مساعدة لواحد يسافر المغرب اول مره اعطونا نصايحكم ..

ميزانيتي 15 الف مع الطيران والسكن هل تكفي اسبوع ؟؟؟؟
ونظامي مو شرط كل يوم سهر وطيور

رايي بدون طيران يعني ال15 مناسبه للاسبوع من والى .

نصيحة
سيارة من كازا الي اكادير اليوميه ١٣٠ شامل بالديزل وخذ قير انوماتيك
السكن فيه خليج اغادير و اماديل
اسعارهم ممتازة حواي ٦٠٠ ريال باليوم
السهر في مزيكا او مزازيك ممتاز و عندك كاش جيد لزوم التغيير
الاكل المغربي طيب جداً و ممتاز لا تاخذ مندي و بخاري و غيره من اللي تعودت عليها فيه المبخر و الطواجن والكسكس و البسطيله و المراكشيه وغيرها
والاسماك عد و اغلط
اتمني افدتك
تحياتي
سفره ممتعه

المعذرة بغيت اكتب ردي في موضوع ثاني
وكتبته عندك بالغلط

خد راحتك ياعسل واعطينا بعض من خبراتك

ماننحرم من نصايحكم

لو افترضنا بتحجز الان:
موعد الرحلة من 23 الى 30 يونيو 2018
جدة- كازا - أغادير، أغادير -كازا جدة
على الخطوط السعودية: 3560 ريال

السكن في فندق حسب أسعار المؤيد للسفر والسياحة:
من 23 الى 30 يونيو 2018
فندق صحارى (ولا أنصحك فيه) 5000 ريال
رويال أطلس ( أنصحك فيه وبقوة) 5400 ريال
خليج أغادير (يمدحوه الشباب) 5400 ريال





يبيلك في اليوم 1000 ريال هذي 7000 ريال


التاكسي من المطار للفندق 220 درهم، ومن الفندق للمطار 200 درهم
مشاويرك بالتاكسي وعلى أساس أنك خليجي وبتريح راسك وبتتفق معه، المشوار في النهار ب30 درهم وفي الليل ب 50 درهم
الشريحة اورنج مع مكالمات مع ساعتين مكالمات محلية و 10 جيجا نت ب 150 درهم

ليش ماتحجز مِن جدة لكازا دايركت فقط واذا وصلت تأخذ سيارة ايجار يومية من 120 ريال الى 150 ريال وتحط عفشك فيها وتسوق الى كل مكان
من قالك اكادير اذا اول مره ولحالك يارجال روح وين ماتبي كازا مراكش اكادير طنجة

ترى أسبوع ولاشي بالمغرب
اذا ميزانيتك 15 الف ادعس عشرة ليالي للمغرب بالتوفيق وسفرة سعيده

__________________
ليت لي من عناء البعد راحه
يابهجة الخاطر وكثر الأمنيات

اوووح ياحبيبي اسعار التذكره والسكن نار ياحبيبي نااار مدري هو على طول كذا ولا عشان صيفيه !!
التذكره حصلتها ب 2865
بس السكن ذا الي نكبه :(

طيب غير السكن والطيران هل بقية الاشياء تعتبر رخيصه ولا غاليه ؟ تكسي - مطاعم - والسهرات و..و..

والله وانا اخوك الاغلب يقولو اغادير تصلح للي اول مره ليه انا مدري رغم اني احس مراكش الافضل بكل شي
وبعدين كأول مره واستاجر سياره احس صعبه ي ولد لا اجيب العيد مدري ايش نظام سواقتهم والطرقات ايش يعرفني فيها والمخالفات تبعهم خلونا ع التكاسي