطولون ويجرجرونك خصوصا لو في ازمة مالية
حنا دابا فالمغرب بمرحلة تعويم الدرهم ماحد بيعرف الاقتصاد شو ممكن يجرا فيه
يعني متلا عندنا بفاس شركة برستيجيا كان عندهم مشروع كبير ديال الشقق فمكان اسمه شوندكورس
ومن ضمن المخطط انه تكون حديقة خاصة لسكان المجمع وموول تجاري ف بزاف ديال ناس اشترو المفاتيح حتى قبل ما يشوفو البناء طالع بحكم انها شركة كبيرة ولها سمعة والتمن حيكون قليل فالبداية اشترو الديور بمجرد شافو الكروكي فالكمبيوتر ..
صارت مشاكل مالية للشركة وتوقف البناء لسنوات وكل ما يقولولهم عطونا فلوسنا ياجلو وبجرجرونهم حتى مرت اربع سنوات او خمس وكملو البناء وما دارو المخطط بالشكل المتفق عليه صارت حديقة عمومية للكل ودارك ساكن فيها بعد التاخيرة والتجرجيرة

برستيجيا شركه كبيره وتسوي مشاريع كبار بهالنظام ولها مشروع في مراكش سابق وتصميمه روعه لكن ما يمنع تروح لسفارة بلدك وتكلم المحامي وتستشيرهم

مانصحك يالطيب

ابداً ماانصح بالتملك في بلد يعجبك السياحه فيه. لانك تبي تغرز فيه بعذر انك متملك. فلو تحسب قيمه الايجار مرتين بالسنه مقسمه عليك انت وخويك بأفضل الاماكن يطلع مبلغ بسيط لايذكر. مقارنه بالتملك ومشاكله وتكاليفه. تحياتي

للعلم
الحكومه المغربيه تاخذ نصيبها في حال البيع بسعر اعلي من اللي شريته بالنسبه للشقق ( اقصد ارباحك ) اذا كان تفكيرك بالاستثمار ادرس موضوعك عدل
وهذي معلومه حط تحتها خطين

اذا متقاعد وماوراك شي وبتقضيها بين المغرب وبلدك تشتري شقه افضل واذا معاك خوي نفس وضعك يكون احلى وراي مهندس صحيح ميه فالميه انا تملكت بنفس الطريقه وتحول دراهم من بلدك رسمي لبنك فالمغرب وتتفق مع موثق عقاري مصرح مسؤل عن كل شي الى توثيق الملكيه وتدفع عن طريق البنك ا وشيك مصدق من البنك
حتى اذا نويت تبيع ماعندك مشكله فتحويل المبلغ لبلدك بعد حسم الظريبه .