صباح الخير حسب توقيت صحوتي
نبدا من حيث انتهى الكلام بعد المغارده من القاهره الى كازا خمس ساعات شوق ووله ولهفه وتعب لايطاق عدت اللحظات وتم الاعلان عن الرحله صراحه الخطوط المغربيه تقيمي لها ٥/١٠ مافيه ترفيه ع الرحله زحمه طبعا بلغ التعب اقصاه لم استطع النوم من اللهفه لاكتشاف المجهول المعلوم لدي او من الي كانو راكبين جنبي المهم بعد خمس ساعات من العناء هبطنا في مطار محمد الخامس بدت نبظات القلب تتزايد المهم مالكو بالطويله كل ماكنت اقراه عن موظفي الجوازات شفته بعيني دخلت الصاله عبيت كرت الوصول باللغه العربيه وانتظرت دوري يوم وصلت بدا الاكشن جلس يلمح لي عن الدفع وانا مبتسم وساكت يوم عرف اني ماني دافع له شي قال لي لازم تعبي الكرت باللغه الانجليزيه رفضت وقلت له انا نازل في بلد عربي وهذي لغته الرسميه وبدا يعلي صوته وقال وقف بعيد انا طبعا كل تعب الدنيا فيني ومواصل مانمت قلت اتعوذ من الشيطان واعطيه دقيقتين لزوم الصبر وجلس يمشي بالاجانب بدون اي تعقيد المهم عدت الدقيقتين وبديت اتنرفز وسئلت عن المسئول وطلبته وجاني واحد للامانه محترم جدا وقلت له الوضع اخذ جوازي وختمه لي ومشاني وصراحه الي لمسته ان الموظف الي عقدني لا يمثل الانفسه باقي الشعب المغربي جد ودود مهو مثل ماصوروهم لنا بعض الاخوان من الجمارك الى الصرف الى محلات الايجار كلهم تعامل جدا محترم خرجت من المطار الى الفله الي حاجزها قلت عشان اريح ثلاث ساعات نمت ساعه وصحيت قلت ماني جاي انام واطلع ع كارفور واعبي كل مالذ وطاب واروح للفله وانزل الاغراض وارجع للمطار لاستقبال صديقي الي جاي ع رحله اخرى من اوربا طبعا استقبلته ورجعنا للفله وخليناها ليله التعب للنوم والراحه وسهرنا مع الاصدقاء ونسينا التعب كله ونمنا الفجر وصحينا الظهر ثاني يوم ،،،،،،
نكمل لكم اليوم الثاني بوقت لا حق
ملاحظه الانطباع الاول عن اي مدينه هو الامان وهذا شي لمسته انا في كازا من اول دقيقه البلد والمدينه واهلها مضيافين